Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 26;1-25

26  Ekem mbon Ziph+ ẹdi ẹtiene Saul ke Gibeah+ ẹdidọhọ enye ẹte: “Nte David idịbeke ke obot Hachilah,+ emi asakde iso ese Jeshimon?”+  Ndien Saul adaha ke enyọn̄+ osụhọde aka wilderness Ziph, owo tọsịn ita+ emi ẹmekde ke Israel ẹnyụn̄ ẹsan̄a ye enye, man ẹkeyom David ke wilderness Ziph.  Ndien Saul anam nna ke mbenusụn̄, ke obot Hachilah emi asakde iso ese Jeshimon, ke adan̄aemi David odụn̄de ke wilderness. Enye onyụn̄ okụt ke Saul emedi ndibịne imọ ke wilderness.  Ekem David osio mbon uyep+ ọdọn̄ man ọfiọk m̀mê Saul edi ke akpanikọ.  Ekem David adaha aka ebiet emi Saul anamde nna, ndien David okụt ebiet oro Saul anade, n̄ko ye ebiet emi Abner+ eyen Ner kpa etubom udịmekọn̄ esie anade; Saul akana ke ebiet ubon n̄kpoduoho ke itienna+ ndien mme owo ẹna ẹkanade enye ẹkụk.  Ndien David obụp Ahimelech owo Hittite+ ye Abishai+ eyen Zeruiah,+ kpa eyeneka Joab ete: “Anie editiene mi osụhọde ebịne Saul ke itienna?” Ntem Abishai ọbọrọ ete: “Ami nyetiene fi nsụhọde n̄ka.”+  Ekem David ọwọrọ ye Abishai osụhọde aka ke ọtọ mmọ ke okoneyo; ndien sese! Saul anade mi ede ke ebiet ubon n̄kpoduoho, eduat esie onyụn̄ owụhọ ke isọn̄ ke ọtọ emi enye enịmde ibuot, Abner ye kpukpru mbon eken ẹnyụn̄ ẹna ẹkanade enye ẹkụk.  Ndien Abishai ọdọhọ David ete: “Abasi amayak asua fo esịn fi ke ubọk mfịn emi.+ Ndien ke emi, mbọk, yak nda eduat emi n̄kịm enye ndian ke isọn̄ ini kiet kpọt, ndikịmke enye ikaba.”  Edi David ọdọhọ Abishai ete: “Kûwot enye, koro anie anyan ubọk otụk enye emi Jehovah eyetde aran+ ndien ọbọhọ ubiomikpe?”+ 10  Ndien David ọdọhọ ete: “Ma uwem Jehovah,+ Jehovah oyowot enye;+ mîdịghe usen esie ama ekem+ enye ayakpa, mîdịghe enye ama aka ekọn̄+ ẹyewot enye.+ 11  Nsa mi-o!+ Koro mîfọnke Jehovah ke enyịn+ ami ndinyan ubọk mi ntụk+ enye emi Jehovah eyetde aran!+ Ndien, ke emi, mbọk men eduat oro owụhọde ke ọtọ emi enye enịmde ibuot ye aban̄ mmọn̄ oro di nnyịn inyọn̄.” 12  Ntre David emen eduat ye aban̄ mmọn̄ oro ke ọtọ emi Saul enịmde ibuot, ndien mmọ ẹnyọn̄; edi baba owo kiet ikwe+ inyụn̄ ifiọkke, baba owo kiet inyụn̄ idemekede, koro kpukpru mmọ ẹma ẹde, Jehovah ama onyụn̄ anam ọkpọsọn̄ idap+ omụm mmọ. 13  Ekem David ebe aka edem n̄kan̄ eken akada nsannsan ke enyọn̄ obot, akamba ufan̄ onyụn̄ odu ke ufọt mmọ. 14  Ndien David ofiori okot kpukpru mmọ ye Abner eyen Ner, ete: “Abner, ndi uyereke?” Ndien Abner+ eyere onyụn̄ ọdọhọ ete: “Afo edi anie emi ofioride okot edidem?” 15  Ndien David ọdọhọ Abner ete: “Nte afo udịghe erenowo? Anie owo onyụn̄ ebiet fi ke Israel? Ntak, ndien, emi afo mûkukpemeke ọbọn̄ fo kpa edidem? Koro owo kiet ama odụk edi ndiwot edidem kpa ọbọn̄ fo.+ 16  N̄kpọ emi afo anamde mi ifọnke. Ma uwem Jehovah,+ mbufo ẹmedot n̄kpa,+ koro mbufo mîkekpemeke+ ọbọn̄ mbufo kpa enye emi Jehovah eyetde aran.+ Ndien, ke emi, se ebiet emi eduat edidem odude, ye aban̄ mmọn̄+ emi akanade ke ọtọ emi edidem enịmde ibuot.” 17  Ekem Saul ada ọdiọn̄ọ uyo David onyụn̄ obụp ete: “David eyen mi, nte uyo fo edi oro?”+ Ntem David ọbọrọ ete: “Uyo mi ke edi, ọbọn̄ mi edidem.” 18  Enye onyụn̄ adian do ete: “Nso inam ọbọn̄ mi ebịnede asan̄autom esie,+ nso ke ami nnyụn̄ nnam, ewe idiọkn̄kpọ inyụn̄ idu mi ke ubọk?+ 19  Ndien, ke emi, mbọk yak ọbọn̄ mi edidem akpan̄ utọn̄ ke ikọ asan̄autom esie: Edieke edide Jehovah anam fi ebịne mi, yak enye ọbọ uwa n̄kpasịp.+ Edi edieke edide nditọ owo,+ osụk ọdọdiọk ọnọ mmọ ke iso Jehovah,+ koro mmọ ẹbịnde mi mfịn emi ẹfep man n̄kûnyene ebuana ke udeme Jehovah,+ ẹnyụn̄ ẹdọhọ ẹte, ‘Ka, kanam n̄kpọ mme abasi efen!’+ 20  Ndien, ke emi, kûyak iyịp mi ọduọhọ ke isọn̄ ke iso Jehovah;+ koro edidem Israel ọmọwọrọ aka ndiyom idan̄ ebua+ kiet, kpa nte owo ebịnede nsan̄kot ke obot.”+ 21  Ekem Saul ọdọhọ ete: “Ami mmanam idiọkn̄kpọ.+ David eyen mi, nyọn̄ di, koro ami ndinamke fi aba idiọk, ke ntak emi ukpọn̄ mi ọsọn̄de urua+ mfịn emi ke enyịn fo. Sese! ami mmanam ndisịme mmonyụn̄ nnam akamba ndudue.” 22  Ndien David ọbọrọ enye ete: “Sese eduat edidem mi, yak kiet ke otu n̄kparawa oro ebe edibọ. 23  Koro Jehovah edinọ nnyịn owo kiet kiet utịp ke edinen ido+ nnyịn ye ke edinam akpanikọ nnyịn, ke emi Jehovah adade fi mfịn emi esịn mi ke ubọk, ndien ami nnyịmeke ndinyan ubọk mi ntụk enye emi Jehovah eyetde aran.+ 24  Ndien, sese! kpa nte ukpọn̄ fo ọsọn̄de urua ke enyịn mi mfịn emi, ukpọn̄ mi akpakam ọsọn̄ urua ke enyịn Jehovah,+ man enye akpanyan̄a mi osio ke kpukpru nnanenyịn.”+ 25  Ntem Saul ọdọhọ David ete: “Ọfọfọn ọnọ fi, David eyen mi. Afo udutreke ndinam n̄kpọ, udunyụn̄ utreke ndikụt unen ke se anamde.”+ Ekem David adaha ọnyọn̄ esie; ndien Saul afiak ebiet esiemmọ.+

Mme Ikọ Idakisọn̄