Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 25;1-44

25  Ekem Samuel+ akpa; ndien ofụri Israel ẹsop idem ọtọkiet, ẹtua+ enye ẹnyụn̄ ẹbụk enye ke ufọk esie ke Ramah.+ Ndien David osụhọde aka wilderness Paran.+  Ndien owo kiet odu ke Maon,+ edi enye anam utom ke Carmel.+ Enye okonyụn̄ edi owo akwa inyene, emi ekenyenede erọn̄ tọsịn ita ye ebot tọsịn kiet; ndien enye edi ndifat erọn̄ esie idet+ ke Carmel.  Ndien owo emi ekekere Nabal,+ n̄wan esie onyụn̄ ekere Abigail.+ Ndien n̄wan emi enyene eti ibuot+ onyụn̄ eye uyai, edi ebe esie ọsọn̄ ido onyụn̄ ọdiọk uwem, mme edinam esie ẹnyụn̄ ẹdiọk;+ enye okonyụn̄ edi owo ubon Caleb.+  Ekem David okop ke wilderness ete ke Nabal ke afat erọn̄ esie idet+.  Ntre David osio n̄kparawa duop ọdọn̄ onyụn̄ ọdọhọ mmọ ete: “Mbufo ẹdọk ẹka Carmel ke ọtọ Nabal ẹnyụn̄ ẹda enyịn̄ mi ẹbụp ẹnyụn̄ ẹfiọk nte n̄kpọ etiede ye enye.+  Mbufo ẹdọhọ ntem ye eyenete mi, ẹte, ‘N̄kpọ akpakam ọfọn ye afo+ ye ofụri mbonufọk fo n̄ko, ye kpukpru se inyenede fi.  Mmokop ke afo emenyene mme andifat erọn̄ idet. Ndien mme ekpemerọn̄ fo ẹma ẹdu ye nnyịn.+ Nnyịn ikafịnake mmọ,+ n̄kpọ mmọ ndomokiet ikonyụn̄ isopke ke kpukpru usen oro mmọ ẹkedude ke Carmel.  Bụp ikọt fo, ndien mmọ ẹyesian fi, man n̄kparawa mi ẹkụt mfọn ke iso fo, koro nnyịn idide ke eti usen. Mbọk, nọ se ededi oro ubọk fo ekemede ndinọ mme asan̄autom fo ye eyen fo David.’”+  Ntem n̄kparawa David ẹdi ẹdida enyịn̄ David ẹtịn̄ kpukpru ikọ emi ye Nabal, ẹnyụn̄ ẹbet. 10  Ntem Nabal ọbọrọ mme asan̄autom David ete: “David edi anie,+ eyen Jesse onyụn̄ edi anie? Koro ke eyo emi ediwak mme asan̄autom ẹmefehe ẹkpọn̄ mme eteufọk mmọ.+ 11  Nte ami ndimen uyo+ mi ye mmọn̄ mi ye unam oro n̄wotde nnọ mme andifat erọn̄ mi idet ndinọ mbon oro mmen̄kam mfiọkke ebiet emi mmọ ẹtode?”+ 12  Ntem n̄kparawa David ẹfiak ẹnyọn̄ ẹdimen kpukpru ikọ emi ẹtịn̄ ẹnọ David. 13  Inikiet inikiet David ọdọhọ ikọt esie ete: “Mbufo kpukpru ẹbọbọ akan̄kan̄ mbufo.”+ Ntre kpukpru owo ẹbọbọ akan̄kan̄ mmọ, David n̄ko ọbọbọ akan̄kan̄ esie; ndien mmọ ẹtiene David, n̄kpọ nte irenowo ikie inan̄, ke adan̄aemi irenowo ikie iba ẹtiede ẹkpeme mbiomo.+ 14  Ekem akparawa kiet ọkọtọt Abigail n̄wan Nabal ete: “Sese! David ọkọdọn̄ mme isụn̄utom ẹto wilderness ẹdikọm eteufọk nnyịn, edi enye an̄wan̄a isụn̄i+ ofụk mmọ. 15  Ndien irenowo oro ẹma ẹfọn etieti ye nnyịn, mmọ ikafịnake nnyịn, baba n̄kpọ nnyịn kiet ikonyụn̄ isopke ke kpukpru usen emi nnyịn iketienede mmọ isan̄a ke in̄wan̄.+ 16  Mmọ ẹma ẹkan nnyịn ẹkụk nte ibibene+ ke okoneyo ye ke uwemeyo, ke kpukpru usen emi nnyịn ikodude ye mmọ ikpeme erọn̄. 17  Ndien, ke emi, afo kere nyụn̄ yom se edinamde, koro mmọ ẹmebiere+ ndida afanikọn̄ nsọk eteufọk nnyịn ye ofụri ufọk esie, koro enye edide ata obukpo owo+ mînyụn̄ idịghe se ẹtịn̄de ikọ ye enye.” 18  Ndien Abigail+ awara ada ebok uyo ikie iba ye ikpọ aban̄ wine iba+ ye erọn̄ ition emi ẹma ẹkewot ẹnyụn̄ ẹdiọn̄+ ye udomo seah edifọp wheat+ ition ye ebok edisat grape*+ ikie ye ebok fig+ ikie iba onyụn̄ atan̄ mmọ odori ke mme ass. 19  Ndien enye ọdọhọ n̄kparawa esie ete: “Mbufo ẹbem mi iso ẹsan̄.+ Sese! ami mmọn̄ ntiene mbufo ke edem.” Edi enye itịn̄ke baba n̄kpọ emi kiet inọ ebe esie. 20  Edikem ke adan̄aemi enye awatde ke ass+ ndịbe ndịbe osụhọde ke obot, sese! David ye ikọt esie do ẹsụhọrede ẹdibiọn̄ọde enye ke iso. Ntre ke enye osobo ye mmọ. 21  Ndien David ama ọdọdọhọ ete: “Edi ke ata ikpîkpu ke ami n̄kekpeme kpukpru se owo emi enyenede ke wilderness ndien baba n̄kpọ kiet ke otu kpukpru se enye enyenede ikosopke,+ edi enye ada idiọk osio mi usiene eti.+ 22  Ntre Abasi akpakam anam ntem ye mme asua David onyụn̄ ọdọdiọn̄ anam+ edieke ndiyakde erenowo+ ekededi emi enye enyenede osụhọ tutu eyo esiere.”+ 23  Ke ini Abigail adade okụt David, enye awara osụhọde ke ass, ọduọ+ ekịbi iso ke isọn̄ ke iso David. 24  Ekem enye ọduọ enye ke ukot+ onyụn̄ ọdọhọ ete: “O ọbọn̄ mi, yak ndudue esie obiomo mi ke idem;+ ndien, mbọk, yak ofụn an̄wan fo etịn̄ ikọ esịn fi ke utọn̄,+ afo nyụn̄ kpan̄ utọn̄ ke se ofụn an̄wan fo oyomde nditịn̄. 25  Mbọk, yak ọbọn̄ mi okûtiene obukpo owo+ emi Nabal, koro nte enyịn̄ esie edide, kpa ntre ke enye etie. Enyịn̄ esie edi Nabal, enye onyụn̄ asan̄a ye ndisịme esie.+ Ami ofụn an̄wan fo n̄kekwe n̄kparawa ọbọn̄ mi oro afo ọkọdọn̄de utom. 26  Ndien, ke emi, ọbọn̄ mi, ma uwem Jehovah,+ ma ukpọn̄ fo n̄ko,+ Jehovah ọmọbiọn̄ọ+ fi ndinyene ubiomikpe iyịp+ nnyụn̄ nda ubọk fo nnyan̄a+ idemfo. Ndien, ke emi, yak mme asua fo ye mmọ eke ẹyomde ndinam ọbọn̄ mi idiọk ẹkabade ẹtie nte Nabal.+ 27  Ndien amaedi enọ edidiọn̄+ emi ofụn an̄wan fo adade ọsọk ọbọn̄ mi, men enye nọ n̄kparawa emi ẹsan̄ade ke nde ikpat+ ọbọn̄ mi. 28  Mbọk, dahado ke idiọkn̄kpọ ofụn an̄wan fo,+ koro Jehovah mîditreke ndibọp ufọk emi ebịghide nnọ ọbọn̄ mi,+ koro edi ekọn̄ Jehovah ke ọbọn̄ mi an̄wana;+ owo idinyụn̄ ikwe fi idiọkn̄kpọ ke idem ke ofụri eyouwem fo.+ 29  Ke ini owo adahade ada ebịne fi onyụn̄ oyomde ukpọn̄ fo ndiwot, Jehovah Abasi fo+ ọyọbọp ukpọn̄ ọbọn̄ mi esịn ke ekpat uwem;+ edi enye oyofụn̄ ukpọn̄ mme asua fo, nte n̄kpọ eke ẹsịnde ke utopitiat ẹtop ẹduọk.+ 30  Ndien sia Jehovah edinamde kpukpru nti n̄kpọ emi enye ọdọhọde ọbọn̄ mi, enye iditreke ndinịm fi ke adausụn̄ Israel.+ 31  Yak ọbọn̄ mi okûyak n̄kpọ emi afịna enye, okûnyụn̄ ayak emi edi n̄kpọ iduọ ọnọ enye, anam ọbọn̄ mi ọduọk iyịp ke unana ntak+ ke ndida ubọk esie nnyan̄a idemesie.+ Ndien Jehovah iditreke ndifọn mfọn ye ọbọn̄ mi, afo nyụn̄ ti+ ofụn an̄wan fo.” 32  Ntem David ọdọhọ Abigail ete: “Yak ekọm enyene Jehovah Abasi Israel,+ emi osiode fi ọdọn̄ ete edi edisobo ye ami mfịn emi! 33  Yak ẹnyụn̄ ẹkọm fi ke eti ibuot fo,+ ẹnyụn̄ ẹkọm fi emi akpande mi ndinyene ubiomikpe iyịp+ mfịn emi, onyụn̄ akpande mi ndida ubọk mi nnyan̄a+ idemmi. 34  Ndien, ma uwem Jehovah Abasi Israel emi ọbiọn̄ọde mi ndinam fi idiọk,+ edieke afo mûkpawarake udusobo ye ami,+ baba erenowo+ kiet ikposụhọke inọ Nabal ke eyo esierede.” 35  Ntem David ọbọ enye se enye akadade ọsọk enye, onyụn̄ ọdọhọ enye ete: “Nyọn̄ ufọk fo ke emem.+ Sese, mmokop uyo fo man ntua fi mbọm.”+ 36  Ekem Abigail ọnyọn̄ ebịne Nabal, ndien sese, enye ke adia usọrọ ke ufọk esie nte usọrọ edidem;+ ndien esịt adat Nabal, enye onyụn̄ akpa mmịn+ etieti; Abigail inyụn̄ itịn̄ke baba n̄kpọ kiet inọ enye, edide ekpri m̀mê akamba, tutu eyo esiere. 37  Edikem ke usenubọk ke wine ama akatara Nabal ke enyịn, n̄wan esie emen n̄kpọ emi etịn̄ ọnọ enye. Ndien esịt+ esie odoro ibikpai, enye onyụn̄ akabade etie nte itiat. 38  Ke n̄kpọ nte usen duop ẹma ẹkebe, Jehovah ọtọ+ Nabal owot. 39  Ndien David edikop ke Nabal akpa, enye onyụn̄ ọdọhọ ete: “Yak ekọm enyene Jehovah emi ekpede ikpe+ mi onyụn̄ anamde mi mbọhọ esuene+ ke ubọk Nabal onyụn̄ akpande asan̄autom esie ndinam idiọk,+ ndien Jehovah amanam idiọkn̄kpọ Nabal afiak odoro enye ke ibuot!”+ Ekem David ọdọn̄ ẹkebụp Abigail ndọ ẹnọ imọ.+ 40  Ntre mme asan̄autom David ẹdi ẹbịne Abigail ke Carmel ẹnyụn̄ ẹdidọhọ enye ẹte: “David ọdọn̄ nnyịn utom ọnọ fi ete idida fi isọk imọ ke ndọ.” 41  Enye adaha ke enyọn̄ inikiet inikiet onụhọ onyụn̄ ekịbi iso ke isọn̄,+ ndien ọdọhọ ete: “Se ofụn an̄wan fo mi ndisan̄a utom nnyụn̄ nyet ukot+ mme asan̄autom ọbọn̄ mi.”+ 42  Ndien Abigail+ awara adaha ke enyọn̄ odoro+ ke ass, ifịn iban esie ition ẹnyụn̄ ẹsan̄a ẹtiene enye ke edem; ndien enye asan̄a ye mme isụn̄utom David akakabade edi n̄wan esie. 43  David ama onyụn̄ ada Ahinoam+ ke Jezreel+ ọdọ; ndien mmọ mbiba ẹkabade ẹdi iban esie.+ 44  Edi Saul ama emen Michal+ eyenan̄wan esie, kpa n̄wan David, ọnọ Palti+ eyen Laish, emi okotode Gallim.+

Mme Ikọ Idakisọn̄

“Mfri vine.”