Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 23;1-29

23  Ekem mmọ ẹditọt David, ẹte: “Mbon Philistia ke ẹn̄wana ekọn̄ ye Keilah,+ mmọ ke ẹnyụn̄ ẹbụme mme ọtọ udịghi wheat.”+  Ndien David obụp+ Jehovah ete: “Nte n̄ka n̄kan̄wana ye mbon Philistia?” Jehovah onyụn̄ ọbọrọ David ete: “Ka kan̄wana ye mbon Philistia nyụn̄ nyan̄a Keilah.”  Ntem ikọt David ẹdọhọ enye ẹte: “Sese! Nnyịn imokop ndịk ndikam ndu mi ke Judah,+ n̄wan̄wadise nnyịn ndika Keilah n̄kan̄wana ye udịmekọn̄ mbon Philistia!”+  Ntre David ọtọn̄ọ ntak obụp Jehovah.+ Jehovah onyụn̄ ọbọrọ enye ete: “Daha ke enyọn̄, sụhọde ka Keilah, koro mmọn̄ nda mbon Philistia nsịn fi ke ubọk.”+  Ekem David ye ikọt esie ẹdaha ẹka Keilah ẹken̄wana ye mbon Philistia ẹnyụn̄ ẹtan̄ mme ufene mmọ, edi ẹwot mbon Philistia ọkwọkudịm; ndien David edi andinyan̄a ọnọ mme andidụn̄ Keilah.+  Ndien ke ini Abiathar+ eyen Ahimelech ekefehede etiene David ke Keilah, ephod+ kiet ama osụhọ enye ke ubọk.  Ekem ẹtọt Saul ẹte: “David edi Keilah.”+ Ndien Saul ọdọhọ ete: “Abasi amayak enye esịn mi ke ubọk,+ koro enye edikụk idem esịn ke obio emi enyenede usụn̄ ye eto usịnusụn̄.”  Ntre Saul okot kpukpru owo ete ẹsụhọde ẹka ekọn̄ ke Keilah, man ẹkekụk David ye ikọt esie ẹsịn do.  Ekem David edifiọk ke Saul ke aduak ndinam imọ ibak.+ Ntem enye ọdọhọ Abiathar oku ete: “Da ephod oro di.”+ 10  Ndien David ọdọhọ ete: “O Jehovah Abasi Israel,+ asan̄autom fo etịm okop ete ke Saul oyom ndidi ndisobo obio Keilah ke ntak mi.+ 11  Nte mme enyene isọn̄ Keilah ẹyeyak mi ẹsịn enye ke ubọk? Nte Saul oyosụhọde edi kpa nte asan̄autom fo okopde? O Jehovah Abasi Israel, mbọk, sian asan̄autom fo.” Ntem Jehovah ọbọrọ enye ete: “Enye oyosụhọde edi.”+ 12  David onyụn̄ obụp ete: “Nte mme enyene isọn̄ Keilah ẹyeyak mi ye ikọt mi ẹsịn Saul ke ubọk?” Ndien Jehovah ọbọrọ ete: “Mmọ ẹyeyak mbufo ẹsịn enye ke ubọk.”+ 13  Ndien David awara adaha ke enyọn̄, enye ye ikọt esie, n̄kpọ nte owo ikie itiokiet,+ ẹwọrọ ke Keilah ẹnyụn̄ ẹsan̄a ẹka ebiet eke mmọ ẹkekeme. Ndien etop ekesịm Saul ete ke David efehe ọkpọn̄ Keilah, ntem enye osion̄o idem ọkpọn̄ ndisụhọde n̄ka. 14  Ndien David odụn̄ ke wilderness ke ebiet emi ọsọn̄de ndisịm, onyụn̄ odụn̄ ke obot obot ikpehe wilderness Ziph.+ Ndien Saul oyom enye kpukpru ini,+ edi Abasi iyakke enye isịn Saul ke ubọk.+ 15  Ndien ndịk anam David koro Saul okoyomde ukpọn̄ esie ndiwot ke adan̄aemi David okodude ke wilderness Ziph ke Horesh.+ 16  Ndien Jonathan eyen Saul adaha etiene David ke Horesh, man ọkọsọn̄ọ enye idem+ ke Abasi.+ 17  Jonathan onyụn̄ ọdọhọ enye ete: “Kûfehe ndịk;+ koro ubọk Saul ete mi iditụkke fi, koro afo eyedi edidem+ ke Israel, ami nyonyụn̄ ndi udiana fo; Saul ete mi onyụn̄ ọfiọk emi.”+ 18  Ntem mmọ mbiba ẹdụk ediomi+ ke iso Jehovah; ndien David odụn̄ ke Horesh, edi Jonathan ọnyọn̄ ufọk esie. 19  Ekem mbon Ziph+ ẹdọk ẹtiene Saul ke Gibeah+ ẹkedọhọ enye ẹte: “Nte David idịbeke+ ke mbọhọ nnyịn ke mme ebiet emi ẹsọn̄de ndisịm ke Horesh,+ ke ekpri obot Hachilah,+ ke n̄kan̄ nnasia Jeshimon?+ 20  Ndien, ke emi, O edidem, sụhọde di, kpa nte ọdọn̄de ukpọn̄+ fo ndisụhọde ndi, ndien nnyịn iyayak enye isịn edidem ke ubọk.”+ 21  Ntem Saul ọdọhọ ete: “Jehovah akpakam ọdiọn̄ mbufo,+ koro mbufo ẹtuade mi mbọm. 22  Mbọk ẹka ẹketịn̄ enyịn ẹse ẹnyụn̄ ẹdụn̄ọde ẹfiọk ebiet emi enye odude—owo ekededi emi okokụtde enye do—koro ẹtịn̄ ẹnọ mi ẹte ke enye akari n̄kari+ etieti. 23  Mbufo ẹse ẹnyụn̄ ẹdụn̄ọde ẹfiọk kpukpru mme ebiet udịbe esie; ndien ẹda se ẹkụtde ẹditịn̄ ẹnọ mi, ndien nyasan̄a ye mbufo n̄ka; ndien ama ekem edieke enye odude ke isọn̄ emi, nyetịm ndụn̄ọde nyom enye ke otu ofụri tọsịn+ mbon Judah.” 24  Ntre mmọ ẹdaha ẹbem Saul iso ẹka Ziph,+ ke adan̄aemi David ye ikọt esie ẹdude ke wilderness Maon+ ke Arabah+ ke n̄kan̄ edem usụk Jeshimon. 25  Ekem Saul ye ikọt esie ẹka ndiyom enye.+ Ke ini ẹtịn̄de ẹnọ David, enye osụhọde ke ndondo oro aka abaitiat+ okodụn̄ ke wilderness Maon. Ke ini Saul okopde emi, enye ebịne+ David ke wilderness Maon. 26  Ekem Saul edi edem obot emi, David ye ikọt esie ẹnyụn̄ ẹdu ke edem obot oko. Ntre David oyom ndisọp ndaha+ ke ntak Saul; ndien Saul ye ikọt esie ẹkan David ye ikọt esie ẹkụk ẹte imụm mmọ.+ 27  Edi isụn̄utom kiet edi edidọhọ Saul ete: “Sọsọp daha ka, koro mbon Philistia ẹmedụk obio!” 28  Ntem Saul etre ndibịne David+ onyụn̄ adaha aka ndikan̄wana ye mbon Philistia. Ntak edi oro mmọ ẹkotde ebiet oro Akwa Itiat Ubahade. 29  Ndien David ọkpọn̄ do ọdọk okodụn̄ ke ebiet emi ọsọn̄de ndisịm ke En-gedi.+

Mme Ikọ Idakisọn̄