Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 22;1-23

22  Ntre David adaha do+ efehe+ aka abaitiat+ Adullam;+ ndien nditọete esie ye ofụri ufọk ete esie ẹdikop n̄kpọ emi ẹnyụn̄ ẹsụhọde ẹkesobo ye enye do.  Ndien kpukpru mbon emi ẹdude ke nnanenyịn+ ye kpukpru mme akama-isọn+ ye kpukpru mbon emi ukpọn̄+ mmọ mîkopke inemesịt, ẹsop idem ọtọkiet ẹtiene enye,+ enye onyụn̄ akabade edi etubom mmọ;+ ndien mbon oro ẹdude ye enye ẹsịm n̄kpọ nte irenowo ikie inan̄.  Ekem David oto do adaha aka Mizpeh ke Moab onyụn̄ ọkọdọhọ edidem Moab ete:+ “Mbọk, yak ete mi ye eka+ mi ẹdu mi ye mbufo tutu mfiọk se Abasi edinamde ye ami.”  Ntem enye obon mmọ ọnọ edidem Moab, mmọ ẹnyụn̄ ẹdụn̄ ye enye ke ofụri ini emi David odude ke ebiet emi ọsọn̄de ndidụk.+  Ekem prọfet Gad+ ọdọhọ David ete: “Kûdu aba ke ebiet emi ọsọn̄de ndidụk. Daha, nyọn̄ ka isọn̄ Judah.”+ Ntem David ọnyọn̄ edisịne ke akai Hereth.  Ekem Saul okop ete ke ẹkụt David ye ikọt esie, ke adan̄aemi Saul etiede ke Gibeah ke idak eto tamarisk+ ke edikon̄ ebiet ye eduat+ esie ke ubọk, kpukpru mme asan̄autom esie ẹnyụn̄ ẹda ẹkanade enye.  Ndien Saul ọdọhọ mme asan̄autom esie emi ẹdade ẹkanade enye ete: “Mbọk, mbufo mbon Benjamin, ẹkpan̄ utọn̄. Nte eyen Jesse+ n̄ko ọyọnọ mbufo mme in̄wan̄ ye mme in̄wan̄ vine?+ Nte enye eyemek mbufo etubom mme tọsịn+ ye etubom mme ikie?  Kpukpru mbufo ẹmedụk odu ẹban̄a mi; inyụn̄ idụhe baba owo kiet eke etịn̄de ọnọ+ mi ete ke eyen mi anam ediomi+ ye eyen Jesse, inyụn̄ idụhe baba owo mbufo kiet eke atuade mi mbọm editịn̄ ọnọ mi ke eyen mi ama anam asan̄autom mi edịbe ebet mi onyụn̄ an̄wana ye ami kpa nte edide mfịn emi.”  Ndien Doeg+ owo Edom, emi edide etubom mme asan̄autom Saul, ọbọrọ ete: “Mma n̄kụt eyen Jesse edide etiene Ahimelech,+ eyen Ahitub+ ke Nob. 10  Ndien enye obụp+ uyo Jehovah ọnọ enye; onyụn̄ ọnọ enye udia,+ ye akan̄kan̄ Goliath+ owo Philistia.” 11  Inikiet inikiet, edidem ọdọn̄ ẹkekot Ahimelech eyen Ahitub oku ye ofụri ufọk ete esie, ye mme oku emi ẹdude ke Nob.+ Ntre kpukpru mmọ ẹdi ke ọtọ edidem. 12  Ndien Saul ọdọhọ ete: “Eyen Ahitub, mbọk, kpan̄ utọn̄ nọ mi!” enye onyụn̄ ọbọrọ ete: “Ke n̄kop, ọbọn̄ mi.” 13  Ndien Saul ọdọhọ enye ete: “Ntak emi mbufo ẹdụkde odu ẹban̄a mi,+ afo ye eyen Jesse, ke afo ndinọ enye uyo ye akan̄kan̄, onyụn̄ obụpde uyo Abasi ọnọ enye, man enye edịbe ebet onyụn̄ an̄wana ye ami kpa nte edide mfịn emi?”+ 14  Ntem Ahimelech ọbọrọ edidem onyụn̄ ọdọhọ ete: “Anie ke otu kpukpru mme asan̄autom fo etie nte David,+ emi anamde akpanikọ,+ onyụn̄ edide ebe eyen edidem+ ye etubom mbon ukpeme fo, ye owo emi ẹkponode ke ufọk fo?+ 15  Ndi mfịn emi ke ami ntọn̄ọ ndibụp+ uyo Abasi nnọ enye? Nsa mi-o! Yak edidem okûdori asan̄autom esie m̀mê ofụri ufọk ete mi ikọ ekededi, koro asan̄autom fo mîfiọkke n̄kpọ emi baba kiet, edide ekpri m̀mê akamba.”+ 16  Edi edidem ọdọhọ enye ete: “Ahimelech, afo udutreke ndikpa,+ afo ye ofụri ufọk ete fo.”+ 17  Ntem edidem ọdọhọ mbonitọk+ emi ẹdade ẹkanade enye ete: “Mbufo ẹwọn̄ọde ẹwot mme oku Jehovah, koro ubọk mmọ ye eke David ẹdide kiet, koro mmọ ẹma ẹfiọk ke David efefehe ndien mmọ itịn̄ke inọ mi!”+ Edi mme asan̄autom edidem iyomke ndinyan ubọk mmọ n̄wot mme oku Jehovah.+ 18  Ekem edidem ọdọhọ Doeg ete:+ “Afo wọn̄ọde wot mme oku emi!” Inikiet inikiet Doeg owo Edom+ ọwọn̄ọde owot+ mme oku oro, owo anan̄ ye ition ke usen oro, emi ẹsịnede ephod+ linen. 19  Enye n̄ko osobo Nob+ obio mme oku ke iso akan̄kan̄, onyụn̄ osobo eren ye n̄wan, eyenọwọn̄ ye eyen eke awapde eba, enan̄ ye ass ye erọn̄ ke iso akan̄kan̄. 20  Edi, eyen Ahimelech kiet, kpa eyen Ahitub, emi ekerede Abiathar,+ efehe ọbọhọ etiene David. 21  Ndien Abiathar ọdọhọ David ete: “Saul omowot mme oku Jehovah.” 22  Ntem David ọdọhọ Abiathar ete: “Ami mma ntịm mfiọk ke usen oro,+ nte ke Doeg owo Edom iditreke nditịn̄ nnọ Saul,+ koro enye ama odu do. Ami mmedue kpukpru ukpọn̄ ke ufọk ete fo. 23  Afo kam du ye ami. Kûkop ndịk, koro owo ekededi eke oyomde ukpọn̄ mi oyom ukpọn̄ fo, koro ami nnyene ndikpeme fi.”+

Mme Ikọ Idakisọn̄