Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 21;1-15

21  Ekem David edi ebịne Ahimelech oku ke Nob;+ ndien idem enyek Ahimelech+ ke ini enye osobode ye David, enye onyụn̄ obụp enye ete: “Nso inam asan̄ade ikpọn̄, baba owo kiet mînyụn̄ isan̄ake ye afo?”+  Ntem David ọbọrọ Ahimelech oku ete: “Edidem ọdọn̄ mi utom,+ onyụn̄ ọdọhọ mi ete, ‘Kûyak baba owo kiet ọfiọk utom eke ndọn̄de fi ye se n̄wụkde fi nte anam.’ Ndien mma ndiomi ye n̄kparawa ebiet eke nnyịn idisobode.  Ndien, ke emi, edieke edide afo emenyene uyo ition, nọ mi, mîdịghe nọ mi se ededi emi afo enyenede.”+  Edi oku oro ọbọrọ David ete: “Uyo ndomokiet eke mîsanake idụhe ye ami, edisana uyo+ kpọt odu; ama akam edi n̄kparawa oro ẹma ẹkpeme idemmọ ye iban.”+  Ntre David ọbọrọ oku oro ete: “Nnyịn imekpeme idem ye iban kpa nte ikekpemede ke ini n̄kakade ekọn̄,+ idem irenowo mmọ osụk edi edisana, okposụkedi utom oro mîkedịghe edisana. Adan̄a didie ndien ke idem irenowo mmọ mîkpasanake mfịn emi?”  Ntem oku ọnọ enye se idide edisana,+ koro uyo ndomokiet mîkodụhe ibọhọke uyo iso Abasi emi ẹkemende ẹfep ke iso Jehovah+ man ẹmen obufa uyo ẹkenịm ke usen oro ẹmende uyo oro ẹfep.  Asan̄autom Saul kiet emi ẹkemụmde ẹnịm+ ke iso Jehovah ama odu do ke usen oro, enye ekekere Doeg+ owo Edom,+ etubom mme ekpemerọn̄ Saul.+  Ndien David obụp Ahimelech ete: “Nte afo unyeneke eduat m̀mê akan̄kan̄ baba kiet mi? Koro ami mmen̄kamake akan̄kan̄ m̀mê n̄kpọekọn̄, sia utom edidem ekedide usọp usọp.”  Ntem oku oro ọbọrọ ete: “Sese akan̄kan̄ Goliath,+ kpa owo Philistia emi afo okowotde ke unaisọn̄ itịghede Elah,+ awan̄ade ke ọfọn̄ ana ke edem ephod.+ Edieke edide enye ke afo oyom ndimen, men, koro enye kpọt odu mi.” Ndien David ọbọrọ ete: “Idụhe akan̄kan̄ efen eke ebietde enye. Men nọ mi.” 10  Ekem David adaha ke usen oro efehe+ ke ntak Saul, ndien enye edisobo ye Achish edidem Gath.+ 11  Ndien mme asan̄autom Achish ẹdọhọ enye ẹte: “Nte David emi idịghe edidem+ isọn̄ oro? Nte idịghe owo emi ke mmọ ẹkenek unek+ ẹnyụn̄ ẹkwọ ẹban̄a ẹte, ‘Saul owot mme tọsịn, Edi David owot mme tọsịn ke itie duop’?”+ 12  Ndien David ekere ikọ emi ke esịt esie, ndịk+ onyụn̄ anam enye etieti aban̄a Achish edidem Gath. 13  Ntre enye okpụhọ idem+ ke iso+ mmọ nte owo emi ibuot mîfọnke, anam n̄kpọ nte idat ke iso mmọ onyụn̄ ewet mme n̄kpọ ke usụn̄ inuaotop, onyụn̄ ọkọk etap oburọde ntan̄ebek esie. 14  Ekem Achish ọdọhọ mme asan̄autom esie ete: “Mbufo ẹmekụt owo adamade idat, ntak emi mbufo ẹdade enye ẹsọk mi? 15  Nte ami nyom mbon emi ẹdamade idat, eke anamde mbufo ẹda idat ẹsọk mi? Nte utọ owo emi ekpedi edidụk ufọk mi?”

Mme Ikọ Idakisọn̄