Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 20;1-42

20  Ekem David adaha ke Naioth ke Ramah efehe.+ Enye onyụn̄ edi edidọhọ Jonathan ete: “Nso ke ami nnam?+ Nso ke ndue, nso idiọkn̄kpọ ke nnyụn̄ nnam ete fo, emi esịnde enye oyom ukpọn̄ mi?”  Ntem Jonathan ọdọhọ enye ete: “N̄wan̄ansa-o!+ Afo udukpaha. Sese! Ete mi idinamke baba n̄kpọ kiet, edide akamba m̀mê ekpri, ke enye mînamke mi mfiọk;+ ndien nso ikpanam ete mi edịp mi n̄kpọ emi?+ Emi ikemeke nditịbe.”  Edi David ọn̄wọn̄ọ+ onyụn̄ ọdọhọ n̄ko ete: “Ete fo etịm ọfiọk ete ke ami mmokụt mfọn ke iso fo,+ ntre enye ọyọdọhọ ete, ‘Kûyak Jonathan ọfiọk n̄kpọ emi mbak esịt ediyat enye.’ Edi, ma uwem Jehovah,+ ma ukpọn̄ fo+ n̄ko, ayak esisịt ami ndikpa!”+  Ndien Jonathan ọdọhọ David ete: “Nyanam se ededi emi ukpọn̄ fo ọdọhọde nnam nnọ fi.”  Ntem David ọdọhọ Jonathan ete: “Sese! N̄kpọn̄ edi obufa ọfiọn̄,+ ndien n̄kpetreke nditie ye edidem ndia udia; edi yak mfehe, man n̄kedịbe+ ke in̄wan̄ tutu esịm mbubreyo ọyọhọ usen ita.  Edieke ete fo oyomde mi, dọhọ enye ete, ‘David ama eben̄e mi ete ifehe ika Bethlehem+ obio imọ, koro ofụri ubon imọ ẹyomde ndiwa uwa eke isua ke isua do.’+  Edieke enye ọdọhọde ete, ‘Ọfọn!’ oro ọwọrọ emem ọnọ asan̄autom fo. Edi edieke enye ayatde esịt ke usụn̄ ekededi, do fiọk ete ke enye ebiere ndinam se idiọkde.+  Afo nyụn̄ wụt asan̄autom fo ima-mfọnido,+ koro afo anamde asan̄autom fo odụk ediomi+ ye afo ke iso Jehovah. Edi, edieke okụtde mi idiọkn̄kpọ ke idem,+ da ubọk fo wot mi, koro ntak emi afo akpadade mi ọsọk ete fo?”  Ntem Jonathan ọdọhọ ete: “Nsa fo-o! koro edieke n̄kpọfiọkde ke ete mi ebiere ndinam fi idiọk, nte n̄kpetịn̄ke nnọ fi?”+ 10  Ndien David obụp Jonathan ete: “Anie editịn̄ ọnọ mi m̀mê ete fo ọbọrọ fi ikọ ke uyat?” 11  Ekem Jonathan ọdọhọ enye ete: “Di, nnyịn iwọrọ ika in̄wan̄.” Ntre mmọ mbiba ẹwọrọ ẹka in̄wan̄. 12  Ndien Jonathan ọdọhọ David ete: “Yak Jehovah Abasi Israel+ edi ntiense+ nte ke ami nyobụp ete mi n̄kpọn̄ adan̄aemi, m̀mê ke ọyọhọ usen ita, ndien edieke enye enyenede eti esịt aban̄a fi, nte ndidọn̄ke utom nnọ fi nnyụn̄ nnam fi ọfiọk? 13  Jehovah akpakam anam ntem ye Jonathan onyụn̄ ọdọdiọn̄ anam,+ edieke ete mi akpaduakde ndinam fi idiọk ndien ami ntre ndinam fi ọfiọk nnyụn̄ ntre ndinam fi efehe, nnyụn̄ nnamke fi ọnyọn̄ ke emem. Jehovah akpakam onyụn̄ odu ye afo+ kpa nte okodude ye ete mi.+ 14  Ndien edieke ndisụk ndude uwem,+ nte afo uduwụtke mi ima-mfọnido Jehovah, mbak ami ndikpa?+ 15  Afo n̄ko udusịbeke ima-mfọnido fo ke ufọk mi ufep ke nsinsi.+ Ndien ke ini Jehovah edisịbede kpukpru mme asua David efep ke ofụri iso isọn̄, 16  enye idisịbeke enyịn̄ Jonathan ifep ke ufọk David.+ Ndien Jehovah oyosio usiene ye mme asua David.” 17  Ntre Jonathan ọtọn̄ọ ntak ọn̄wọn̄ọ ọnọ David ke ntak ima emi enye amade enye; koro enye amade David nte amade ukpọn̄ esiemmọ.+ 18  Ndien Jonathan ọdọhọ enye ete: “N̄kpọn̄ edi obufa ọfiọn̄,+ owo idinyụn̄ itreke ndiyom fi, koro itie fo edinade ukpọk. 19  Ndien ẹyenen̄ede ẹyom fi ke ọyọhọ usen ita; afo nyụn̄ di ke ebiet emi afo ekedịbede+ usen eken, nyụn̄ du kpere itiat emi. 20  Ndien ami nyotop idan̄ ita ẹka edem kiet nte n̄kpọ eke n̄ketde-ket ntop. 21  Ndien, sese! Nyọdọn̄ asan̄autom, nnyụn̄ ndọhọ enye nte, ‘Ka koyom mme idan̄ oro.’ Edieke ndọhọde asan̄autom oro nte, ‘Sese! Mme idan̄ oro ẹdu ke edem emi, di tan̄ mmọ,’ do afo ọyọwọrọ edi, koro oro ọwọrọ emem ọnọ fi, ma uwem Jehovah+ mfịna ndomokiet ididụhe. 22  Edi, edieke ndọhọde akparawa oro nte, ‘Sese! Mme idan̄ oro ẹdu ata nsannsan,’ ka, koro Jehovah ọdọn̄de fi aka. 23  Ndien amaedi ikọ oro ami ye afo itịn̄de,+ yak Jehovah edi ntiense ke ufọt mi ye afo ke nsinsi.”+ 24  Ndien David edịbe do ke in̄wan̄.+ Edikem ke obufa ọfiọn̄, edidem onyụn̄ etie ke itie esie ndidia udia.+ 25  Edidem etie ke itie esie nte akam esitiede ke mme ini eken, ke ifụm oro odude ekpere ibibene; ndien Jonathan etie asak iso ese enye, Abner+ onyụn̄ etie Saul ke n̄kan̄, edi itie David ana ukpọk. 26  Ndien Saul itịn̄ke baba n̄kpọ kiet ke usen oro, koro enye ọdọhọde ke esịt esie ete: “Enyene se itịbede emi anamde enye okûsana,+ koro enye mînamke idemesie asana.” 27  Edikem ke obufa ọfiọn̄, ke ọyọhọ usen iba, itie David osụk ana ukpọk. Ntem Saul obụp Jonathan eyen esie ete: “Ntak emi eyen Jesse+ mîkedịghe udia n̄kpọn̄ mînyụn̄ idịghe mfịn?” 28  Ntre Jonathan ọbọrọ enye ete: “David ama eben̄e mi ete ifehe ika Bethlehem.+ 29  Enye okonyụn̄ ọdọhọ ete, ‘Mbọk, yak mi n̄ka, koro ubon mi oyomde ndiwa uwa ke obio, eyeneka mi ama onyụn̄ owụk mi ete n̄kûtre ndidi. Ntre, ke emi, edieke n̄kụtde mfọn ke iso fo, mbọk, yak nsọp n̄ka, man n̄kokụt nditọeka mi.’ Ntak edi oro enye mîdịghe ke okpokoro edidem.” 30  Ntem Saul ayat esịt+ etieti ye Jonathan onyụn̄ ọdọhọ enye ete: “Afo eyen ofụn an̄wan nsọn̄ibuot emi,+ nte ntịmke mfiọk ke afo ememek eyen Jesse ndidi n̄kpọ bụt nnọ fi ye iferi eka fo?+ 31  Koro adan̄a nte eyen Jesse odude uwem ke isọn̄ emi, afo udusọn̄ọke uda, itie edidem fo idinyụn̄ isọn̄ọke ida.+ Mmọdo dọn̄ idahaemi ẹkeda enye ẹdi, koro enye enyene ndikpa.”+ 32  Edi, Jonathan ọbọrọ Saul ete esie ete: “Ntak emi enye edikpade?+ Nso ke enye anam?”+ 33  Ntem Saul otop eduat ete itọ enye;+ ndien Jonathan edifiọk ke ete imọ ebiere ndiwot David.+ 34  Jonathan adaha ada wap ke okpokoro ye ọkpọsọn̄ iyatesịt,+ inyụn̄ itaha uyo ke ọyọhọ usen iba ke obufa ọfiọn̄, koro ẹnamde esịt ayat enye ke ntak David,+ sia ete esie esuenede enye.+ 35  Edikem ke eyo esierede, Jonathan asan̄a ye ekpri asan̄autom kiet ọwọrọ aka in̄wan̄ ke ebiet emi enye ye David ẹkenịmde.+ 36  Ndien enye ọdọhọ asan̄autom esie ete: “Mbọk, fehe ka koyom mme idan̄ oro ami nditopde.”+ Asan̄autom oro efehe, ndien enye otop idan̄ oro ebe enye. 37  Ke adan̄aemi asan̄autom oro esịmde ebiet oro mme idan̄ oro Jonathan okotopde ẹduọn̄ọde, Jonathan ada ke edem ofiori asan̄autom oro onyụn̄ ọdọhọ ete: “Nte idan̄ oro idụhe nsannsan ikpọn̄ fi?”+ 38  Ndien Jonathan ada ke edem ofiori asan̄autom oro ete: “Sọsọp! Nam wap! Kûtuak uda!” Asan̄autom Jonathan aka akatan̄ mme idan̄ oro ada ọsọk eteufọk esie. 39  Edi asan̄autom oro ifiọkke se ikade iso; Jonathan ye David kpọt ẹkefiọk n̄kpọ emi. 40  Ekem Jonathan ayak mme n̄kpọ utop esie ọnọ asan̄autom esie onyụn̄ ọdọhọ ete: “Da mmọ san̄ ke obio.” 41  Ndien asan̄autom oro ọnyọn̄. Ekem David ọwọrọ ke mbọhọ oro aka n̄kan̄ edem usụk. Enye onyụn̄ ọduọ ekịbi iso ke isọn̄+ utịm ikata; ndien mmọ ẹtịm kiet eken inua+ ẹnyụn̄ ẹtua kiet eken, edi David atua akan.+ 42  Ndien Jonathan ọdọhọ David ete: “Ka ke emem,+ sia nnyịn mbiba ima ikọn̄wọn̄ọ un̄wọn̄ọ+ ke enyịn̄ Jehovah, ite, ‘Yak Jehovah edi ntiense ke ufọt mi ye afo, ye ke ufọt nditọ mi ye nditọ fo ke nsinsi.’”+ Ekem David adaha ọnyọn̄ esie, ndien Jonathan ọnyọn̄ edi obio.

Mme Ikọ Idakisọn̄