Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 19;1-24

19  Ekem Saul etịn̄ ọnọ Jonathan eyen esie ye kpukpru mme asan̄autom esie ete ke imọn̄ iwot David.+  Edi Jonathan eyen Saul enen̄ede ama David.+ Ntre Jonathan ọdọhọ David ete: “Saul ete mi ke oyom ndiwot fi. Mbọk, ke emi, kpeme idem, nyụn̄ wọrọ ke usenubọk fehe kedịbe.+  Ndien ami nyọwọrọ n̄kada ete mi ke n̄kan̄ ke in̄wan̄ oro afo edidude, nyonyụn̄ ntịn̄ ikọ ke ibuot fo nnọ ete mi nse se iditịbede, ndien nditreke ndisian fi.”+  Ntem Jonathan etịn̄ eti ikọ+ aban̄a David ọnọ Saul ete esie onyụn̄ ọdọhọ enye ete: “Mbọk, yak edidem okûnam David asan̄autom esie idiọk,+ koro enye mîduehe fi, ndien kpukpru se enye anamde ẹfọfọn ye afo etieti.+  Enye ama onyụn̄ esịn ukpọn̄ esie ke itiendịk,+ onyụn̄ owot mbon Philistia,+ tutu Jehovah ọnọ Israel akwa edinyan̄a.+ Afo ama okụt emi onyụn̄ adat esịt. Ntak emi afo oyomde ndiduọk iyịp owo eke mîduehe ke ndinam ẹwot+ David ke unana ntak?”+  Ndien Saul okop uyo Jonathan, onyụn̄ ọn̄wọn̄ọ ete: “Ma uwem Jehovah,+ owo idiwotke enye.”  Ekem Jonathan okot David onyụn̄ emen kpukpru ikọ emi etịn̄ ọnọ enye. Ndien Jonathan ada David ọsọk Saul, enye onyụn̄ odu ke iso esie kpa nte okodude ke akpa.+  Edikem ekọn̄ ọtọn̄ọ ntak asiaha ndien David obụmede akan̄wana ye mbon Philistia onyụn̄ owot mmọ ọkwọkudịm,+ mmọ ẹnyụn̄ ẹfen̄e ke iso esie.+  Ndien Jehovah ayak idiọk spirit*+ edidoro Saul ke idem ke ini enye etiede ke ufọk esie akama eduat ke ubọk, ke adan̄aemi David osụk ebrede ikwọ. 10  Ndien Saul oyom ndida eduat n̄kịm David ndian ke ibibene,+ edi enye efep,+ ndien eduat oro owụhọ ke ibibene. Ndien David efehe ọbọhọ ke okoneyo oro.+ 11  Ekem Saul osio mme isụn̄utom+ ọdọn̄ ete ẹka ẹkekpeme ufọk David ẹnyụn̄ ẹwot enye ke usenubọk;+ edi Michal n̄wan esie ọdọhọ enye ete: “Edieke afo mûfeheke ubọhọ okoneyo emi, n̄kpọn̄ ẹyewot fi.” 12  Inikiet inikiet, Michal anam David oto ke window osụhọde, man ekpefehe ọbọhọ.+ 13  Ndien Michal emen mbiet teraphim+ enịm ke n̄kpana, onyụn̄ ada iyịre emi ẹdade idet ebot ẹnam enịm ke itie emi enye esidoride ibuot, ndien emen ọfọn̄ ofụk. 14  Ekem Saul ọdọn̄ mme isụn̄utom ẹkemụm David, edi Michal ọdọhọ ete: “Enye ọdọdọn̄ọ.”+ 15  Ntre Saul ọdọn̄ mme isụn̄utom ẹka ẹkese David, onyụn̄ ọdọhọ mmọ ete: “Ẹmen enye ke n̄kpana esie ẹsọk mi man n̄wot enye.”+ 16  Ke ini mme isụn̄utom ẹdụkde ẹdi, sese! mbiet teraphim anade mi ke n̄kpana ye iyịre emi ẹdade idet ebot ẹnam ke itie emi enye esidoride ibuot. 17  Ntem Saul obụp Michal ete: “Ntak emi afo abian̄ade+ mi ntem onyụn̄ anamde asua+ mi efehe ọbọhọ?” Ndien Michal ọbọrọ enye ete: “Enye ọkọdọhọ mi ete, ‘Nam mfehe mîdịghe ntre mmọn̄ n̄wot fi!’” 18  Ndien David efehe ọbọhọ+ onyụn̄ edi edisịm Samuel ke Ramah.+ Ndien enye emen kpukpru se Saul akanamde enye etịn̄ ọnọ Samuel. Ekem enye ye Samuel ẹwọrọ ẹkedụn̄ ke Naioth.+ 19  Ekem etop ekesịm Saul, ete: “Sese! David mmọdo ke Naioth ke Ramah.” 20  Inikiet inikiet, Saul osio mme isụn̄utom ọdọn̄ ete ẹkemụm David. Edi ke ini mmọ ẹkade ẹkekụt nte n̄kani iren mme prọfet ẹtịn̄de ikọ nte mme prọfet, Samuel onyụn̄ adade mmọ usụn̄, spirit+ Abasi odoro mme isụn̄utom Saul ke idem, mmọ n̄ko ẹnam n̄kpọ nte mme prọfet.+ 21  Ke ini ẹmende n̄kpọ emi ẹketịn̄ ẹnọ Saul, ke ndondo oro enye osio mme isụn̄utom efen ọdọn̄, ndien mmọ n̄ko ẹkenam n̄kpọ nte mme prọfet. Ntre Saul ọtọn̄ọ ntak osio mme isụn̄utom efen ọdọn̄, ọyọhọ otu ita, ndien mmọ n̄ko ẹkenam n̄kpọ nte mme prọfet. 22  Ke akpatre enye n̄ko adaha aka Ramah. Ke ini enye akade ekesịm akwa obube udọn̄ mmọn̄ emi odude ke Secu, enye obụp ete: “Samuel ye David ẹdu m̀mọ̀n̄?” Ndien mmọ ẹbọrọ enye ẹte: “Mmọ ẹdu ke Naioth+ ke Ramah.” 23  Ndien enye ọkpọn̄ do aka Naioth ke Ramah, spirit+ Abasi edidoro enye n̄ko ke idem, ndien enye asan̄a anam n̄kpọ nte prọfet tutu ekesịm Naoith ke Ramah. 24  Ndien enye osion̄o ọfọn̄idem esie n̄ko, onyụn̄ anam n̄kpọ nte prọfet ke iso Samuel, ndien ọduọ ana iferi ke ofụri uwemeyo oro ye ofụri okoneyo oro.+ Ntak edi oro mmọ ẹdọhọde ẹte: “Nte Saul n̄ko edi kiet ke otu mme prọfet?”+

Mme Ikọ Idakisọn̄

At. Ed., “idiọk spirit Jehovah.”