Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 16;1-23

16  Ekem Jehovah ọdọhọ Samuel ete: “Adan̄a didie ke afo edifụhọ Saul,+ ke ini edide mmesịn enye ndikara nte edidem Israel?+ Sịn aran+ ke nnụk fo yọhọ da ka. Nyọdọn̄ fi utom ke ọtọ Jesse+ owo Bethlehem, koro mmosio edidem ke otu nditọiren esie nnọ idemmi.”+  Edi Samuel ọdọhọ ete: “N̄keme didie ndika? Saul oyowot mi ke ini enye okopde n̄kpọ emi.”+ Ndien Jehovah ọdọhọ ete: “Da abak enan̄ kiet ke otu enan̄ kama, nyụn̄ kọdọhọ ete, ‘Ndi ndiwa uwa nnọ Jehovah.’+  Ndien kot Jesse edi uwa oro; ndien ami nyanam fi ọfiọk se edinamde,+ afo eyeyet owo oro ndimekde aran.”+  Ndien Samuel anam se Jehovah ọkọdọhọde. Ke ini enye odụkde Bethlehem,+ idem enyek+ mbiowo obio ke ini ẹsobode ye enye, ẹnyụn̄ ẹbụp ẹte: “Nte afo edi ke emem?”+  Ndien enye ọbọrọ ete: “Ndi ke emem. Ndi ndiwa uwa nnọ Jehovah. Mbufo ẹnam idem mbufo asana+ ẹnyụn̄ ẹtiene mi ẹdi uwa.” Ekem enye anam Jesse ye nditọiren esie ẹsana, onyụn̄ okot mmọ ẹdi uwa.  Edikem nte mmọ ẹdide, enye ada okụt Eliab,+ onyụn̄ ọdọhọ ete: “Ke akpanikọ, enye emi Jehovah eyetde aran edi emi.”  Edi Jehovah ọdọhọ Samuel ete: “Kûse nte enye eyede ye nte enye okon̄de ke idaha,+ koro mmesịn enye. Koro Abasi mîsehe nte owo esede,+ koro owo ese se enye okụtde ke enyịn;+ edi Jehovah ese esịt.”+  Ndien Jesse okot Abinadab+ onyụn̄ anam enye asan̄a ebe ke iso Samuel, edi enye ọdọhọ ete: “Jehovah imekke enye emi n̄ko.”  Ekem Jesse anam Shammah+ asan̄a ebe, edi enye ọdọhọ ete: “Jehovah imekke enye emi n̄ko.” 10  Ntre Jesse anam itiaba ke otu nditọiren esie ẹsan̄a ke iso Samuel ẹbe; edi Samuel osụk ọdọhọ Jesse ete: “Jehovah imekke mmọ emi.” 11  Ekem Samuel obụp Jesse ete: “Nte nditọiren fo ẹkụre ke emi?” Ndien enye ọbọrọ ete: “Ekperedem kpọt osụhọ,+ ndien sese! enye ke ọbọk erọn̄.”+ Ntem Samuel ọdọhọ Jesse ete: “Dọn̄ ẹkeda enye ẹdi, koro nnyịn mîdisụhọkede itie idia udia tutu enye edisịm.” 12  Ntem enye ọdọn̄ ẹkeda enye ẹdi. Ndien enye eyịbe,+ eye iso, onyụn̄ edi ata ediye akparawa. Ndien Jehovah ọdọhọ ete: “Daha ke enyọn̄, yet enye aran, koro owo oro edi emi!”+ 13  Ntre Samuel ada nnụk aran+ eyet enye aran ke otu nditọete esie. Ndien spirit Jehovah odoro David ke idem toto ke usen oro ka iso.+ Ekem Samuel adaha ọnyọn̄ Ramah.+ 14  Ndien spirit Jehovah ọkpọn̄+ Saul, ndien Jehovah ayak idiọk spirit*+ otụhọde enye. 15  Ndien ikọt Saul ẹdọhọ enye ẹte: “Sese, Abasi ayak idiọk spirit otụhọde fi. 16  Mbọk, yak ọbọn̄ nnyịn owụk ikọt esie oro ẹdude ke iso esie ete ẹyom owo emi ọfiọkde+ ndibre harp.+ Ndien ama ekem, ke ini Abasi ayakde idiọk spirit otụhọde fi, enye eyebre harp esie, ndien oyofụre fi ke idem.” 17  Ntre, Saul ọdọhọ ikọt esie ete: “Mbọk, ẹyom owo eke etịmde ọfiọk ndibre harp ẹda ẹsọk mi.”+ 18  Ndien kiet ke otu mme asan̄autom esie ọbọrọ ete: “Sese! Mma n̄kụt nte eyen Jesse owo Bethlehem, ọfiọkde ndibre harp,+ ndien enye edi ọkpọsọn̄ owo uko,+ owoekọn̄,+ ọfiọk nditịn̄ ikọ,+ eye akparawa,+ Jehovah onyụn̄ odu ye enye.”+ 19  Ndien Saul ọdọn̄ mme isụn̄utom ẹkedọhọ Jesse ẹte: “Nọ David eyen fo, emi ọbọkde ufene, ẹsọk mi.”+ 20  Ntre, Jesse ada ass, uyo ye wine ke ekpeme+ ikpa ye eyen ebot, esịn David ke ubọk ete ada ọsọk Saul.+ 21  Ntem David edi ebịne Saul onyụn̄ edisan̄a utom ọnọ enye;+ ndien Saul ama enye etieti, enye onyụn̄ akabade edi akama-n̄kpọekọn̄+ esie. 22  Ekem Saul ọdọn̄ ẹkedọhọ Jesse ẹte: “Mbọk, yak David osụk asan̄a utom ọnọ mi, koro mmade enye etieti.” 23  Ndien edikem ke ini Abasi ayakde idiọk spirit otụhọde Saul, David emen harp esie ebre; ndien idem enem Saul, onyụn̄ ofụre enye ke idem, idiọk spirit oro onyụn̄ ọkpọn̄ enye.+

Mme Ikọ Idakisọn̄

At. Ed., “idiọk spirit emi otode Jehovah.”