Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Samuel 15;1-35

15  Ndien Samuel ọdọhọ Saul ete: “Ami ke Jehovah ọkọdọn̄ nyet fi aran+ nnịm nte edidem nnọ ikọt esie Israel, ndien ke emi kpan̄ utọn̄ kop uyo Jehovah.+  Ntem ke Jehovah mme udịm+ ọdọhọ ete, ‘Mmọn̄ nnam Amalek anam ibat+ ke enye ndikan̄wana ye Israel ke usụn̄ ke ini enye okotode Egypt ọwọrọ.+  Ke emi, ka kan̄wana ye Amalek+ nyụn̄ sobo+ enye ọkọrọ ye kpukpru se enye enyenede, kûtua enye mbọm, edi wot mmọ,+ eren ye n̄wan, eyenọwọn̄ ye eyen eke awapde eba,+ enan̄ ye erọn̄, camel ọkọrọ ye ass.’”+  Ntem Saul okot kpukpru owo obon onyụn̄ abat mmọ ke Telaim,+ ndien mmọ ẹdi owo tọsịn ikie iba emi ẹsan̄ade ke ukot ye mbon Judah owo tọsịn duop.+  Ndien Saul edisịm obio Amalek onyụn̄ edịbe ebet mmọ ke itịghede mmọn̄.  Ndien Saul ọdọhọ mbon Kenite ete:+ “Mbufo ẹwọn̄ọ+ ke otu mbon Amalek ẹsụhọde, mbak ndisobo mbufo ye mmọ mfep. Koro mbufo ẹma ẹwụt nditọ Israel+ ima-mfọnido ke ini mmọ ẹketode Egypt ẹwọrọ.”+ Ntre mbon Kenite ẹwọn̄ọ ke otu mbon Amalek.  Ekem Saul aka okowot mbon Amalek+ ọtọn̄ọde ke Havilah+ tutu esịm Shur,+ emi asakde iso ese Egypt.  Ndien enye omụm Agag+ edidem Amalek ye uwem, onyụn̄ osobo kpukpru mbon eken ke iso akan̄kan̄.+  Edi Saul ye mbonekọn̄ esie ẹtua Agag mbọm, ẹnyụn̄ ẹkop mbọm ẹban̄a mme erọn̄ ye mme enan̄+ eke ẹdide nti eke ẹnyụn̄ ẹyede idem ye mme okukịm erọn̄ ye kpukpru se ifọnde, mmọ inyụn̄ imaha ndisobo+ mmọ. Edi, mmọ ẹsobo kpukpru se mîwọrọke n̄kpọ ye se owo mîyomke. 10  Edikem uyo Jehovah esịm Samuel, ete: 11  “Mmeseme*+ ndikenịm Saul ke edidem, koro enye ọwọn̄ọrede+ etre nditiene mi, mînyụn̄ inamke uyo mi.”+ Ndien emi anam Samuel ofụhọ etieti,+ enye onyụn̄ eseme okot Jehovah ke ofụri okoneyo oro.+ 12  Ndien Samuel abak adaha ke enyọn̄ ke usenubọk ete ikosobo ye Saul. Edi ẹmen ẹketịn̄ ẹnọ Samuel, ẹte: “Saul ama edi Carmel,+ ndien, sese! enye ama obot n̄kpọ editi+ ọnọ idemesie, onyụn̄ ọwọn̄ọde asan̄a ebe, osụhọde aka Gilgal.” 13  Ekem Samuel edisịm Saul, ndien Saul ọdọhọ enye ete: “Jehovah akpakam ọdiọn̄+ fi. Mmanam se Jehovah ọkọdọhọde.”+ 14  Edi Samuel ọdọhọ ete: “Ndien uyom erọn̄ ye eke enan̄ emi n̄kopde mi edi eke nso?”+ 15  Ntem Saul ọbọrọ ete: “Ẹkeda mmọ ke Amalek ẹdi, koro mbonekọn̄+ ẹkekopde mbọm ẹban̄a erọn̄ ye mme enan̄ emi ẹdide nti, man ẹkpeda mmọ ẹwa uwa ẹnọ Jehovah Abasi fo;+ edi nnyịn ima isobo se ikosụhọde.” 16  Ekem Samuel ọdọhọ Saul ete: “Bet! Ndien nyasian fi se Jehovah ọkọdọhọde mi okoneyo emi.”+ Ntre Saul ọdọhọ enye ete: “Tịn̄!” 17  Ndien Samuel ọdọhọ ete: “Nte idịghe ke adan̄aemi afo ekesede idemfo ke ekpri+ ke afo ekedi etubom mme esien Israel, ndien Jehovah eyet fi aran+ enịm nte edidem Israel? 18  Ekem Jehovah ọdọn̄ fi utom ete, ‘Ka, kosobo mme anamidiọk,+ kpa mbon Amalek, nyụn̄ n̄wana ekọn̄ ye mmọ tutu afo osobo mmọ ofụri ofụri.’+ 19  Ntre ntak emi mûkanamke uyo Jehovah, edi ọdiọkde itọn̄ obụmede atan̄ mbụme,+ onyụn̄ anamde se idiọkde ke enyịn Jehovah?”+ 20  Ndien Saul ọbọrọ Samuel ete: “N̄kọm mma n̄kop+ uyo Jehovah koro mma n̄ka utom emi Jehovah ọkọdọn̄de mi, ndien nda Agag+ edidem Amalek ndi, edi mma nsobo mbon Amalek.+ 21  Ndien mbonekọn̄+ ẹtan̄ ata nti erọn̄ ye enan̄ ke otu n̄kpọ mbụme oro, kpa n̄kpọ nsobo, ndida n̄wa uwa+ nnọ Jehovah Abasi fo ke Gilgal.”+ 22  Ndien Samuel ọdọhọ ete: “Nte edifọp uwa+ ye mme uwa ẹnem Jehovah esịt nte edikop uyo Jehovah? Sese! N̄kopuyo+ ọfọn akan uwa,+ n̄kpan̄utọn̄ onyụn̄ ọfọn akan ikpọn̄+ okukịm erọn̄; 23  koro nsọn̄ibuot+ edide ukem ye ubreidiọn̄,+ ediseri iseri onyụn̄ edide ukem ye edikama idiọk odudu ye teraphim.+ Sia afo ama ekesịn ndikop uyo Jehovah,+ enye n̄ko emesịn fi ndidi edidem.”+ 24  Ndien Saul ọdọhọ Samuel ete: “Mmanam idiọkn̄kpọ;+ koro mmabiat ewụhọ Jehovah nnyụn̄ n̄kopke uyo fo, koro n̄kefehede mme owo+ nnyụn̄ n̄kop uyo mmọ. 25  Ndien, ke emi, mbọk dahado+ ke idiọkn̄kpọ mi nyụn̄ tiene mi fiak, man n̄ka n̄katuak ibuot+ nnọ Jehovah.” 26  Edi Samuel ọbọrọ Saul ete: “Ami nditieneke fi, koro afo esịnde uyo Jehovah, Jehovah omonyụn̄ esịn fi ndika iso ndi edidem Israel.”+ 27  Ke adan̄aemi Samuel ọwọn̄ọrede ete inyọn̄, Saul omụm isọn̄ anana-ubọk kod esie, tutu enye awaha.+ 28  Ntem Samuel ọdọhọ enye ete: “Jehovah amawai+ ubọn̄ Israel osio fi ke ubọk mfịn emi, enye oyonyụn̄ ada enye ọnọ owo efen emi ọfọnde akan fi.+ 29  Akan oro, Andikon̄ N̄kan ke Israel+ idisụhu nsu,+ Enye idinyụn̄ ituaha n̄kpọfiọk, koro Enye mîtiehe nte owo, emi Enye akpatuade n̄kpọfiọk.”+ 30  Ndien enye ọdọhọ ete: “Mmanam idiọkn̄kpọ. Mbọk, ke emi, kpono mi+ ke iso mbiowo ikọt mi ye ke iso Israel nyụn̄ tiene mi fiak, man n̄ka n̄katuak ibuot nnọ Jehovah Abasi fo.”+ 31  Ntre Samuel etiene Saul ke edem, ndien Saul aka akatuak ibuot ọnọ Jehovah. 32  Ekem Samuel ọdọhọ ete: “Mbufo ẹda Agag edidem Amalek ẹsọk mi.” Ndien Agag asan̄a mmen̄e mmen̄e etiene enye, onyụn̄ ekere ke esịt esie ete: “Ke akpanikọ, ndikpaha aba ubiak ubiak n̄kpa.” 33  Edi Samuel ọdọhọ ete: “Kpa nte akan̄kan̄+ fo akanamde iban ẹtaba nditọ mmọ, ntre ke eka+ fo editaba nditọ ikan ke otu iban.”+ Ntem Samuel okpok Agag mbio mbio ke iso Jehovah ke Gilgal.+ 34  Ndien Samuel ọnyọn̄ esie aka Ramah, edi Saul ọnyọn̄ ufọk esie ke Gibeah,+ kpa obio Saul. 35  Ndien Samuel itọn̄ọke ntak ikụt Saul tutu esịm usen n̄kpa esie, koro Samuel akakade ndifụhọ+ mban̄a Saul. Edi, Jehovah eseme* ndikanam Saul edi edidem Israel.+

Mme Ikọ Idakisọn̄

At. Ed., “mmatua n̄kpọfiọk.”
At. Ed., “atua n̄kpọfiọk.”