Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 14;1-52

14  Edikem ke usen kiet Jonathan+ eyen Saul ọdọhọ asan̄autom emi akamade n̄kpọekọn̄ esie ete: “Di nnyịn ibe ika itie mbonekọn̄ ukpeme mbon Philistia emi odude ke edem oko.” Edi enye itịn̄ke inọ ete esie.+  Ndien Saul odụn̄ ke edem Gibeah+ ke idak eto pomegranate emi odude ke Migron; ndien owo ikie itiokiet+ ẹdu ye enye.  (Ndien Ahijah eyen Ahitub,+ eyenete Ichabod+ eyen Phinehas,+ eyen Eli,+ kpa oku Jehovah ke Shiloh,+ akakama ephod.)+ Edi mmọ ifiọkke ke Jonathan ama adaha ọwọrọ.  Ndien akamba itiat emi ebietde edet ama odu ke ufọt itie emi Jonathan okoyomde ndisan̄a mbe n̄ka itie mbonekọn̄ ukpeme+ mbon Philistia, kiet odu ke n̄kan̄ emi, ekere Bozez, kiet onyụn̄ odu ke n̄kan̄ eken, onyụn̄ ekere Seneh.  Edet kiet ekedi adaha ke edem edere emi asakde iso ese Michmash,+ ndien enye eken edi adaha ke edem usụk emi asakde iso ese Geba.+  Ntre Jonathan ọdọhọ asan̄autom emi akamade n̄kpọekọn̄ esie, ete: “Di nnyịn ibe ika itie mbonekọn̄ ukpeme mbon edụt+ emi ẹdade ke edem oko. Eyedi Jehovah ayanam n̄kpọ ọnọ nnyịn, koro baba n̄kpọ kiet ikemeke ndikpan Jehovah ndida ediwak m̀mê esisịt nnyan̄a.”+  Ntem akama-n̄kpọekọn̄ esie ọdọhọ enye ete: “Nam se ededi oro odude fi ke esịt. Ka ebiet emi afo amade. Ami mi ye afo nte owo emi ekemde esịt ye afo.”+  Ndien Jonathan ọdọhọ ete: “Sese, nnyịn imọn̄ ibe ibịne mbon oko, ikanam mmọ ẹda ẹkụt nnyịn.  Edieke mmọ ẹdidọhọde nnyịn ẹte, ‘Ẹtuak ẹda nnyịn idi idisobo ye mbufo!’ nnyịn iyatuak ida ke itie nnyịn, idinyụn̄ idọkke ibịne mmọ. 10  Edi edieke mmọ ẹdidọhọde ẹte, ‘Ẹdọk ẹdi ẹdin̄wana ye nnyịn!’ nnyịn iyonyụn̄ idọk ika, koro Jehovah ayada mmọ esịn nnyịn ke ubọk, emi edinyụn̄ edi idiọn̄ọ+ ọnọ nnyịn.” 11  Ntem mmọ mbiba ẹnam mbonekọn̄ ukpeme mbon Philistia ẹda ẹkụt mmọ. Ndien mbon Philistia ẹdọhọ ẹte: “Sese mme Hebrew ẹwọn̄ọde mi ke obube udịbe mmọ ẹdi.”+ 12  Ntre mbonekọn̄ ukpeme ẹdọhọ Jonathan ye akama-n̄kpọekọn̄ esie, ẹte: “Ẹdọk ẹbịne nnyịn, ndien imọn̄ ikpep mbufo n̄kpọ!”+ Inikiet inikiet, Jonathan ọdọhọ akama-n̄kpọekọn̄ esie ete: “Tiene mi, koro Jehovah ọmọn̄ ada mmọ esịn Israel ke ubọk.”+ 13  Ndien Jonathan ọnyọni ke ukot ye ubọk+ ọdọk, akama-n̄kpọekọn̄ esie onyụn̄ etiene enye ke edem; ndien mmọ ẹduọn̄ọ ke iso Jonathan,+ akama-n̄kpọekọn̄ esie onyụn̄ owot mmọ etiene enye ke edem.+ 14  Ndien mbon emi Jonathan ye akama-n̄kpọekọn̄ esie ẹkewotde ke akpa ini ẹwak ẹsịm n̄kpọ nte owo edịp ke ufan̄ isọn̄ emi edide ubak acre kiet. 15  Ndien idem enyek+ mbonekọn̄ emi ẹdude ke itienna ke in̄wan̄ ye mbonekọn̄ emi ẹdade ke itie ukpeme; idem onyụn̄ enyek udịmekọn̄ mbon mbụme,+ isọn̄ onyụn̄ enyek,+ Abasi okonyụn̄ anam nnyekidem emi odu.+ 16  Ndien mbon ukpeme Saul ke Gibeah+ eke esien Benjamin ẹkụt n̄kpọ emi, ndien, sese! ndutịme odu ke kpukpru ebiet.+ 17  Ndien Saul ọdọhọ mbon oro ẹdude ye enye ete: “Mbọk, mbufo ẹbat owo ise m̀mê mmanie mîdụhe ke otu nnyịn.” Ke ini mmọ ẹbatde owo, sese! Jonathan ye akama-n̄kpọekọn̄ esie idụhe do. 18  Ekem Saul ọdọhọ Ahijah ete:+ “Da ekebe ata Abasi di!”+ (Koro ekebe ata Abasi okodude ye nditọ Israel ke usen oro.)+ 19  Edikem ke adan̄aemi Saul osụk etịn̄de ikọ ye oku,+ ndutịme emi odude ke itienna mbon Philistia ọdọdiọn̄ okpon. Ndien Saul ọdọhọ oku ete: “Bet ise.” 20  Ntem ẹkot Saul ye kpukpru mbon oro ẹdude ye enye ẹte ẹwọrọ ẹdi.+ Ntre mmọ ẹsan̄a tutu ẹdisịm an̄waekọn̄, ndien sese, mbon Philistia ke ẹkpen̄e kiet eken ke akan̄kan̄; ndutịme onyụn̄ okpon etieti.+ 21  Ndien mme Hebrew emi ẹkedade ye mbon Philistia+ ke akpa, emi ẹkenyụn̄ ẹsan̄ade ye mmọ ẹsuana ẹdọn̄ọ itienna, ẹkabade ẹda ye Israel emi ẹkedude ye Saul ye Jonathan. 22  Kpukpru mbon Israel emi ẹkedịbede+ ke obot obot ikpehe Ephraim ẹkop ke mbon Philistia ẹma ẹfen̄e, ndien mmọ n̄ko ẹta ẹdiana mmọ man ẹken̄wana ye mmọ. 23  Ndien Jehovah anyan̄a+ Israel ke usen oro, ekọn̄ onyụn̄ ebe odụk Beth-aven.+ 24  Ndien mbon Israel ẹkpa mba ke usen oro, Saul onyụn̄ anam mmọ ẹda un̄wọn̄ọ,+ ẹte: “Ọdọdiọk ọnọ owo eke editade uyo mbemiso mbubreyo, ibọhọke ami nsio usiene+ ye mme asua mi!” Ndien baba owo kiet itabike uyo.+ 25  Ndien kpukpru owo ẹdụk akai, ke ini aranọkwọk+ ọfiọrọde ke isọn̄. 26  Ke ini mme owo ẹdụkde akai, sese! aranọkwọk+ ke ọtọi, inyụn̄ idụhe owo emi adade ubọk aka inua, koro mmọ ẹkekopde ndịk ẹban̄a un̄wọn̄ọ oro mmọ ẹkedade.+ 27  Edi Jonathan ikokopke ini emi ete esie akanamde mme owo ẹda un̄wọn̄ọ,+ ntre enye anyan iso esan̄ emi enye akakamade ke ubọk owụk ke obukpa ọkwọk oro onyụn̄ ada ubọk edebi esịn ke inua, ndien enyịn an̄wan̄a enye.+ 28  Ntem owo kiet ke otu mmọ ọdọhọ ete: “Ete fo ama anam mme owo ẹda un̄wọn̄ọ, ẹte, ‘Ọdọdiọk ọnọ owo eke editade uyo mfịn emi!’”+ (Ndien kpukpru owo ẹkpa mba.)+ 29  Edi, Jonathan ọdọhọ ete: “Ete mi amada afanikọn̄+ ọsọk isọn̄ emi. Mbọk, ẹse nte enyịn an̄wan̄ade mi ke ekpri editabi aranọkwọk emi.+ 30  N̄wan̄wadise kpukpru owo ẹkpediade+ mbụme mme asua oro mmọ ẹkụtde mfịn emi!+ Edi, ke emi, nnyịn iwotke mbon Philistia awak ekem.”+ 31  Ndien mmọ ẹwot mbon Philistia ke usen oro ọtọn̄ọde ke Michmash+ tutu esịm Aijalon,+ kpukpru owo ẹnyụn̄ ẹkpa mba etieti.+ 32  Ndien mmọ ẹbụme mbụme+ ke idiọkitọn̄, ẹmụm erọn̄ ye enan̄ ye nditọenan̄ ẹwot mmọ ke isọn̄, ẹnyụn̄ ẹta mmọ ye iyịp.+ 33  Ntre ẹmen n̄kpọ emi ẹketịn̄ ẹnọ Saul, ẹte: “Sese! Mme owo ẹmedue Jehovah ke ndita unam ye iyịp.”+ Ndien enye ọbọrọ ete: “Mbufo inamke akpanikọ. Ke emi, ẹkpat akamba itiat ẹsọk mi.” 34  Ekem Saul ọdọhọ ete: “Mbufo ẹsuana ẹdụk otu kpukpru owo ẹnyụn̄ ẹdọhọ mmọ ẹte, ‘Mbufo owo kiet kiet ẹda enan̄ ye erọn̄ mbufo ẹdi, ẹnyụn̄ ẹdiwot mmọ mi ẹta, ẹkûnyụn̄ ẹnam idiọkn̄kpọ ẹdue Jehovah ke ndita unam ye iyịp.’”+ Ntem kpukpru owo ẹda enan̄ oro mmọ ẹkekamade okoneyo oro ẹdi, ẹnyụn̄ ẹdiwot mmọ do. 35  Ndien Saul ọbọp itieuwa+ ọnọ Jehovah. Ntem, enye akabade edi akpa owo oro ọbọpde itieuwa ọnọ Jehovah.+ 36  Ekem Saul ọdọhọ ete: “Ẹyak nnyịn isụhọde ikan̄wana ye mbon Philistia okoneyo emi, inyụn̄ ibụme n̄kpọ mmọ tutu eyo esiere,+ ikûnyụn̄ iyak baba owo mmọ kiet osụhọ.”+ Ntem mmọ ẹdọhọ ẹte: “Nam se ededi emi ọfọnde fi ke enyịn.” Ekem oku ọdọhọ ete: “Ẹyak nnyịn isan̄a ikpere ata Abasi ke ebiet emi.”+ 37  Ndien Saul obụp Abasi ete: “Ndi nsụhọde n̄kan̄wana ye mbon Philistia?+ Ndi afo ayada mmọ esịn Israel ke ubọk?”+ Edi enye ibọrọke enye ke usen oro.+ 38  Ntre Saul ọdọhọ ete: “Mbufo kpukpru ikpọ owo+ ẹsan̄a ẹkpere,+ ẹnyụn̄ ẹdụn̄ọde ẹse m̀mê idiọkn̄kpọ emi oto m̀mọ̀n̄ mfịn emi. 39  Koro ma uwem Jehovah, emi edide Andinyan̄a Israel, idem ọkpọkọm Jonathan eyen mi anam idiọkn̄kpọ, enye iditreke ndikpa.”+ Edi baba owo kiet ke otu kpukpru owo ibọrọke enye. 40  Ndien enye ọdọhọ ofụri Israel ete: “Mbufo ẹda n̄kan̄ kiet, ami ye Jonathan eyen mi iyada n̄kan̄ eken.” Ndien mmọ ẹdọhọ Saul ẹte: “Nam se ifọnde fi ke enyịn.”+ 41  Ndien Saul ọdọhọ Jehovah ete: “O Abasi Israel, mbọk nọ ibọrọ ke Thummim!”+ Ndien ẹda Jonathan ye Saul, kpukpru owo ẹnyụn̄ ẹwọn̄ọ.+ 42  Ntem Saul ọdọhọ ete: “Mbufo ẹsịn afia+ ke ufọt mi ye Jonathan eyen mi.” Ndien afia etịp Jonathan. 43  Ndien Saul ọdọhọ Jonathan ete: “Tịn̄ nọ mi, Nso ke afo akanam?”+ Ntre Jonathan ọdọhọ enye ete: “Mma nda iso esan̄ oro n̄kakamade ke ubọk ntabi aranọkwọk esisịt.+ Se mi mi! Yak n̄kpa!” 44  Ntem Saul ọdọhọ ete: “Yak Abasi anam ntem ye afo, Jonathan, onyụn̄ ọdọdiọn̄ anam,+ koro afo mûdutreke ndikpa.”+ 45  Edi kpukpru owo ẹdọhọ Saul ẹte: “Ndi Jonathan emi adade akwa edinyan̄a+ ọsọk Israel edikpa? Nsa-o!+ Ma uwem Jehovah,+ baba idet+ ibuot esie kiet ididuọhọ ke isọn̄; koro enye akanam utom ye Abasi mfịn emi.”+ Ntem mmọ ẹfak+ Jonathan, enye inyụn̄ ikpaha. 46  Ntre Saul etre ndibịne mbon Philistia, ndien mbon Philistia ẹnyọn̄ọ ebiet mmọ.+ 47  Ndien Saul ọsọn̄ọ itie edidem esie ke Israel+ onyụn̄ aka akan̄wana ekọn̄ ye kpukpru mme asua esie oro ẹkekande enye ẹkụk, an̄wana ye Moab+ ye nditọ Ammon+ ye Edom+ ye ndidem Zobah+ ye mbon Philistia;+ enye onyụn̄ owot mbon oro ẹbiomde ikpe ke ebiet ekededi eke enye odụkde.+ 48  Ndien enye anam n̄kpọ uko uko,+ owot Amalek+ onyụn̄ anyan̄a Israel osio ke ubọk mmọ eke ẹbụmede mmọ. 49  Ndien nditọiren Saul ẹdi Jonathan+ ye Ishvi ye Malchi-shua,+ ndien amaedi enyịn̄ nditọ esie iban iba, adiaha ekekere Merab,+ udun̄wan ekere Michal.+ 50  Enyịn̄ n̄wan Saul okonyụn̄ edi Ahinoam eyen Ahimaaz, ndien enyịn̄ etubom udịmekọn̄ esie ekedi Abner+ eyen Ner, kpa eyeneka ete Saul. 51  Ndien Kish+ ekedi ete Saul, Ner+ onyụn̄ edi ete Abner eyen Abiel. 52  Ndien ekọn̄ ọsọn̄ ubọk ye mbon Philistia ke ofụri eyouwem Saul.+ Ke ini Saul okụtde ọkpọsọn̄ owo ye owo uko ekededi, enye ada enye adian idem.+

Mme Ikọ Idakisọn̄