Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 1;1-28

1  Ndien owo kiet ama odu emi okotode Ramathaim-zophim+ ke obot obot ikpehe Ephraim,+ enye ekekere Elkanah,+ eyen Jeroham, eyen Elihu, eyen Tohu, eyen Zuph,+ owo Ephraim.  Ndien enye ọkọdọ iban iba, kiet ekere Hannah, enye eken ekere Peninnah. Ndien Peninnah enyene nditọ, edi Hannah ikenyeneke eyen.+  Ndien owo oro esito obio esie kpukpru isua ọdọk aka ndituak ibuot+ nnọ Jehovah mme udịm nnyụn̄ n̄wa uwa nnọ enye ke Shiloh.+ Ndien do ke nditọiren Eli mbiba, Hophni ye Phinehas,+ ẹkedi mme oku ẹnọ Jehovah.+  Ndien edikem ke usen kiet Elkanah awa uwa, onyụn̄ ọnọ Peninnah n̄wan esie ye kpukpru nditọ esie iren ye iban udeme;+  edi ọnọ Hannah udeme kiet. Kpa ye oro, Hannah ke enye akama,+ ndien Jehovah ama esịri enye itie eyen.+  Ndien n̄wan ufụp esie esinam esịt ayat+ enye etieti onyụn̄ anam esịt etịmede enye koro Jehovah ekesịride enye itie eyen.  Ntem ke enye ekesinam ke isua ke isua,+ adan̄a nte enye ọdọkde aka ufọk Jehovah.+ Ntre ke enye ekesinam esịt ayat Hannah, tutu enye atua inyụn̄ idiaha udia.  Ndien Elkanah ebe esie obụp enye ete: “Hannah, nso inam atuade, nso inam mûdiaha udia, nso inyụn̄ inam esịt ọdiọkde fi?+ Nte ami mfọnke ye afo n̄kan nditọiren duop?”+  Ekem Hannah adaha ada ke mmọ ẹma ẹkedia udia ẹnyụn̄ ẹn̄wọn̄ n̄kpọ ke Shiloh, ke adan̄aemi Eli oku etiede ekpere obubọk enyịnusụn̄ temple+ Jehovah. 10  Ndien ukpọn̄+ esie ofụhọ idiọk idiọk, enye onyụn̄ ọbọn̄ akam ọnọ Jehovah+ onyụn̄ atua etieti.+ 11  Ndien enye akan̄a akan̄a+ ete: “O Jehovah mme udịm, edieke afo ke akpanikọ edisede ukụt ofụn an̄wan fo+ onyụn̄ eti mi,+ mûnyụn̄ ufreke ofụn an̄wan fo onyụn̄ ọnọde ofụn an̄wan fo eyeneren, nyayak enye nnọ Jehovah ke ofụri usen uwem esie, akadan̄ idinyụn̄ itụkke enye ibuot.”+ 12  Ndien Eli ke ekese enye inua ke adan̄aemi enye ọbọn̄de akam ebịghi+ ke iso Jehovah. 13  Ndien Hannah etịn̄ ikọ ke esịt+ esie; n̄kpọkinua esie kpọt ẹnyen̄e, owo inyụn̄ ikopke se enye etịn̄de. Edi Eli ekere ke enye akpa mmịn.+ 14  Ntre Eli obụp enye ete: “Adan̄a didie ke afo edikpa mmịn?+ Yak mmịn atara fi ke enyịn.” 15  Ndien Hannah ọbọrọ enye ete: “Ihih, ọbọn̄ mi! Ndi n̄wan emi esịt ọdiọkde; n̄n̄wọn̄ke wine nnyụn̄ n̄n̄wọn̄ke ọkpọsọn̄ mmịn, edi n̄n̄wan̄a ukpọn̄ mi nnọ Jehovah.+ 16  Mbọk, kûbat ofụn an̄wan fo ke obukpo owo,+ koro uwak ekikere ye mfịna esịt mi ẹsịn ntịn̄ ikọ tutu esịm emi.”+ 17  Ndien Eli ọdọhọ enye ete: “Nyọn̄ ke emem,+ Abasi Israel akpakam ọnọ fi se afo eben̄ede enye.”+ 18  Ntem enye ọbọrọ ete: “Ofụn an̄wan fo akpakam okụt mfọn ke iso fo.”+ Ndien n̄wan oro ọnyọn̄ esiemmọ, aka akadia udia,+ iso inyụn̄ itiehe enye aba mfụhọ mfụhọ.+ 19  Ndien mmọ ẹbak ẹdemede ke usenubọk, ẹtuak ibuot ke iso Jehovah, ekem mmọ ẹnyọn̄ ufọk mmọ ke Ramah.+ Ndien Elkanah enyene ebuana+ ye Hannah n̄wan esie, Jehovah onyụn̄ eti enye.+ 20  Edikem ke isua akabarede, Hannah oyomo onyụn̄ aman eyeneren ndien osio enye enyịn̄+ Samuel, koro enye ọdọhọde ete, “N̄keben̄e+ enye ke ubọk Jehovah.” 21  Edikem Elkanah ọdọk ye ofụri mbonufọk esie aka ndiwa uwa eke isua ke isua+ ye uwa akan̄a+ esie nnọ Jehovah. 22  Edi Hannah itieneke ika,+ koro enye ọdọhọde ebe esie ete: “Ke ndondo oro nsiode eyen emi ke eba,+ nyada enye ndi ke iso Jehovah man enye odụn̄ do ke nsinsi.”+ 23  Ntem Elkanah ebe+ esie ọdọhọ enye ete: “Nam se ifọnde fi ke enyịn.+ Tie ke ufọk tutu afo osio enye ke eba. Jehovah akpakam anam uyo esie.”+ Ntre n̄wan emi etie ke ufọk ọbọk eyen esie tutu osio enye ke eba.+ 24  Ekem ke ndondo oro enye osiode eyen ke eba, enye asan̄a ye eyen emi, onyụn̄ ada ayara enan̄ emi edide isua ita ye ephah ndomuyo kiet ye akamba aban̄ wine,+ ọdọk aka ufọk Jehovah ke Shiloh.+ Ndien eyen emi asan̄a ye enye. 25  Ekem mmọ ẹwot enan̄ oro, ẹnyụn̄ ẹda eyen oro ẹsọk Eli.+ 26  Ndien n̄wan emi ọdọhọ ete: “Mbọk, ọbọn̄ mi, ma uwem ukpọn̄ fo,+ ami ndi n̄wan oro akadade ekpere fi ke ebiet emi ọbọn̄ akam ọnọ Jehovah.+ 27  Edi eyen emi ke n̄kọbọn̄ akam nnọ Jehovah nte enye anam eben̄e+ mi oro n̄keben̄ede enye.+ 28  Ndien ami mmada enye mbuọt Jehovah.+ Ke ofụri eyouwem esie, enye edi owo emi ẹyakde ẹnọ Jehovah.” Ndien Elkanah onụhọ do ọnọ Jehovah.+

Mme Ikọ Idakisọn̄