Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Peter 3;1-22

3  Kpasụk ntre,+ mbufo iban, ẹsụk ibuot+ ẹnọ mme ebe mbufo, man, edieke ndusụk mmọ mîsụkke ibuot+ inọ ikọ Abasi, ẹkpedụri mmọ ẹda+ itoho ke editịn̄ ikọ edi oto ke edu uwem iban mmọ,+  koro mmọ ẹkụtde edisana edu uwem+ mbufo ọkọrọ ye ntotụn̄ọ ukpono.  Ndien ẹkûyak mbanaidem mbufo edi enyọn̄ enyọn̄ edidọk idet+ ye edisịne n̄kpọmbana+ gold m̀mê edisịne ndiye ọfọn̄,  edi ẹyak edi ndedịbe owo+ eke esịt emi edide edisịnen̄kpọ eke mîkemeke ndibiara,+ kpa sụn̄sụn̄ ye ifụre ifụre edu,+ emi enen̄erede ọsọn̄ urua ke enyịn Abasi.  Koro ntem ke ndisana iban eyo oko emi ẹkedoride enyịn ke Abasi ẹkesibana idem, ẹsụkde ibuot ẹnọ mme ebe mmọ,  nte Sarah ekesikopde uyo ọnọ Abraham, okotde enye “ọbọn̄.”+ Ndien mbufo ẹmekabade ẹdi nditọ esie, edieke mbufo ẹkade iso ẹnam se ifọnde mînyụn̄ ifeheke baba n̄kpọ kiet eke esịnde owo edịghe.+  Kpasụk ntre,+ mbufo mme ebe, ẹka iso ẹdụn̄ ye mmọ ke ifiok,+ ẹnọ mmọ ukpono+ nte ẹnọ n̄kpọ eke ememde akan, emi edide mmemmem mmemmem, sia mmọ ẹtienede mbufo ẹdi mme ẹnyene udeme+ ke uwem emi otode mfọnido Abasi oro owo mîdotke, mbak n̄kpọ edibiọn̄ọ akam mbufo.+  Ke akpatre, kpukpru mbufo ẹnyene ekikere kiet,+ ẹkere ẹban̄a kiet eken, ẹnyene ima nditọete, ẹtua owo mbọm,+ ẹsụhọde idem,+  ẹkûda idiọk ẹsio owo usiene idiọk,+ m̀mê ndisụn̄i owo eke osụn̄ide mbufo,+ edi ẹdọdiọn̄ mmọ,+ koro ẹkekot mbufo ke ntak emi, man mbufo ẹkpebọ edidiọn̄. 10  Koro, “owo eke edimade uwem edinyụn̄ oyomde ndikụt nti usen,+ yak enye afara edeme+ esie ke idiọk onyụn̄ ekpeme n̄kpọkinua esie okûbian̄a abian̄a,+ 11  edi yak enye ọwọn̄ọde ọkpọn̄ idiọk+ onyụn̄ anam se ifọnde; yak enye oyom emem onyụn̄ ebịne enye.+ 12  Koro enyịn+ Jehovah ke ese ndinen owo, enye onyụn̄ okop n̄kpeubọk mmọ;+ edi Jehovah inenke iso ye mbon emi ẹnamde idiọk.”+ 13  Anie owo edinam mbufo idiọk edieke mbufo ẹsịnde ifịk ẹnam se ifọnde?+ 14  Edi idem edieke mbufo ẹkụtde ukụt ke ntak edinen ido, mbufo ẹmekop inemesịt.+ Nte ededi, ẹkûfehe n̄kpọ oro mmọ ẹfehede,+ ẹkûnyụn̄ ẹtịmede esịt.+ 15  Edi ẹnyịme ke esịt mbufo ẹte Christ edi Ọbọn̄ onyụn̄ edi edisana,+ ẹben̄e idem kpukpru ini ndibọrọ+ owo ekededi eke obụpde mbufo ntak idotenyịn emi mbufo ẹnyenede, edi ẹnam emi ke ifụre ifụre ido+ ye ntotụn̄ọ ukpono. 16  Ẹnyene eti ubieresịt,+ man mmọ ẹkpedia bụt+ ke mme n̄kpọ eke mmọ ẹtịn̄de ẹdian mbufo kpa mmọ eke ẹtịn̄de n̄kpọ ẹbiat eti edu uwem mbufo ke Christ.+ 17  Koro ọfọn ndikụt ukụt ke ntak emi mbufo ẹnamde se ifọnde,+ edieke oro edide uduak Abasi, akan ndikụt ke ntak emi mbufo ẹnamde idiọk.+ 18  Kamse, Christ ama akpa ini kiet kpọt kaban̄a mme idiọkn̄kpọ,+ edinen owo ke ibuot mmọ eke mînenke,+ man enye akpada mbufo ọsọk Abasi,+ ẹwot enye ke obụkidem+ edi ẹnam enye odu uwem ke spirit.+ 19  Ke spirit n̄ko ke enye akaka ọkọkwọrọ ikọ ke ufọk-n̄kpọkọbi ọnọ mme spirit,+ 20  emi ẹketụtde utọn̄+ ini kiet ko ke ini ime Abasi+ ekebetde ke eyo Noah, ke adan̄aemi ẹkekọn̄de ubom,+ emi ẹkedade ẹnyan̄a owo ifan̄, oro edi, ukpọn̄ itiaita, ebe mmọn̄.+ 21  Se idide ukem ye emi ke ẹda ẹnyan̄a mbufo n̄ko ke emi,+ oro edi, baptism, (emi mîdịghe ediyet ndek obụkidem mfep, edi edide eben̄e eke mbufo ẹben̄ede Abasi ẹte anam mbufo ẹnyene eti ubieresịt,)+ oto ke ediset ke n̄kpa Jesus Christ.+ 22  Enye ama ọnyọn̄ aka heaven, onyụn̄ odu ke ubọk nnasia+ Abasi ke emi; ẹma ẹnyụn̄ ẹnam mme angel+ ye mme andikara ye mme enyene-odudu ẹsụk ibuot ẹnọ enye.+

Mme Ikọ Idakisọn̄