Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 9;1-28

9  Edikem ke ndondo oro Solomon okụrede ndibọp ufọk Jehovah+ ye ufọk edidem+ ye kpukpru ndiye n̄kpọ oro ẹkenemde Solomon ndinam,+  Jehovah ọtọn̄ọ ntak owụt Solomon idem, kpa nte okowụtde enye idem ke Gibeon.+  Ndien Jehovah ọdọhọ enye ete: “Mmokop akam+ fo ye eben̄e emi afo eben̄ede oyom mfọn ke iso mi. Ami mmanam ufọk emi afo ọbọpde mi asana+ ke ndinịm enyịn̄+ mi do ke nsinsi; ndien enyịn+ mi ye esịt mi ẹyedu do kpukpru ini.+  Ndien edieke afo edisan̄ade+ ke iso mi, kpa nte ete fo David+ akasan̄ade ye esịt eke ọsọn̄ọde ada+ ye ke edinen ido,+ ke ndinam kpukpru se n̄wụkde fi+ nte anam, edieke afo edinyụn̄ enịmde mme ewụhọ+ mi ye mme ubiereikpe+ mi,  ami n̄ko nyanam ebekpo obio ubọn̄ fo ọsọn̄ọ ada ke Israel ke nsinsi, kpa nte n̄kọn̄wọn̄ọde nnọ ete fo David, nte, ‘Owo idisịbeke owo emi otode ubon fo ifep ke ebekpo Israel.’+  Edieke mbufo ye nditọ mbufo ẹdifiakde edem ẹtre nditiene mi,+ mînyụn̄ inịmke mme ewụhọ emi n̄kọnọde mbufo, edi ẹkade ẹkenam n̄kpọ mme abasi efen+ ẹnyụn̄ ẹtuakde ibuot ẹnọ mmọ,  ami n̄ko nyesịbe Israel mfep ke iso isọn̄ emi ami n̄kọnọde mmọ;+ ndien amaedi ufọk emi n̄kanamde asana nnọ enyịn̄ mi, ami nyemen enye mfep ke iso mi,+ ndien Israel ayakabade edi n̄kpọ ufiet+ ye n̄kpọ isụn̄i ke otu kpukpru mme idụt.  Ndien ufọk emi ayakabade ibombom n̄wụre.+ Kpukpru owo eke ẹbede ẹyeda ẹse ke n̄kpaidem+ ẹnyụn̄ ẹfri inụk, ẹbụp ẹte, ‘Ntak emi Jehovah anamde ntem ye isọn̄ emi ye ufọk emi?’+  Ndien mmọ ẹyebọrọ ẹte, ‘Koro mmọ ẹkekpọn̄de Jehovah Abasi mmọ emi okosiode mme ete ete mmọ ke isọn̄ Egypt,+ ẹnyụn̄ ẹkade ẹkemụm mme abasi+ efen ẹkama, ẹnụhọ ẹnọ mmọ ẹnyụn̄ ẹnam n̄kpọ mmọ. Ntak edi oro Jehovah adade ofụri afanikọn̄ emi etiene mmọ.’”+ 10  Edikem ke utịt isua edịp, ke Solomon ama ọkọbọp ufọk mbiba oro, ufọk Jehovah+ ye ufọk edidem,+ 11  (Hiram+ edidem Tyre ama an̄wam Solomon+ ke ndinọ enye eto cedar ye eto juniper ye gold nte enye okoyomde,)+ adan̄aoro Edidem Solomon ọnọ Hiram obio edịp ke isọn̄ Galilee.+ 12  Ndien Hiram oto Tyre edise mme obio oro Solomon ọkọnọde enye, edi mmọ ifọnke enye ke enyịn.+ 13  Ntre enye ọdọhọ ete: “Eyenete mi, nso utọ obio ke afo ọnọ mi emi?” Ndien ẹkot mmọ Isọn̄ Cabul tutu esịm mfịn emi. 14  Ndien Hiram ọnọ talent gold+ ikie ye edịp ẹsọk edidem. 15  Emi edi mbụk aban̄ade mbon oro ẹkenyịkde ẹnam ọkpọsọn̄ utom,+ kpa mbon oro Edidem Solomon okokotde ete ẹdibọp ufọk Jehovah+ ye ufọk esie ye Edikon̄ Ebiet+ ye ibibene+ Jerusalem ye Hazor+ ye Megiddo+ ye Gezer.+ 16  (Pharaoh edidem Egypt ama ọdọk akakan Gezer onyụn̄ ọfọp enye ke ikan̄, onyụn̄ owot mbon Canaan+ emi ẹdụn̄de ke obio oro. Ndien enye emen obio emi ọnọ eyen esie an̄wan,+ kpa n̄wan Solomon, nte enọ usio unyọn̄.) 17  Ndien Solomon ọbọp Gezer ye Usụk Beth-horon,+ 18  ye Baalath+ ye Tamar ke wilderness, ke isọn̄ oro, 19  ye kpukpru mme obio ubonn̄kpọ+ oro ẹkekabarede ẹdi eke Solomon, ye mme obio chariot+ ye mme obio mme awat enan̄-mbakara ye ndiye n̄kpọ oro Solomon+ okoyomde ndibọp ke Jerusalem ye ke Lebanon ye ke kpukpru isọn̄ emi enye akakarade. 20  Amaedi kpukpru mbon emi ẹkesụhọde ke otu mme Amorite,+ ye mme Hittite,+ mme Perizzite,+ mme Hivite+ ye mbon Jebus,+ emi mîkedịghe ubak nditọ Israel,+ 21  kpa nditọ mmọ oro ẹkesụhọde ke isọn̄ emi nditọ Israel mîkekemeke ndisobo,+ Solomon enyịk mmọ ẹnam ọkpọsọn̄ utom nte ifịn tutu esịm mfịn emi.+ 22  Ndien Solomon ikanamke eyen Israel ndomokiet edi ofụn;+ koro mmọ ẹkedide mbonekọn̄ ye mme asan̄autom esie ye mbọn̄ esie ye mme udiana etubom ekọn̄ esie ye mme etubom mme andiwat chariot esie ye mme awat enan̄-mbakara+ esie. 23  Mmọ emi ẹkedi mme etubom mme adaidaha, owo ikie ition ye aba ye duop, emi ẹkesede ẹban̄a utom Solomon, kpa mme etubom mbonutom emi ẹsịnde idem ẹnam utom.+ 24  Ndien, eyen Pharaoh an̄wan+ oto Obio David+ ọwọrọ aka ufọk esie oro Solomon ọkọbọpde ọnọ enye. Ini oro ke Solomon ọkọbọp Edikon̄ Ebiet.+ 25  Ndien Solomon awa edifọp uwa ye uwa ebuana ikata+ ke isua ke itieuwa oro enye ọkọbọpde ọnọ Jehovah,+ onyụn̄ anam nsụn̄ikan̄ uwa oto itieuwa+ emi odude ke iso Jehovah ọwọrọ ọdọk; ndien enye okụre ufọk oro.+ 26  Ndien Edidem Solomon anam udịm udịm nsụn̄ikan̄ ke Ezion-geber,+ emi odude ekpere Eloth,+ ke mben Ididuot Inyan̄ ke isọn̄ Edom.+ 27  Ndien Hiram osio mme asan̄autom+ esie, mme awatinyan̄, emi ẹfiọkde mmọn̄, ọdọn̄ ẹsan̄a ye mme asan̄autom Solomon ke mme nsụn̄ikan̄ oro. 28  Ndien mmọ ẹka Ophir+ ẹkeda talent gold+ ikie inan̄ ye edịp ẹsọk Edidem Solomon.

Mme Ikọ Idakisọn̄