Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 8;1-66

8  Ekem Solomon+ obon+ mbiowo+ Israel ọtọkiet, kpukpru mme etubom esien,+ mbọn̄ mme ete+ nditọ Israel, ke ọtọ Edidem Solomon ke Jerusalem, man ẹkemen ekebe ediomi+ Jehovah ke Obio David,+ oro edi Zion,+ ẹdọk ẹdi.  Ntre kpukpru irenowo Israel ẹsop idem ọtọkiet ke ọtọ Edidem Solomon ke ọfiọn̄ enyọn̄ Ethanim ke ini usọrọ,+ oro edi, ke ọyọhọ ọfiọn̄ itiaba.+  Ntre kpukpru mbiowo Israel ẹdi, ndien mme oku ẹmen+ Ekebe.+  Ndien mmọ ẹmen ekebe Jehovah ye tent+ usopidem+ ye kpukpru ndisana n̄kpoduoho oro ẹkedude ke tent; ndien mme oku ye nditọ Levi+ ẹtan̄ mmọ ẹdọk ẹdi.+  Ndien Edidem Solomon ye ofụri esop Israel oro ẹdude ye enye, kpa mbon oro ẹkesopde idem ye enye, ẹdu ke iso Ekebe oro, ẹwa+ erọn̄ ye enan̄ emi ẹwakde tutu owo ikemeke ndibat.+  Ekem mme oku ẹmen ekebe+ ediomi Jehovah ẹdinịm ke itie+ esie, ke ata esịt esịt ubet ufọk oro, ke Ata Edisana, ke idak mba mme cherub.+  Koro mme cherub oro ẹketatde mba mmọ ẹfụk itie emi ẹnịmde Ekebe oro, ntre mme cherub ẹdu ke enyọn̄+ ẹkwi Ekebe oro ye mme eto esie.  Edi mme eto+ oro ẹma ẹniọn̄, tutu ẹda ke Edisana ke iso ata esịt esịt ubet ẹkụt mbuot mmọ, edi owo idaha ke an̄wa ikụt mmọ. Ndien mmọ ẹdu do tutu esịm mfịn emi.+  N̄kpọ ikesịneke ke esịt Ekebe oro ke mîbọhọke itiatn̄wed+ iba emi Moses ọkọdọn̄de+ ke esịt ke Horeb, ke ini Jehovah akanamde ediomi+ ye nditọ Israel ke adan̄aemi mmọ ẹtode isọn̄ Egypt ẹwọn̄ọ.+ 10  Edikem ke ini mme oku ẹtode edisana ebiet ẹwọn̄ọ ẹdi, obubịt enyọn̄+ ọyọhọ ufọk Jehovah. 11  Ndien mme oku+ ikemeke ndida nnam utom+ mmọ ke ntak obubịt enyọn̄ oro, koro ubọn̄ Jehovah+ ọkọyọhọde ufọk Jehovah.+ 12  Ndien Solomon ọdọhọ ete: “Jehovah ọkọdọhọ ke imọ ididụn̄ ke ọkpọsọn̄ ekịm.+ 13  Ami mmọbọp ufọk emi edide edikon̄ ebietidụn̄ nnọ fi,+ kpa akpan ebiet+ man afo odụn̄ ke nsinsi.”+ 14  Ekem edidem ọwọn̄ọde iso ọdiọn̄+ ofụri esop Israel, ke adan̄aemi ofụri esop Israel ẹsụk ẹdade-da. 15  Ndien enye ọdọhọ ete: “Ekọm enyene Jehovah+ Abasi Israel, emi akadade inua esie ọdọhọ David+ ete mi, onyụn̄ adade ubọk esie anam emi osu,+ ọdọhọde ete, 16  ‘Toto ke usen emi n̄kadade ikọt mi Israel n̄wọrọ ke Egypt, ami mmekke+ baba obio kiet ke kpukpru esien Israel nte ẹbọp ufọk+ man enyịn̄+ mi okpodu do; edi nyemek David nte ada ikọt mi Israel+ usụn̄.’ 17  Ndien ama odu David ete mi ke esịt ndibọp ufọk nnọ enyịn̄ Jehovah Abasi Israel.+ 18  Edi Jehovah ọdọhọ David ete mi, ete, ‘Sia odude fi ke esịt ndibọp ufọk nnọ enyịn̄ mi, afo amanam ọfọn, koro odude fi ke esịt.+ 19  N̄kukụre edi nte ke idịghe afo edibọp ufọk oro, edi eyen fo emi editode fi idem ọwọrọ edibọp ufọk ọnọ enyịn̄ mi.’+ 20  Ndien Jehovah anam ikọ+ esie emi enye eketịn̄de, man ami nda ke itie David ete mi nnyụn̄ ntie ke ebekpo Israel,+ kpa nte Jehovah ọkọdọhọde, man nnyụn̄ mbọp ufọk nnọ enyịn̄ Jehovah Abasi Israel,+ 21  man nnyụn̄ nnịm ebiet do nnọ Ekebe emi esịnede ediomi+ Jehovah oro enye akanamde ye mme ete ete nnyịn ke ini enye akadade mmọ ọwọrọ ke isọn̄ Egypt.” 22  Ndien Solomon ada ke iso itieuwa+ Jehovah ke iso ofụri esop Israel, atat ekaubọk esie emenede ke enyọn̄;+ 23  ndien enye ọdọhọ ete: “O Jehovah Abasi Israel,+ idụhe Abasi eke ebietde fi+ ke heaven ke enyọn̄ m̀mê ke isọn̄ ke idak, emi enịmde ediomi onyụn̄ owụtde mme asan̄autom+ fo emi ẹsan̄ade ke iso fo ke ofụri esịt+ mmọ ima-mfọnido,+ 24  afo emi anamde ye asan̄autom fo David ete mi se afo ọkọn̄wọn̄ọde ọnọ enye, tutu afo ada inua fo ọn̄wọn̄ọ onyụn̄ ada ubọk fo anam enye osu, kpa nte edide mfịn emi.+ 25  Ndien, ke emi, O Jehovah Abasi Israel, nam ye asan̄autom fo David ete mi se afo ọkọn̄wọn̄ọde ọnọ enye, ete, ‘Owo idisịbeke owo emi otode ubon fo ifep ke ebekpo Israel+ ke iso mi, ama akam edi nditọ fo ẹyekpeme usụn̄ mmọ ke ndisan̄a ke iso mi kpa nte afo asan̄ade ke iso mi.’ 26  Ndien, ke emi, O Abasi Israel, mbọk yak un̄wọn̄ọ+ emi afo ọkọn̄wọn̄ọde ọnọ asan̄autom fo David ete mi, ọsọn̄ọ ada. 27  “Edi nte Abasi eyenen̄ede odụn̄ ke isọn̄ emi?+ Sese! Heaven,+ ih, n̄kon̄n̄kan heaven,+ ikam ikemke fi;+ n̄wan̄wadise ufọk+ emi ami mbọpde! 28  Afo nyụn̄ kop akam+ emi asan̄autom fo ọbọn̄de ye eben̄e emi enye eben̄ede oyom mfọn,+ O Jehovah Abasi mi, kop n̄kpeubọk ye akam emi asan̄autom fo ọbọn̄de ke iso fo mfịn emi;+ 29  man afo atat enyịn+ ese ufọk emi ke okoneyo ye ke uwemeyo, ese ebiet emi afo ọkọdọhọde ete, ‘Enyịn̄ mi edidu do,’+ man okop akam emi asan̄autom fo edibọn̄de ese ebiet+ emi. 30  Afo nyụn̄ kop eben̄e emi asan̄autom fo eben̄ede oyom mfọn+ ye eke ikọt fo Israel ke ini mmọ ẹdibọn̄de akam ẹse ebiet emi; ndien afo akpakam etie ke heaven,+ kpa ebietidụn̄ fo okop, afo kop nyụn̄ fen.+ 31  “Ke ini owo anamde idiọkn̄kpọ edue ekemmọ owo,+ ndien owo oro anam enye ada un̄wọn̄ọ ndisịn enye ke idak isụn̄i,+ ndien ke idak isụn̄i emi, owo oro edi itieuwa fo ke ufọk emi, 32  ndien afo tie ke heaven kop, nyụn̄ nam n̄kpọ nyụn̄ kpe ikpe mme asan̄autom fo ke ndibiom idiọkowo ikpe nnyụn̄ mmen usụn̄ esie ndori enye ke ibuot,+ ye ke ndibat edinen owo ke edinen+ ke ndinọ enye nte ekemde ye edinen ido esie.+ 33  “Ke ini mme asua+ ẹkande ikọt fo Israel, koro mmọ ẹnamde idiọkn̄kpọ ẹdue fi,+ ndien mmọ ẹfiak ẹtiene fi,+ ẹditoro enyịn̄ fo+ ẹnyụn̄ ẹbọn̄ akam+ ẹyom mfọn fo ke ufọk emi,+ 34  afo nyụn̄ tie ke heaven kop, nyụn̄ fen idiọkn̄kpọ ikọt fo Israel+ ndien da mmọ fiak di+ ke isọn̄ emi afo ọkọnọde mme ete ete+ mmọ. 35  “Ke ini esịride enyọn̄ man edịm okûdep,+ koro mmọ ẹnamde idiọkn̄kpọ+ ẹdue fi, ndien mmọ ẹbọn̄ akam ẹse ebiet+ emi ẹnyụn̄ ẹtoro enyịn̄ fo, ẹnyụn̄ ẹfiak edem ẹkpọn̄ idiọkn̄kpọ mmọ, ke ntak emi afo otụhọrede mmọ,+ 36  ndien afo tie ke mme heaven kop, nyụn̄ fen idiọkn̄kpọ mme asan̄autom fo, kpa ikọt fo Israel, koro afo ekpepde+ mmọ eti usụn̄ eke mmọ ẹkpesan̄ade;+ ndien nam edịm edep+ ke isọn̄ emi afo ọnọde ikọt fo nte udeme inyene. 37  “Edieke akan̄+ odude ke isọn̄, edieke idiọk udọn̄ọ+ odude, edieke ufiop eyo, mfụt,+ n̄kukun̄kpọyọriyọ,+ ye mme mfem+ ẹdude; edieke mme asua mmọ ẹkande mmọ ẹkụk ke isọn̄ emi ke inuaotop mmọ—orụk ufen ekededi, orụk udọn̄ọ ekededi— 38  akam+ ekededi eke ẹdibọn̄de, se ededi eben̄e eke owo ekededi m̀mê kpukpru ikọt fo Israel+ ẹdiben̄ede ẹyom mfọn,+ koro mmọ kiet kiet ẹdiọn̄ọde ubiak esịt+ mmọ, ndien mmọ ẹtat ekaubọk mmọ ẹnyan ke ufọk emi,+ 39  afo nyụn̄ tie ke heaven,+ kpa akpan ebietidụn̄+ fo, kop, ndien fen+ nyụn̄ nam n̄kpọ+ nọ mmọ kiet kiet nte ekemde ye kpukpru usụn̄ mmọ,+ koro afo ọfiọkde esịt+ mmọ (koro afo ikpọn̄ etịm ọfiọk esịt kpukpru nditọ owo);+ 40  man mmọ ẹkpebak+ fi ke ofụri eyouwem mmọ ke isọn̄ emi afo ọkọnọde mme ete ete+ nnyịn. 41  “Ndien, n̄ko, amaedi owo esenidụt+ emi mîdịghe kiet ke otu ikọt fo Israel, emi otode anyan idụt edi ke ntak enyịn̄ fo+ 42  (koro mmọ ẹyekop ẹban̄a akwa enyịn̄+ fo ye ọkpọsọn̄ ubọk+ fo ye edinyanade ubọk fo), ndien enye edi edibọn̄ akam ese ufọk+ emi, 43  afo nyụn̄ tie ke heaven, kpa akpan ebietidụn̄+ fo, kop, nyụn̄ nam kpukpru se owo esenidụt emi eben̄ede+ fi; man kpukpru owo ke isọn̄ ẹkpefiọk enyịn̄+ fo ẹnyụn̄ ẹbak fi kpa nte ikọt fo Israel ẹnamde, man ẹdiọn̄ọ ẹte ke ẹkot enyịn̄ fo ẹdian ufọk emi ami mbọpde.+ 44  “Edieke ikọt fo ẹwọrọde ẹka ekọn̄+ ye mme asua mmọ ke usụn̄ emi afo ọdọn̄de mmọ,+ ndien mmọ ẹbọn̄ akam+ ẹnọ Jehovah ẹse obio emi afo emekde+ ye ufọk emi ami mbọpde nnọ enyịn̄+ fo, 45  afo nyụn̄ tie ke heaven kop akam mmọ ye eben̄e oro mmọ ẹben̄ede ẹyom mfọn, afo nyụn̄ kpe ikpe mmọ.+ 46  “Edieke mmọ ẹnamde idiọkn̄kpọ ẹdue fi+ (koro idụhe owo ndomokiet eke mînamke idiọkn̄kpọ),+ ndien afo ayat esịt ye mmọ onyụn̄ ayak mmọ esịn mme asua ke ubọk, mme andimụm mmọ ẹnyụn̄ ẹtan̄ mmọ ẹnyọn̄ọ isọn̄ mme asua, edide ke anyan usụn̄ onyụn̄ edide ke n̄kpet n̄kpet;+ 47  ekem enyịn edin̄wan̄a mmọ ke isọn̄ emi ẹtan̄de mmọ ẹka ntan̄mfep+, ndien mmọ ẹfiak ẹtiene+ fi ẹnyụn̄ ẹdiben̄e+ fi ẹyom mfọn ke isọn̄ mme anditan̄ mmọ n̄ka ntan̄mfep,+ ẹte, ‘Nnyịn imanam idiọkn̄kpọ+ inyụn̄ idue,+ imanam se idiọkde’;+ 48  ndien mmọ ẹfiak ẹtiene fi ke ofụri esịt+ mmọ ye ke ofụri ukpọn̄ mmọ ke isọn̄ mme asua mmọ emi ẹketan̄de mmọ ẹka ntan̄mfep, ndien mmọ ẹbọn̄ akam ẹse n̄kan̄ isọn̄ mmọ emi afo ọkọnọde mme ete ete mmọ, kpa obio emi afo emekde ye ufọk emi ami mbọpde nnọ enyịn̄+ fo; 49  afo nyụn̄ tie ke mme heaven, kpa akpan ebietidụn̄+ fo, kop akam mmọ ye eben̄e oro mmọ ẹben̄ede ẹyom mfọn, nyụn̄ kpe ikpe mmọ,+ 50  afo nyụn̄ fen+ ikọt fo ke idiọkn̄kpọ+ emi mmọ ẹnamde ẹdue fi ye kpukpru ndudue+ emi mmọ ẹduede fi;+ ndien yak mbọm+ mmọ anam mme andimụm mmọ nyụn̄ nam ẹtua mmọ mbọm 51  (koro mmọ ẹdide ikọt fo ye udeme+ fo, emi afo akadade ọwọrọ ke Egypt,+ ke ufọt akwa ikan̄+ utara ukwak), 52  man afo atat enyịn ese eben̄e emi asan̄autom fo eben̄ede oyom mfọn ye eben̄e emi ikọt fo Israel ẹben̄ede ẹyom mfọn,+ ke ndikpan̄ utọn̄ nnọ mmọ ke kpukpru se mmọ ẹben̄ede fi.+ 53  Koro afo akadian̄arede mmọ ke otu kpukpru owo ke isọn̄ enịm nte udeme+ fo, kpa nte afo akadade Moses+ etịn̄ ke ini afo akadade mme ete ete nnyịn ọwọrọ ke Egypt, O Jehovah Akakan Ọbọn̄ Andikara.” 54  Edikem ke ndondo oro Solomon okụrede ndibọn̄ ofụri akam emi nnọ Jehovah ye eben̄e oro enye ekeben̄ede oyom mfọn, enye adaha ada ke iso itieuwa Jehovah, itọn̄ọke aba edọn̄+ itat ekaubọk esie imenede ke enyọn̄;+ 55  ndien enye adaha adada+ onyụn̄ emenede uyo ọdiọn̄+ ofụri esop Israel, ete: 56  “Ekọm enyene Jehovah,+ emi ọnọde ikọt esie Israel ebiet nduọkodudu nte ekemde ye kpukpru se enye ọkọn̄wọn̄ọde.+ Baba ikọ kiet ke otu kpukpru nti un̄wọn̄ọ emi enye ọkọn̄wọn̄ọde ebe ke Moses asan̄autom+ esie ikpụhu.+ 57  Jehovah Abasi nnyịn akpakam odu ye nnyịn+ kpa nte enye okodude ye mme ete ete nnyịn.+ Yak enye okûduọk nnyịn okûnyụn̄ ọkpọn̄ nnyịn,+ 58  man nnyịn inam esịt+ nnyịn ọwọn̄ọde etiene enye ke ndisan̄a ke kpukpru usụn̄+ esie nnyụn̄ nnịm mme ibet+ esie ye mme ewụhọ+ esie ye mme ubiereikpe+ esie, emi enye okowụkde mme ete ete nnyịn. 59  Ndien ikọ emi ndade nnam eben̄e nyom mfọn Jehovah akpakam odu+ Jehovah Abasi nnyịn ke iso okoneyo ye uwemeyo, man enye ekpe ikpe asan̄autom esie ye ikọt esie Israel nte odotde ke usen+ ke usen; 60  man kpukpru owo ke isọn̄ ẹkpefiọk+ ẹte ke Jehovah edi ata Abasi.+ Baba efen inyụn̄ idụhe.+ 61  Mbufo ẹnyụn̄ ẹnam n̄kpọ Jehovah Abasi nnyịn ke ofụri esịt+ ke ndisan̄a ke mme ewụhọ esie nnyụn̄ nnịm mme ibet esie kpa nte edide mfịn emi.” 62  Ndien edidem ye ofụri Israel ẹwa akwa uwa ke iso Jehovah.+ 63  Ndien Solomon awa uwa ebuana+ oro enye ekenyenede ndiwa nnọ Jehovah, enan̄ tọsịn edịp ye iba ye erọn̄ tọsịn ikie ye edịp,+ man edidem ye ofụri nditọ Israel ẹda ẹyak+ ufọk Jehovah ẹnọ. 64  Ndien ke usen oro, edidem anam ufọt okụre emi odude ke iso ufọk Jehovah asana,+ koro do ke enye ekenyene ndifọp uwa nnyụn̄ n̄wa uwa n̄kpasịp ye mme ikpọn̄ uwa ebuana; koro itieuwa+ okpoho oro odude ke iso Jehovah mîkokponke ikem ndida n̄wa edifọp uwa ye uwa n̄kpasịp ye mme ikpọn̄+ uwa ebuana. 65  Ndien ke ini oro, Solomon anam usọrọ,+ ofụri Israel ẹnyụn̄ ẹdu ye enye, kpa akwa esop,+ ọtọn̄ọde ke ebiet emi ẹtode ẹdụk Hamath+ tutu esịm itịghede mmọn̄ Egypt,+ ke iso Jehovah Abasi nnyịn usen itiaba ye usen itiaba+ efen, kpukpru ẹdi usen duopenan̄. 66  Ke ọyọhọ usen itiaita enye ọnọ mmọ ẹnyọn̄ọ;+ ndien mmọ ẹtoro edidem ẹnyụn̄ ẹnyọn̄ọ ufọk mmọ, ẹdara+ ẹnyụn̄ ẹkop idatesịt+ ke kpukpru mfọn+ oro Jehovah ọkọfọnde David asan̄autom esie ye Israel ikọt esie.

Mme Ikọ Idakisọn̄