Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 7;1-51

7  Ndien Solomon ada isua duopeta+ ọbọp ufọk esiemmọ, onyụn̄ okụre ndibọp ofụri ufọk esie.+  Ndien enye ọbọp Ufọk Akai Lebanon+ emi edide cubit ikie ke uniọn̄, cubit aba ye duop ke ubom, onyụn̄ okon̄ cubit edịp ye duop, ọbọp enye odori ke udịm adaha eto cedar inan̄; ndien nnyan eto+ cedar ẹdoro ke mme adaha oro.  Ndien ẹda eto cedar+ ẹnam ndudiọn̄ ẹfụk mme ndori oro ẹkedorode ke mme adaha aba ye ition. Adaha efịt ẹkedu ke udịm kiet.  Mme window emi ẹnyenede obubọk ẹkedi udịm ita, ndien usụn̄ un̄wana+ kiet asak iso ese usụn̄ un̄wana eken, mmọ ẹkedi ke ikpehe ita, kiet okon̄ akan kiet.  Mme obubọk+ ke kpukpru inuaotop ye enyịnusụn̄ ẹkedi ukem ukem ke edem mbinan̄, ntre n̄ko ke iso usụn̄ un̄wana oro asakde iso ese usụn̄ un̄wana emi edide ikpehe ita, emi kiet okon̄de akan eken.  Ndien enye anam Etehe Adaha edi cubit aba ye duop ke uniọn̄, ye cubit edịp ye duop ke ubom; etehe en̄wen emi enyenede mme adaha onyụn̄ odu ke iso mmọ, ndien ufụkenyọn̄ odu ke iso mmọ.  Amaedi Etehe Ebekpo+ emi enye editiede ekpe ikpe, enye anam etehe ubiereikpe;+ mmọ ẹnyụn̄ ẹda eto cedar ẹfụk enye ọtọn̄ọde ke isọn̄ tutu esịm ndori.+  Ndien ufọk emi enye edidụn̄de ke okụre+ enye eken ikadaha ikpere ufọk Etehe. Ẹkenam enye ukem nte enye emi. Solomon ama onyụn̄ ọbọp ufọk eke etiede nte Etehe emi ọnọ eyen Pharaoh+ emi enye ọkọdọde.  Ẹkeda mme ọsọn̄urua+ itiat nte ekemde ye udomo, kpa itiat emi ẹsọide-sọi ẹnyụn̄ ẹyọkde ke uyọkitiat, ẹbọp kpukpru ufọk emi ke esịt ye ke an̄wa, ọtọn̄ọde ke itiat idakisọn̄ esịm nyarakọm, ye an̄wa tutu ekesịm akamba okụre.+ 10  Ndien ẹda ikpọ ọsọn̄urua itiat ẹsịn itiat idakisọn̄, kpa mme itiat emi ẹdide cubit duop, ye mme itiat emi ẹdide cubit itiaita. 11  Ẹda mme ọsọn̄urua itiat emi ẹsọide-sọi, nte ekemde ye udomo, n̄ko ye eto cedar ẹnam enyọn̄ esie. 12  Ndien udịm itiat ita+ emi ẹsọide-sọi ye udịm nnyan eto cedar ẹma ẹdu ẹkanade akamba okụre oro; ntre n̄ko ye okụre ufọk+ Jehovah oro odude ke esịt esịt,+ ye etehe+ esie. 13  Ndien Edidem Solomon ọdọn̄ ẹkeda Hiram+ ke Tyre ẹdi. 14  Eka esie ekedi ebeakpa emi otode esien Naphtali, ndien ete esie ekedi owo Tyre,+ anamutom okpoho;+ ndien enye ama enen̄ede enyene ọniọn̄ ye asian+ ye ifiọk ndinam kpukpru orụk utom okpoho. Ntem enye edi etiene Edidem Solomon edinam kpukpru utom esie. 15  Ekem enye atara okpoho+ anam adaha iba, emi kiet kiet okon̄de cubit efịteta, ndien ẹkeme ndida urụk emi ọniọn̄de cubit duopeba n̄kanade adaha+ emi kiet kiet. 16  Ndien enye atara okpoho+ anam mbuot iba owụk ke enyọn̄ mme adaha oro. Ibuot kiet okokon̄ cubit ition, ibuot enye eken onyụn̄ okon̄ cubit ition. 17  Ndien ẹyịri mme iyịre iyịre ndudiọn̄, ye mme n̄kpọmbana emi ẹdọkde nte n̄kpọkọbi+ ke mbuot adaha oro;+ itiaba ke ibuot adaha kiet, ye itiaba ke ibuot adaha enye eken. 18  Ndien enye anam udịm pomegranate iba akanade iyịre iyịre ndudiọn̄ man ofụk mbuot adaha oro; enye onyụn̄ anam kpa ntre ke ibuot+ enye eken. 19  Ndien ẹnam mbuot adaha etehe oro ebiet ekpon̄idịm,+ cubit inan̄. 20  Ndien mbuot oro ẹwụhọ ke enyọn̄ adaha mbiba oro, adiana idịbi oro ekperede iyịre iyịre ndudiọn̄; ndien ẹnam pomegranate+ ikie iba ke udịm ke udịm ẹkanade ibuot kiet kiet. 21  Ekem enye owụk mme adaha+ etehe+ temple oro. Ndien owụk adaha nnasia okot enye Jachin, onyụn̄ owụk adaha ufien okot enye Boaz. 22  Ndien ẹnam mme enyọn̄ adaha oro ẹbiet ekpon̄idịm. Ntem ke ẹnam utom ke mme adaha oro ẹma. 23  Ndien enye atara okpoho anam n̄kpọ udọn̄ mmọn̄*+ emi edide cubit duop ọtọn̄ọde ke mben kiet esịm mben eken, emi onyụn̄ edide ekara ekara akan okụk; ndien enye okon̄ cubit ition, ẹnyụn̄ ẹkeme ndida urụk emi ọniọn̄de cubit edịp ye duop n̄kanade enye ofụri ofụri.+ 24  Ndien mme n̄kpọmbana+ emi ẹbietde ekikop+ ẹdu ẹkanade isọn̄ mben esie, duop ke cubit kiet, ẹdu ẹkanade n̄kpọ udọn̄ mmọn̄ oro ẹkụk,+ ndien mme n̄kpọmbana emi ẹbietde ekikop mi ẹdi udịm iba, ẹkenyụn̄ ẹtatara mmọ. 25  Enye okodoro ke enyọn̄ nyara enan̄ duopeba,+ ita ẹse edem edere, ita ẹse edem usoputịn, ita ẹse edem usụk, ita ẹnyụn̄ ẹse edem usiahautịn; ndien n̄kpọ udọn̄ mmọn̄ oro odoro mmọ ke edem, kpukpru mmọ ẹnyụn̄ ẹwọn̄ọde isịm mmọ ẹwụt esịt.+ 26  Ndien udobi esie ekedi ubara ekaubọk+ kiet; ndien ẹnam mben esie nte mben cup, ebiet ekpon̄idịm.+ Enye ama odụk+ aban̄ mmọn̄ tọsịn iba.*+ 27  Ekem enye ada okpoho anam ukpatn̄kpọ+ duop, ukpatn̄kpọ kiet kiet edi cubit inan̄ ke uniọn̄, ye cubit inan̄ ke ubom, onyụn̄ okon̄ cubit ita. 28  Ndien nte ẹkenamde mme ukpatn̄kpọ oro edi emi: mmọ ẹnyene mban̄, mme mban̄ emi ẹnyụn̄ ẹdu ke ufọt mbiọn̄ ukwak. 29  Ndien mme ekpe,+ nyara enan̄+ ye mme cherub+ ẹdu ke mme mban̄ oro ẹdude ke ufọt mbiọn̄ ukwak oro, ẹnyụn̄ ẹdu kpa ntre ke mbiọn̄ ukwak oro. Mme anyanya+ ẹdu ke enyọn̄ ye ke isọn̄ itie emi mme ekpe ye nyara enan̄ oro ẹdude. 30  Ndien ukpatn̄kpọ kiet kiet enyene wheel okpoho inan̄, ye mme axle emi ẹnamde ke okpoho; ndien mme ukot emi ẹdude ke inụk mbinan̄ ẹdi mme adaha mmọ. Mme adaha oro ẹdu ke idak besịn, ẹnyụn̄ ẹtara okpoho ẹnam anyanya ke idem adaha oro kiet kiet. 31  Ndien inua esie, ọtọn̄ọde ke esịt tutu esịm mme adaha dọk ka enyọn̄ enyọn̄, edi cubit [?];* ndien inua esie edi ekara ekara, ẹnam udorin̄kpọ edi cubit kiet ye ubak, ẹnyụn̄ ẹkap mme n̄kpọ ke inua esie. Ndien mban̄ mmọ ẹdi ukem ukem ke edem mbinan̄, idịghe ekara ekara. 32  Ndien wheel mbinan̄ oro ẹdu ke idak mban̄ oro, mme adaha wheel oro ẹnyụn̄ ẹdu ke mben ukpatn̄kpọ oro; ndien wheel kiet kiet okon̄ cubit kiet ye ubak. 33  Ndien ẹnam mme wheel emi nte ẹnamde mme wheel+ chariot. Ẹtara okpoho ẹda ẹnam mme adaha mmọ ye mme idem wheel mmọ ye mme spoke mmọ ye mme hub mmọ. 34  Ndien adaha inan̄ ẹdu ke inụk mbinan̄ ke ukpatn̄kpọ kiet kiet; mme adaha esie ẹyịre kiet ye ukpatn̄kpọ oro. 35  Ndien udorin̄kpọ emi okon̄de ubak cubit kiet odoro ke enyọn̄ ukpatn̄kpọ oro, emi edide ekara ekara akanade okụk; ndien mben ukpatn̄kpọ oro ye mme mban̄ esie ẹyịre kiet. 36  N̄ko-n̄ko, enye akap+ mme cherub, mme ekpe ye ndise eyop ke ufan̄ kiet kiet ke mme usan oro ẹdianade ke mben esie ye ke mme mban̄ esie onyụn̄ akap anyanya akanade.+ 37  Ntem ke enye anam mme ukpatn̄kpọ+ duop oro; ẹketatara+ n̄kpọ ẹnam kpukpru mmọ ukem ukem, ke ukem udomo, ye ukem mbiet. 38  Ndien enye anam besịn+ okpoho duop. Besịn kiet kiet odụk aban̄ mmọn̄ aba. Besịn kiet kiet ekedi cubit inan̄. Ẹdori besịn kiet kiet ke enyọn̄ ukpatn̄kpọ duop oro. 39  Ekem enye enịm ukpatn̄kpọ ition ke n̄kan̄ nnasia ufọk oro, onyụn̄ enịm ition ke n̄kan̄ ufien ufọk oro;+ ndien enye ọdiọk n̄kpọ udọn̄ mmọn̄ oro ke n̄kan̄ nnasia ufọk oro ke n̄kan̄ edem usiahautịn emi ekperede edem usụk.+ 40  Ndien Hiram+ anam mme besịn+ ye mme udọk+ usio ntọn̄ ye mme usan.+ Ekem Hiram okụre+ kpukpru utom oro enye akanamde ọnọ Edidem Solomon ke ufọk Jehovah: 41  Mme adaha+ mbiba, ye mbuot+ mbiba emi ẹbietde usan oro ẹdorode ke enyọn̄ adaha mbiba emi, ye iyịre iyịre+ ndudiọn̄ iba man ẹfụk ekara ekara mbuot mbiba oro ẹdorode ke enyọn̄ mme adaha oro, 42  ye pomegranate+ ikie inan̄ ke iyịre iyịre ndudiọn̄ iba, udịm pomegranate iba ke iyịre iyịre ndudiọn̄ kiet kiet man ẹfụk mbuot mbiba emi ẹbietde usan oro ẹdorode ke enyọn̄ adaha mbiba oro; 43  ye ukpatn̄kpọ+ duop ye besịn+ duop emi ẹdorode ke mme ukpatn̄kpọ emi, 44  ye n̄kpọ udọn̄ mmọn̄+ kiet ye nyara enan̄ duopeba ke idak n̄kpọ udọn̄ mmọn̄+ oro; 45  ye mme eso ye mme udọk usio ntọn̄ ye mme usan ye kpukpru n̄kpoduoho,+ emi Hiram akadade nsemnsem okpoho anam ọnọ Edidem Solomon man ẹda ẹnam utom ke ufọk Jehovah. 46  Edidem akatara mmọ ke n̄kpọ ubot mbat ke Ikpehe Jordan+ ke ufọt Succoth+ ye Zarethan.+ 47  Ndien Solomon ikodomoke baba n̄kpoduoho+ oro kiet koro mmọ ẹkewakde etieti.+ Owo ikọfiọkke udobi okpoho oro.+ 48  Ndien Solomon anam kpukpru n̄kpoduoho ufọk Jehovah, itieuwa+ gold ye okpokoro+ gold emi uyo iso Abasi odorode, 49  ye uwụk utuenikan̄+ emi ẹnamde ke ata gold,+ ition ke nnasia ye ition ke ufien, ke iso ata esịt esịt ubet, ye mme flawa+ ye utuenikan̄+ ye ufatikan̄+ emi ẹnamde ke gold, 50  ye mme besịn ye mme n̄kpọ unịme ikan̄+ ye mme usan+ ye mme cup+ ye n̄kpọ ufọp incense+ emi ẹnamde ke ata gold, ye mme ndudu emi mme usụn̄+ esịtufọk ẹwụhọde, oro edi, Ata Edisana, ye mme usụn̄+ ufọk temple+ emi ẹnamde ke gold. 51  Ke akpatre, kpukpru utom oro Edidem Solomon ekenyenede ndinam ke ufọk Jehovah okụre;+ ndien Solomon atan̄ mme n̄kpọ oro David ete+ esie akanamde ẹsana edidọn̄ ke esịt; enye ọdọn̄ silver ye gold ye mme n̄kpoduoho ke itie ubon n̄kpọuto ufọk Jehovah.+

Mme Ikọ Idakisọn̄

At. Ed., “inyan̄ emi ẹbotde-bot.”
N̄kpọ nte lita mmọn̄ 44,000.
Ibat cubit idụhe ke akpasarade uwetn̄kpọ usem Hebrew.