Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 6;1-38

6  Edikem ke ọyọhọ isua ikie inan̄ ye anan̄ tọn̄ọ nte nditọ Israel ẹkewọn̄ọ ke isọn̄ Egypt,+ ke ọfiọn̄ Ziv,+ oro edi, ọyọhọ ọfiọn̄ iba,+ ke ọyọhọ isua inan̄,+ tọn̄ọ nte Solomon akakabade edi edidem Israel, enye ọbọp ufọk ọnọ Jehovah.+  Ndien ufọk emi Edidem Solomon ọbọpde+ ọnọ Jehovah edi cubit ata+ ke uniọn̄, ye cubit edịp ke ubom, onyụn̄ okon̄ cubit edịp ye duop.+  Etehe+ iso temple oro edi cubit edịp ke uniọn̄, ke iso ufọk oro. Ubom esie onyụn̄ edi cubit duop, ke iso ufọk oro.  Ndien enye anam mme window emi itịm ẹtarade ke esịtufọk ẹnyụn̄ ẹkpride ke an̄wa.+  Ekem enye ọbọp ndian ndian ufọk akanade ibibene ufọk oro, kpa ibibene ufọk oro akanarede temple ye ata esịt esịt ubet,+ onyụn̄ ọdọn̄ mme ubet ke ndian ndian+ ufọk oro akanade.  Ubet eke isọn̄ ekedi cubit ition ke ubom, ọyọhọ iba edi cubit itiokiet ke ubom, ndien ọyọhọ ita edi cubit itiaba ke ubom; koro enye okotụn̄de+ ibibene ufọk oro ke an̄wa akanade, man ndian ndian ufọk oro okûdiana ke ibibene ufọk oro.+  Ẹkeda itiat emi ẹma ẹkesọi+ ẹma ẹbọp ufọk oro; ndien owo ikokopke uyom hammer ye ekụri m̀mê n̄kpọutom ukwak ekededi ke ini ẹkebọpde ufọk+ oro.  Ndien enyịnusụn̄+ ndian ndian ubet eke isọn̄ okodu ke n̄kan̄ nnasia ufọk oro, ẹnyụn̄ ẹsan̄a ke n̄n̄wọn̄ọde n̄n̄wọn̄ọde udịghiukot ẹdọk ẹka ọyọhọ enyọn̄ iba, ndien ẹto ke ọyọhọ iba oro ẹdọk ọyọhọ enyọn̄ ita.  N̄ko-n̄ko, enye aka iso ọbọp ufọk emi onyụn̄ ọbọp okụre,+ onyụn̄ ada ndori ye obukpọk cedar+ ọkọn̄ ufọk emi. 10  Akan oro, enye ọbọp mme ndian ndian+ ubet emi ẹkon̄de cubit ition akanade ofụri ufọk oro, ndien mme eto+ cedar emi ẹdọn̄de ẹmụm mmọ ẹdian ke ufọk oro. 11  Ekem uyo Jehovah esịm Solomon+ ete:+ 12  “Amaedi ufọk emi afo ọbọpde mi, edieke afo edisan̄ade ke mme ewụhọ+ mi edinyụn̄ etienede mme ubiereikpe+ mi onyụn̄ enịmde mme ibet mi ke ndisan̄a ke mmọ,+ ami n̄ko nyanam ikọ emi n̄ketịn̄de nnọ David ete+ fo osu ọnọ fi; 13  ndien ami nyodụn̄ ke ufọt nditọ Israel,+ ndinyụn̄ n̄kpọn̄ke ikọt mi Israel.”+ 14  Ndien Solomon aka iso ọbọp ufọk emi onyụn̄ ọbọp okụre.+ 15  Enye onyụn̄ adian obukpọk cedar akanade ibibene esịtufọk. Adian eto ke esịtufọk ọtọn̄ọde ke isọn̄ tutu esịm ndori ke dek ọkọmufọk; ndien ada obukpọk juniper+ ebri ke isọn̄ ufọk oro. 16  N̄ko-n̄ko, enye adian obukpọk cedar emi edide cubit edịp ke edem ufọk oro, ọtọn̄ọde ke isọn̄ tutu esịm ndori, onyụn̄ ọbọp Ata Edisana+ ke ata esịt+ ubet oro. 17  Ndien ufọk oro, kpa temple+ oro okodude ke iso esie,+ ekedi cubit aba. 18  Ndien ẹkap n̄kpọmbana emi ebietde ekikop+ ye anyanya ikọn̄ flawa+ ke eto cedar ẹdian ke esịtufọk. Kpukpru ẹkedi eto cedar; owo ikekwe itiat ndomokiet. 19  Ndien enye ọdiọn̄ ata esịt+ ubet ke ufọk emi odude ke ata esịt esịt, man ẹnịm ekebe+ ediomi+ Jehovah do. 20  Ndien ata esịt esịt ubet oro ekedi cubit edịp ke uniọn̄, ye cubit edịp ke ubom,+ onyụn̄ okon̄ cubit edịp; enye onyụn̄ ada ata gold+ ofụk enye, ada eto cedar ofụk itieuwa.+ 21  Ndien Solomon ada ata gold+ ofụk+ esịtufọk, onyụn̄ eyịri n̄kpọkọbi+ emi ẹnamde ke gold akanade iso ata esịt esịt ubet,+ onyụn̄ ada gold ofụk enye. 22  Ndien enye ada gold+ ofụk ofụri ufọk oro, tutu ẹfụk ofụri ufọk oro ẹma; enye onyụn̄ ada gold+ ofụk ofụri itieuwa+ emi asakde iso ese ata esịt esịt ubet oro. 23  N̄ko-n̄ko, enye ada eto emi enyenede aran anam cherub+ iba ke ata esịt esịt ubet, mmọ kiet kiet ẹkon̄ cubit duop.+ 24  Mba cherub oro kiet ekedi cubit ition, mba enye eken onyụn̄ edi cubit ition. Ọtọn̄ọde ke utịt mba kiet esịm utịt mba+ enye eken edi cubit duop. 25  Ndien ọyọhọ cherub iba ekedi cubit duop. Cherub mbiba emi ẹkedi ukem ukem ke udomo ye ke mbiet. 26  Cherub kiet okon̄ cubit duop, kpa ntre ye cherub enye eken. 27  Ekem enye emen mme cherub oro enịm ke ufọt esịtufọk, man ẹtat mba mme cherub+ oro. Ntem, mba cherub kiet esịm ibibene n̄kan̄ kiet, mba cherub enye eken onyụn̄ esịm ibibene n̄kan̄ eken; ndien mba mmọ ẹse ufọtufọk oro, mba osobo ye mba.+ 28  Akan oro, enye ada gold+ ofụk mme cherub oro. 29  Enye onyụn̄ akap mme cherub+ ye mme ndise eyop+ onyụn̄ akap mme mfri+ ke mme ibibene ufọk oro akanade, ke esịt ye ke an̄wa; 30  ndien enye ada gold ofụk ke isọn̄+ ufọk oro, ke esịt ye ke an̄wa. 31  Ndien enye ada eto emi enyenede aran+ anam usụn̄+ ata esịt esịt ubet: mme adaha, obubọk enyịnusụn̄ ye ọyọhọ ikpehe ition. 32  Ndien ẹkeda eto emi enyenede aran ẹnam usụn̄ mbiba oro, enye onyụn̄ akap mme cherub ye ndise eyop ye mme mfri ke mmọ, onyụn̄ ada gold ofụk mmọ; ndien ada gold ofụk mme cherub ye ndise eyop oro. 33  Ntem ke enye akanam inuaotop temple, mme obubọk enyịnusụn̄ emi ẹdade eto emi enyenede aran ẹnam, emi edem mbinan̄ ẹdide ukem ukem. 34  Ndien ẹda eto juniper+ ẹnam usụn̄ mbiba oro. Adiana-iba usụn̄ kiet ekesiwọn̄ọde ke afaraikụt, adiana-iba usụn̄ enye eken onyụn̄ ọwọn̄ọde ke afaraikụt.+ 35  Enye onyụn̄ akap mme cherub ye ndise eyop ye mme flawa, ndien atara gold ofụk mme ndise+ emi. 36  Ekem enye ada udịm itiat ita+ emi ẹsọide-sọi ye udịm nnyan eto cedar ọbọp okụre oro odude ke esịt esịt.+ 37  Ke ọyọhọ isua inan̄, ke ọfiọn̄ enyọn̄ Ziv+ ke ẹkesịn itiat idakisọn̄+ ufọk Jehovah; 38  ndien ẹbọp ufọk oro ẹma+ ke ọyọhọ isua duopekiet, ke ọfiọn̄ enyọn̄ Bul, oro edi, ọyọhọ ọfiọn̄ itiaita, nte ekemde ye kpukpru se ẹkeyomde ye kpukpru se ikesịnede ke n̄wed ubọpufọk;+ ndien enye akada isua itiaba ọbọp ufọk emi.

Mme Ikọ Idakisọn̄