Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 4;1-34

4  Ndien Edidem Solomon aka iso edi edidem ofụri Israel.+  Ndien mbọn̄+ emi enye ekenyenede ẹdi emi: Azariah, eyen Zadok+ oku;  Elihoreph ye Ahijah, nditọ Shisha mme ewetn̄wed;+ Jehoshaphat+ eyen Ahilud andiwet n̄kpọ nnịm;  ndien Benaiah+ eyen Jehoiada ekedi etubom udịmekọn̄,+ Zadok ye Abiathar+ ẹnyụn̄ ẹdi mme oku;  ndien Azariah eyen Nathan+ edi etubom mme adaidaha, Zabud eyen Nathan onyụn̄ edi oku, kpa ufan+ edidem;  Ahishar onyụn̄ ese aban̄a mbonufọk, ndien Adoniram+ eyen Abda ese aban̄a mbon oro ẹnyịkde ẹnam ọkpọsọn̄ utom.+  Ndien Solomon enyene mme adaidaha duopeba ke ofụri Israel, mmọ ẹsida udia ẹsọk edidem ye mbonufọk esie. Mmọ kiet kiet ẹkenyene ndida udia ndi ọfiọn̄ kiet kiet ke isua.+  Ndien enyịn̄ mmọ ẹdi emi: Eyen Hur, ke obot obot ikpehe Ephraim;+  eyen Deker, ke Makaz ye Shaalbim+ ye Beth-shemesh+ ye Elon-beth-hanan; 10  eyen Hesed, ke Arubboth (enye ekenyene Socoh ye kpukpru isọn̄ Hepher);+ 11  eyen Abinadab, ke ofụri ibuot obot Dor+ (Taphath, eyen Solomon akabade edi n̄wan esie); 12  Baana eyen Ahilud, ke Taanach+ ye Megiddo+ ye ofụri Beth-shean,+ emi ekperede Zarethan+ ke usụk usụk Jezreel,+ ọtọn̄ọde ke Beth-shean esịm Abel-meholah+ tutu ke n̄kan̄ ikpehe Jokmeam;+ 13  eyen Geber, ke Ramoth-gilead+ (enye ekenyene mme obio tent Jair+ eyen Manasseh, emi ẹkedude ke Gilead;+ enye ekenyene ikpehe Argob,+ emi odude ke Bashan:+ ikpọ obio ata emi ẹnyenede ibibene ye usịn-usụn̄ okpoho); 14  Ahinadab eyen Iddo, ke Mahanaim;+ 15  Ahimaaz, ke Naphtali+ (enye n̄ko ama ada Basemath, eyen Solomon ọdọ);+ 16  Baana eyen Hushai, ke Asher+ ye Bealoth; 17  Jehoshaphat eyen Paruah, ke Issachar;+ 18  Shimei+ eyen Ela, ke Benjamin;+ 19  Geber eyen Uri, ke isọn̄ Gilead,+ kpa isọn̄ Sihon+ edidem Amorite,+ ye eke Og+ edidem Bashan,+ ndien adaidaha kiet ekedi etubom kpukpru mme adaidaha eken emi ẹkedude ke isọn̄ oro. 20  Judah ye Israel ẹkewak nte ntan mbeninyan̄,+ ẹdia n̄kpọ, ẹn̄wọn̄ n̄kpọ ẹnyụn̄ ẹkop idatesịt.+ 21  Ndien Solomon edi andikara kpukpru obio ubọn̄ ọtọn̄ọde ke Akpa*+ tutu esịm isọn̄ Philistia onyụn̄ esịm adan̄a Egypt. Mmọ ẹma ẹda mme enọ ẹdi ẹnyụn̄ ẹnam n̄kpọ ẹnọ Solomon ke ofụri eyouwem esie.+ 22  Ndien udia Solomon ke usen kiet kiet ekedi ata eti ndomuyo cor+ edịp ye duop ye ndomuyo cor ata, 23  enan̄ ubom duop ye enan̄ edịp eke ẹsan̄ade ẹta mbiet ye erọn̄ ikie, ọkọrọ ye nyara edop+ ye mme akan̄ ye mme okoyo+ ye inuen emi enyenede isek emi ẹkotde cuckoo. 24  Koro enye akakarade kpukpru n̄kpọ ke edem Akpa+ emi, ọtọn̄ọde ke Tiphsah tutu esịm Gaza,+ ye kpukpru ndidem ke edem Akpa+ emi; ndien enye enyene emem+ ke kpukpru ikpehe emi enye akarade. 25  Ndien Judah+ ye Israel ẹka iso ẹdụn̄ ke ifụre,+ kpukpru owo ke idak vine mmọ ye ke idak eto fig+ mmọ, ọtọn̄ọde ke Dan tutu esịm Beer-sheba,+ ke ofụri eyouwem Solomon. 26  Ndien Solomon enyene itie ubon enan̄-mbakara+ tọsịn aba ọnọ mme chariot+ esie onyụn̄ enyene mme awat enan̄-mbakara tọsịn duopeba. 27  Ndien mme adaidaha+ emi ẹsida udia ẹsọk Edidem Solomon ye kpukpru owo emi ẹkade okpokoro Edidem Solomon, mmọ kiet kiet ke ọfiọn̄ ke ọfiọn̄. Mmọ iyakke n̄kpọ ndomokiet anana. 28  Mmọ ẹsinyụn̄ ẹda barley ye nnyanyan̄a enan̄-mbakara+ ẹka ke ebiet ekededi oro ẹyomde, owo kiet kiet anam utom emi ẹnọde enye.+ 29  Ndien Abasi ọnọ Solomon ọniọn̄+ ye ifiọk+ ke ata akwa udomo onyụn̄ ọnọ enye ikike,*+ nte ntan mbeninyan̄.+ 30  Ndien ọniọn̄ Solomon okpon+ akan eke kpukpru mbon Edem Usiahautịn+ ye ọniọn̄ kpukpru nditọ Egypt.+ 31  Ndien enye enyene ọniọn̄ akan owo efen ekededi, onyụn̄ enyene ọniọn̄ akan Ethan+ eyen Ezrah ye Heman+ ye Calcol+ ye Darda nditọ Mahol; ndien enye ọwọrọ etop ke kpukpru mme idụt oro ẹkande ẹkụk.+ 32  Ndien enye eke n̄ke+ tọsịn ita, ikwọ+ esie onyụn̄ edi tọsịn kiet ye ition. 33  Ndien enye etịn̄ aban̄a mme eto, ọtọn̄ọde ke cedar ke Lebanon+ tutu esịm hyssop+ emi ọbiọkde ke ibibene; enye onyụn̄ etịn̄ aban̄a mme unam+ ye mme n̄kpọ eke ẹfede+ ye mme n̄kpọ eke ẹnyọnide+ ye mme iyak.+ 34  Ndien mme owo ẹto kpukpru obio ẹdi man ẹdikop ọniọn̄+ Solomon, ẹnyụn̄ ẹto ke ọtọ kpukpru ndidem isọn̄ emi ẹkopde ẹban̄a ọniọn̄+ esie ẹdi.

Mme Ikọ Idakisọn̄

Oro edi, “Euphrates.”
At. Ed., “esịt emi an̄wan̄ade.”