Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 3;1-28

3  Ndien Solomon odụk ediomi+ ndọ ye Pharaoh edidem Egypt onyụn̄ ọdọ eyen Pharaoh+ emen edi Obio David,+ tutu enye okụre ndibọp ufọk+ esiemmọ ye ufọk Jehovah+ ye ibibene Jerusalem n̄kanade.+  N̄kukụre edi ke mme owo ke ẹkesiwa uwa ke mme edikon̄ ebiet,+ koro tutu esịm ini oro, owo ikọbọpke kan̄a ufọk inọ enyịn̄ Jehovah.+  Ndien Solomon aka iso ama+ Jehovah onyụn̄ asan̄a ke mme ewụhọ David ete esie.+ N̄kukụre edi ke enye ekesiwa uwa onyụn̄ ọfọp edifọp uwa kpukpru ini ke mme edikon̄ ebiet.+  Ekem edidem aka Gibeon+ ndikawa uwa do, koro do edide akamba edikon̄ ebiet.+ Ndien Solomon awa edifọp uwa tọsịn kiet ke itieuwa+ oro.  Ndien Jehovah owụt+ Solomon idem ke ndap+ ke okoneyo ke Gibeon; ndien Abasi ọdọhọ ete: “Ben̄e se oyomde nnọ fi.”+  Ntem Solomon ọdọhọ ete: “Afo ama owụt David ete mi kpa asan̄autom fo akwa ima-mfọnido+ kpa nte enye akasan̄ade ke akpanikọ ye ke edinen ido+ ye ke esịt emi enende ye afo; ndien afo aka iso owụt enye utọ akwa ima-mfọnido emi, tutu afo ọnọ enye eyeneren nditie ke ebekpo esie kpa nte edide mfịn emi.+  Ndien, ke emi, Jehovah Abasi mi, afo amanam mi asan̄autom fo ndi edidem ke itie David ete mi, ami nnyụn̄ ndi eyenọwọn̄.+ Ndien mfiọkke nte n̄kpọwọrọde ye nte n̄kpodụkde.+  Ndien asan̄autom fo odu ke ufọt ikọt fo emi afo emekde,+ kpa akwa udịmowo emi owo mîkemeke ndibat.+  Mbọk, nọ asan̄autom fo esịt n̄kopitem ndida n̄kpe ikpe+ ikọt fo, man ndiọn̄ọ eti ye idiọk;+ koro anie ekeme ndikpe ikpe+ ikọt fo emi ẹdide mbon itụn mi?”+ 10  Ndien n̄kpọ emi enem Jehovah esịt, koro Solomon eben̄ede n̄kpọ emi.+ 11  Ndien Abasi ọdọhọ enye ete: “Koro afo eben̄ede n̄kpọ emi mûnyụn̄ uben̄eke ediwak usen unọ idemfo, mûnyụn̄ uben̄eke inyene+ unọ idemfo, mûnyụn̄ uben̄eke ukpọn̄ mme asua fo, edi eben̄ede ifiọk ndikpe ikpe,+ 12  sese! nyanam ke uyo+ fo. Sese! Ami nyọnọ fi esịt ọniọn̄+ ye ifiọk, ndien baba owo kiet eke ebietde fi akanam idụhe, baba owo kiet eke edibietde fi idinyụn̄ idụhe.+ 13  Ndien n̄ko nyọnọ fi+ se afo mûben̄eke, oro edi, inyene+ ye ubọn̄, ndien baba owo kiet ke otu ndidem eke edibietde fi idinyụn̄ idụhe ke ofụri eyouwem fo.+ 14  Ndien edieke afo edisan̄ade ke usụn̄ mi ke ndinịm mme ewụhọ+ ye mme ibet mi, kpa nte David ete fo akasan̄ade,+ nyanam usen fo ebịghi.”+ 15  Ke ini Solomon edemerede,+ sese, emi ekedi ndap. Ekem enye edi Jerusalem edida ke iso ekebe+ ediomi Jehovah onyụn̄ awa edifọp uwa ye uwa ebuana+ onyụn̄ anam usọrọ+ ọnọ kpukpru mme asan̄autom esie.+ 16  Ekem iban akpara+ iba ẹdi ẹbịne edidem ẹnyụn̄ ẹdida enye ke iso.+ 17  Ndien kiet ke otu iban emi ọdọhọ ete: “Mbọk ọbọn̄ mi,+ ami ye n̄wan emi idụn̄ ufọk kiet, ekem mman eyen ke ini nnyịn idude kiet ke ufọk. 18  Edikem ke ọyọhọ usen ita ke mma n̄kaman eyen, n̄wan emi aman eyen n̄ko. Nnyịn inyụn̄ idu ọtọkiet. Esenowo ndomokiet ikodụhe ye nnyịn ke ufọk, baba owo kiet ikodụhe ke ufọk ibọhọke nnyịn mbiba. 19  Ekem, eyen oro n̄wan emi akamande akpa ke okoneyo, koro enye ekewerede ekefịk eyen emi. 20  Ndien enye adaha ada ke ufọt okoneyo emen eyen esie emi ama akakpa edidori mi ke ikpanesịt ke adan̄aemi ofụn an̄wan fo osụk edede idap, onyụn̄ emen eyen mi emi akanade mi ke n̄kan̄ okodori ke ikpanesịt esie. 21  Ke ini ndahade nda ke usenubọk ndinọ eyen mi eba,+ sese, enye ama akpa. Ntre mma ntịm nse enye ke usenubọk, ndien sese, idịghe eyen mi emi n̄kamande.” 22  Edi n̄wan enye eken ọdọhọ ete: “Ihih, odu-uwem eyen edi eyen mi, andikpa edi okwo!” Ke ofụri ini emi, n̄wan emi ke ọdọhọ ete: “Ihih, eyen fo edi andikpa, odu-uwem eyen edi okịm.” Ndien mmọ ẹsụk ẹfan̄a ntem ke iso edidem.+ 23  Ekem edidem ọdọhọ ete: “Enye emi ọdọhọ ete, ‘Odu-uwem edi eyen mi, andikpa edi okwo!’ enye oko ete, ‘Ihih, andikpa edi eyen fo, odu-uwem edi okịm!’” 24  Ndien edidem ọdọhọ ete:+ “Mbufo ẹda akan̄kan̄ ẹsọk mi.” Ntre mmọ ẹda akan̄kan̄ ẹsọk edidem. 25  Ndien edidem ọdọhọ ete: “Mbufo ẹbahade odu-uwem eyen ke itie iba, ẹnọ n̄wan kiet ubak kiet, ẹnyụn̄ ẹnọ enye eken ubak eken.” 26  Inikiet inikiet n̄wan emi enyenede odu-uwem eyen ọdọhọ edidem (koro mbọm+ eyen+ esie anamde enye) ete: “Mbọk+ ọbọn̄ mi! Mbufo ẹnọ enye odu-uwem eyen. Ẹkûwot enye.” Ofụri ini emi n̄wan enye eken ke ọdọhọ ete: “Enye ididịghe okịm idinyụn̄ idịghe okwo. Mbufo ẹbahade+ enye!” 27  Ntem edidem ọbọrọ onyụn̄ ọdọhọ ete: “Mbufo ẹnọ n̄wan emi odu-uwem eyen, ẹkûwot enye. Enye edi eka esie.” 28  Ndien ofụri Israel ẹkop ubiereikpe+ oro edidem ọkọnọde; ndien mmọ ẹbak edidem,+ koro mmọ ẹkụtde ke Abasi ama esịn enye ọniọn̄+ ke esịt ndida mbiere ikpe.

Mme Ikọ Idakisọn̄