Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Ndidem 21;1-29

21  Edikem ke mme n̄kpọ emi ẹma ẹkebe, Naboth eyen Jezreel enyene in̄wan̄ vine emi okodude ke Jezreel+ ekpere ufọk ubọn̄ Ahab edidem Samaria.  Ndien Ahab eneme ye Naboth, ete: “Nọ+ mi in̄wan̄ vine+ fo man nda nnam in̄wan̄+ ikọn̄udia+ mi, koro enye ekperede ufọk mi; ndien nyọnọ fi in̄wan̄ vine eke ọfọnde akan ke usiene. Mîdịghe, edieke amade,+ nyọnọ fi okụk ke ekọmurua esie.”  Edi Naboth ọbọrọ Ahab ete: “Nsa mi-o,+ koro mîfọnke Jehovah ke enyịn+ ami ndiyak udeme inyene mme ete ete mi nnọ fi.”+  Ntem Ahab ọnyọn̄ ufọk esie ke idiọkesịt ye ke mfụhọ ke ntak ikọ oro Naboth owo Jezreel ọbọrọde enye, ke emi enye ọkọdọhọde ete: “Ndinọhọ fi udeme inyene mme ete ete mi.” Ndien enye osụhọde ana ke n̄kpana esie onyụn̄ ọwọn̄ọde iso+ esie, enye inyụn̄ idiaha udia.  Ekem Jezebel+ n̄wan esie odụk etiene enye, okobụp enye ete: “Nso inam afo ofụhọde+ mûnyụn̄ udiaha udia?”  Ndien enye ọbọrọ ete: “Koro n̄kọdọhọde Naboth eyen Jezreel nte, ‘Nọ mi in̄wan̄ vine fo, man n̄kpe fi okụk. Mîdịghe, edieke amade, yak nnọ fi in̄wan̄ vine efen ke usiene.’ Edi enye ọbọrọ mi ete, ‘Ndinọhọ fi in̄wan̄ vine mi.’”+  Ndien Jezebel n̄wan esie ọdọhọ enye ete: “Ndi ntem ke afo akara Israel?+ Daha da, dia udia, yak esịt onyụn̄ enem fi. Ami nyọnọ fi in̄wan̄ vine Naboth eyen Jezreel.”+  Ndien n̄wan emi ewet mme leta+ ke enyịn̄ Ahab onyụn̄ ada ufịkn̄kpọ+ edidem efịk idiọn̄ọ, ndien ọnọ mme leta emi ẹsọk mbiowo+ ye ikpọ owo emi ẹdụn̄de obio kiet ye Naboth.  Ndien enye ewet ke mme leta oro ete:+ “Mbufo ẹdori utreudia, ẹnyụn̄ ẹnam Naboth etie ibuot ọnọ kpukpru owo. 10  Ndien mbufo ẹnam irenowo iba,+ kpa mbukpo+ owo ẹtie enye ke iso, yak mmọ ẹnyụn̄ ẹdori enye ikọ,+ ẹte, ‘Afo omosụn̄i Abasi ye edidem!’+ Ndien mbufo ẹsio enye ke an̄wa, ẹnyụn̄ ẹtọn̄ọ enye ke itiat ẹwot.”+ 11  Ntre irenowo obio esie, kpa mbiowo ye ikpọ owo emi ẹdụn̄de ke obio esie, ẹnam kpa nte Jezebel ekewetde ke mme leta oro enye ọkọnọde ẹsọk mmọ.+ 12  Mmọ ẹdori utreudia+ ẹnyụn̄ ẹnam Naboth etie ibuot ọnọ kpukpru owo. 13  Ndien mbukpo owo iba ẹdi ẹdisụhọde ẹtie enye ke iso; mbukpo owo oro ẹnyụn̄ ẹdori Naboth ikọ ke iso mbio obio, ẹte: “Naboth omosụn̄i Abasi ye edidem!”+ Ekem mmọ ẹda enye ẹwọrọ ẹka edem obio ẹketọn̄ọ enye ke itiat ẹwot.+ 14  Ndien mmọ ẹdọn̄ etop ẹnọ Jezebel, ẹte: “Ẹtọn̄ọ Naboth ke itiat ẹwot.”+ 15  Edikem ke ndondo oro Jezebel okopde ke ẹma ẹtọn̄ọ Naboth ke itiat ẹwot, Jezebel awara ọkọdọhọ Ahab ete: “Daha da, da in̄wan̄ vine Naboth eyen Jezreel+ nyene, emi enye ekesịnde ndinọ fi ke okụk; koro Naboth amakpa, idụhe aba ke uwem.” 16  Ndien ke ndondo oro Ahab okopde ke Naboth akpa, Ahab awara adaha osụhọde aka in̄wan̄ vine Naboth eyen Jezreel, man akada enye enyene.+ 17  Ndien uyo Jehovah+ esịm Elijah+ owo Tishbeh, ete: 18  “Daha ke enyọn̄, ka kosobo ye Ahab edidem Israel, emi odude ke Samaria.+ Enye mmọdo ke in̄wan̄ vine Naboth, emi enye osụhọrede aka ndida nnyene. 19  Ndien dọhọ enye ntem, ete, ‘Jehovah ọdọhọ ete: “Idịghe omowot+ omonyụn̄ ada enyene?”+ Nyụn̄ dọhọ enye ntem, ete, ‘Ntem ke Jehovah ọdọhọ, ete: “Ke ebiet+ emi mme ebua ẹkedeide iyịp Naboth, kpa do ke mme ebua ẹdidei iyịp fo n̄ko.”’”+ 20  Ndien Ahab ọdọhọ Elijah ete: “O asua mi, nte omoyom mi okụt?”+ enye onyụn̄ ọbọrọ ete: “Mmoyom fi n̄kụt. ‘Koro afo amanyam idemfo ọnọ ndinam se idiọkde ke enyịn Jehovah,+ 21  sese ami mmọn̄ nda afanikọn̄ ntiene fi;+ koro mmenditreke ndikpọri fi mfep+ nnyụn̄ nsịbe kpukpru irenowo+ mfep ke ufọk Ahab ọkọrọ ye usụhọde owo ye ikpîkpu owo ke Israel. 22  Ndien nyanam ufọk fo ebiet ufọk Jeroboam+ eyen Nebat ye ufọk Baasha+ eyen Ahijah, ke ntak idiọkn̄kpọ oro afo anamde edue mi onyụn̄ esịnde Israel ẹnam.’+ 23  Jehovah onyụn̄ ọdọhọ n̄ko aban̄a Jezebel ete, ‘Mme ebua ẹyeta Jezebel ke in̄wan̄ ke Jezreel.+ 24  Mme ebua ẹyeta owo ufọk Ahab ekededi eke akpade ke obio; mme inuen enyọn̄ ẹyenyụn̄ ẹta owo ekededi eke akpade ke ikọt.+ 25  Edi owo eke ebietde Ahab+ ikodụhe, emi akanyamde idem ntre ndinam se idiọkde ke enyịn Jehovah, emi n̄wan esie Jezebel+ ekesịnde nsọk+ ọnọ. 26  Enye onyụn̄ anam mbubiam n̄kpọ ke nditiene mbubiam mbiet+ kpa nte mme Amorite ẹkenamde, emi Jehovah ekebịnde osion̄o ke iso nditọ Israel.’”+ 27  Edikem ke ndondo oro Ahab okopde ikọ emi, enye awak ọfọn̄idem esie onyụn̄ esịne ọfọn̄ ntuan̄a+ ke idem; ndien enye etie utreudia onyụn̄ osụhọde ana ye ọfọn̄ ntuan̄a onyụn̄ asan̄a mfụhọ mfụhọ.+ 28  Ndien uyo Jehovah esịm Elijah owo Tishbeh, ete: 29  “Nte afo omokụt nte Ahab osụhọrede idem ke ntak mi?+ Sia enye osụhọrede idem ke ntak mi, ami ndidaha afanikọn̄ emi ndi ke eyo esie.+ Edi ndida afanikọn̄ emi ntiene ufọk esie ke eyo eyen esie.”+

Mme Ikọ Idakisọn̄