Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 20;1-43

20  Ndien Ben-hadad+ edidem Syria atan̄ ofụri udịmekọn̄ esie obon ọtọkiet, ndidem edịp ye duopeba ẹnyụn̄ ẹdu ye enye+ ye mme enan̄-mbakara+ ye mme chariot,+ ndien enye ọdọk aka Samaria+ akakan enye okụk+ onyụn̄ an̄wana ye enye.  Ekem enye ọdọn̄ mme isụn̄utom+ ọnọ Ahab edidem Israel ke obio oro. Ndien ọdọhọ enye ete: “Ntem ke Ben-hadad ọdọhọ,  ‘Silver fo ye gold fo ẹnyene mi, iban fo ye nditọiren fo, eke ẹyede ẹkan, ẹnyene mi.’”+  Ntem edidem Israel ọbọrọ ete: “Nyanam ke uyo fo, ọbọn̄ mi edidem, ami ye kpukpru se inyenede mi idi okwo.”+  Ekem mme isụn̄utom ẹfiak ẹdidọhọ ẹte: “Ntem ke Ben-hadad ọdọhọ ete, ‘Mma ndọn̄ ẹdidọhọ fi ẹte: “Nọ mi silver fo ye gold fo ye iban fo ye nditọiren fo.  Ndien n̄kpọn̄ adan̄aemi nyọdọn̄ mme asan̄autom mi utom ke ọtọ fo, mmọ ẹyenyụn̄ ẹtịm ẹdụn̄ọde ufọk fo ye ufọk mme asan̄autom fo; ndien mmọ ẹyetan̄ kpukpru se iyede+ fi ke enyịn ẹnyọn̄ọ.”’”  Ndien edidem Israel okot kpukpru mbiowo ke obio+ onyụn̄ ọdọhọ ete: “Mbọk, mbufo ẹfiọk, ẹnyụn̄ ẹse nte owo emi oyomde afanikọn̄;+ koro enye ọkọdọn̄de utom ke ọtọ mi oyom iban mi ye nditọiren mi ye silver ye gold mi, ndien ami n̄kesịnke enye.”  Ndien kpukpru mbiowo ye kpukpru owo ẹdọhọ enye ẹte: “Kûnam, kûnyụn̄ unyịme.”  Ntre enye ọdọhọ mme isụn̄utom Ben-hadad ete: “Mbufo ẹdọhọ ọbọn̄ mi edidem ẹte, ‘Nyanam kpukpru utom oro afo ọkọdọn̄de ọnọ mi ke akpa; edi amaedi n̄kpọ enye emi, ami ndikemeke ndinam.’” Ntem mme isụn̄utom oro ẹnyọn̄ọ ẹnyụn̄ ẹda ibọrọ ẹsọk enye. 10  Ndien Ben-hadad ọdọn̄ ẹkedọhọ enye ẹte: “Mme abasi+ ẹkpekam ẹnam ntem ye ami, ẹnyụn̄ ẹdọdiọn̄ ẹnam,+ edieke ntọn̄ Samaria ekemde se kpukpru mbon oro ẹsan̄ade ye ami ẹwobide ẹyọhọ ekaubọk!”+ 11  Ndien edidem Israel ọbọrọ ete: “Mbufo ẹdọhọ enye ẹte, ‘Yak enye emi ọbọbọde+ mbọbọ okûbụre mbụre nte enye emi atatde+ mbọbọ.’” 12  Edikem ke ndondo oro enye okopde ikọ emi, ke adan̄aemi enye osụk ọn̄wọn̄de mmịn+ ye ndidem ke ataya, enye ọsọsọp ọdọhọ mme asan̄autom esie ete: “Ẹben̄e idem!” Ndien mmọ ẹben̄e idem ndin̄wana ye obio oro. 13  Ndien sese! prọfet kiet edi edisobo ye Ahab edidem Israel+ onyụn̄ ọdọhọ ete: “Ntem ke Jehovah ọdọhọ,+ ‘Nte omokụt ofụri akwa otuowo emi? Sese ami mmọn̄ nyak mmọ nsịn fi ke ubọk mfịn emi, ndien afo ọyọfiọk ete ke ami ndi Jehovah.’”+ 14  Ndien Ahab obụp ete: “Anie ke Jehovah edida anam emi?” ndien enye ọbọrọ ete: “Ntem ke Jehovah ọdọhọ, ‘Ndida n̄kparawa mbọn̄ ikpehe obio ukara nnam.’” Ekem enye obụp ete: “Anie editọn̄ọ ekọn̄?” ndien enye ọbọrọ ete: “Afo!” 15  Ndien enye abat n̄kparawa mbọn̄ ikpehe obio ukara, ndien mmọ ẹdi owo ikie iba ye edịp ye duopeba;+ ndien ke ama akabat mmọ enye abat kpukpru nditọ Israel, kpa kpukpru mbonekọn̄, owo tọsịn itiaba. 16  Ekem mmọ ẹwọn̄ọ ke ufọt uwemeyo ke adan̄aemi Ben-hadad osụk akpade mmịn+ ke ataya, enye ye ndidem esie, kpa ndidem edịp ye duopeba emi ẹn̄wamde enye. 17  Ke ini n̄kparawa+ mbọn̄ ikpehe obio ukara ẹbemde iso ẹwọn̄ọ, Ben-hadad ọsọsọp osio mme owo ọdọn̄; ndien mmọ ẹdi ẹdidọhọ ẹte: “Mme owo ẹmeto Samaria ẹwọn̄ọ ẹdi.” 18  Ntem enye ọdọhọ ete: “Edide mmọ ẹdi ke emem, mbufo ẹmụm mmọ ye uwem; onyụn̄ edide mmọ ẹdi ekọn̄, mbufo ẹmụm mmọ ye uwem.”+ 19  Ndien mmọ emi ẹdi mbon emi ẹketode obio ẹwọn̄ọ ẹdi, kpa n̄kparawa mbọn̄ ikpehe obio ukara ye udịmekọn̄ oro ẹdude mmọ ke edem. 20  Ndien mmọ ẹwot mmọ kiet kiet; ndien mbon Syria+ ẹfen̄e,+ nditọ Israel ẹnyụn̄ ẹbịne mmọ, edi Ben-hadad edidem Syria odoro ke enan̄-mbakara efehe ye mme awat enan̄-mbakara. 21  Edi edidem Israel ọwọrọ okowot mme enan̄-mbakara onyụn̄ asuan mme chariot,+ enye onyụn̄ owot mbon Syria ọkwọkudịm. 22  Ekem prọfet+ oro edi edisobo ye edidem Israel onyụn̄ ọdọhọ enye ete: “Ka kọdọn̄ idem,+ tịm fiọk nyụn̄ kere se afo edinamde;+ koro edidem Syria ọmọn̄ ọdọk edi ekọn̄ ye afo ini ntem isua efen.”+ 23  Ndien mme asan̄autom edidem Syria ẹdọhọ enye ẹte: “Abasi mmọ edi Abasi obot.+ Ntak edi oro mmọ ẹkopde odudu ẹkan nnyịn. Ntre ẹyak nnyịn in̄wana ye mmọ ke unaisọn̄ ise m̀mê nnyịn idikopke odudu ikan mmọ. 24  Ndien nam n̄kpọ emi: Sion̄o ndidem+ kiet kiet fep ke itie mmọ nyụn̄ nịm mme andikara ke itie mmọ.+ 25  Afo nyụn̄ bat mbonekọn̄ nọ idemfo man ekekem ye ibat mbonekọn̄ fo emi ẹkeduọn̄ọde, enan̄-mbakara ke enan̄-mbakara ye chariot ke chariot; ẹyak nnyịn inyụn̄ in̄wana ye mmọ ke unaisọn̄ ise m̀mê nnyịn idikopke odudu ikan mmọ.”+ Ndien enye okop uyo mmọ onyụn̄ anam kpa ntre. 26  Edikem ke ini oro isua en̄wen, Ben-hadad anam mbonekọn̄ Syria+ ẹsop idem ọtọkiet onyụn̄ ọdọk aka Aphek+ ndin̄wana ekọn̄ ye Israel. 27  Ndien ẹnam nditọ Israel ẹsop idem ọtọkiet ẹnyụn̄ ẹnọ mmọ udia+ ekọn̄, mmọ ẹnyụn̄ ẹwọn̄ọ ẹkesobo ye mmọ; ndien nditọ Israel ẹnam nna ke iso mmọ nte n̄kpri otu ebot iba, ke adan̄aemi mbon Syria ẹyọhọde isọn̄.+ 28  Ndien owo ata Abasi+ edi edisobo ye edidem Israel onyụn̄ ọdọhọ ete: “Ntem ke Jehovah ọdọhọ ete, ‘Sia mbon Syria ẹdọhọde ẹte: “Jehovah edi Abasi obot, enye idịghe Abasi unaisọn̄ itịghede,” ami mmọn̄ nda akwa otuowo emi nsịn fi ke ubọk,+ ndien mbufo ẹyefiọk ẹte ke ami ndi Jehovah.’”+ 29  Ndien mmọ ẹnam nna do usen itiaba ke iso mbon emi.+ Edikem ke ọyọhọ usen itiaba mmọ ẹtọn̄ọ ekọn̄; ndien nditọ Israel ẹwot mbon Syria, owo tọsịn ikie emi ẹsan̄ade ke ukot, ke usen kiet. 30  Ndien mbon oro ẹsụhọde ẹfen̄e ẹka obio Aphek;+ ndien mme ibibene obio oro ẹduọn̄ọ ẹtọ owo tọsịn edịp ye itiaba oro ẹkesụhọde.+ Edi Ben-hadad efehe+ aka obio okodụk ata esịt esịt+ ubet. 31  Ndien mme asan̄autom esie ẹdọhọ enye ẹte: “Sese nnyịn imokop ke ndidem ufọk Israel ẹdi ndidem emi ẹsiwụtde ima-mfọnido.+ Mbọk, ẹyak nnyịn ikụne ọfọn̄ ntuan̄a+ ke isịn+ inyụn̄ itebe urụk ke ibuot, ika ibịne edidem Israel. Eyedi enye eyenịm ukpọn̄ fo uwem.”+ 32  Ntem mmọ ẹkụne ọfọn̄ ntuan̄a ke isịn, ẹnyụn̄ ẹtebe urụk ke ibuot, ndien ẹdi ke ọtọ edidem Israel ẹdidọhọ ẹte: “Ben-hadad asan̄autom fo ọdọhọ ete, ‘Mbọk, nịm ukpọn̄ mi uwem.’” Ntem enye ọdọhọ ete: “Ndi enye ke osụk ododu ke uwem? Enye edi eyenete mi.” 33  Ntre iren+ oro ẹda emi nte eti idiọn̄ọ ẹnyụn̄ ẹsọsọp ẹbat ke emi edi ubiere edidem, ndien mmọ ẹdọhọ ẹte: “Ben-hadad edi eyenete fo.” Ntem enye ọdọhọ ete: “Ẹda enye ẹdi.” Ndien Ben-hadad ọwọrọ etiene enye; kpa idaha oro enye anam enye ọdọk etie ke chariot.+ 34  Ndien Ben-hadad ọdọhọ enye ete: “Mmọn̄ n̄kpọn̄ kpukpru mme obio+ oro ete mi ọkọbọde ete fo nnọ fi; afo oyonyụn̄ emek mme efak ọnọ idemfo ke Damascus kpa nte ete mi ekemekde ke Samaria.” “Ami mmọn̄ nnam ediomi+ ye afo nnyụn̄ nyak fi ọnyọn̄.” Ntre enye anam ediomi ye enye onyụn̄ ayak enye ọnyọn̄. 35  Ndien owo kiet ke otu nditọ mme prọfet+ ọdọhọ ufan esie ke uyo+ Jehovah ete: “Mbọk, yịbi mi.” Edi owo emi esịn ndiyịbi enye. 36  Ntre enye ọdọhọ enye ete: “Sia afo mûkokopke uyo Jehovah, ke afo adahade ọkpọn̄ mi, ekpe oyowot fi.” Ekem enye adaha ọkpọn̄ enye, ndien ekpe+ okụt enye onyụn̄ owot enye.+ 37  Ndien enye okụt owo efen onyụn̄ ọdọhọ ete: “Mbọk yịbi mi.” Ntre owo oro eyịbi enye tutu ọnọ enye unan. 38  Ndien prọfet oro aka akada ke usụn̄ ebet edidem, okpụhọ idem+ anam nte idi owo efen onyụn̄ ada ubọpn̄kpọ ọbọp enyịn. 39  Edikem ke ini edidem edide ndibe, enye ofiori okot edidem onyụn̄ ọdọhọ ete:+ “Ami asan̄autom fo n̄kodụk ebiet emi ekọn̄ ọsọn̄de; ndien sese! eren kiet ọkpọn̄ iso ekọn̄, ada eren kiet ọsọk mi ete, ‘Kpeme owo emi. Edieke enye efehede, ẹyeda ukpọn̄ fo+ ke itie ukpọn̄ esie,+ mîdịghe ntre afo eyekpe+ talent silver kiet.’ 40  Edikem nte asan̄autom fo osụk edide aka mi aka ko, sese, owo oro efehe.” Ndien edidem Israel ọdọhọ enye ete: “Ntem ke ubiereikpe fo onyụn̄ edi. Afo emebebiere.”+ 41  Ntem enye ọsọsọp atat ubọpn̄kpọ oro ke enyịn, ndien edidem Israel ọdiọn̄ọ enye, ete ke enye edi kiet ke otu mme prọfet.+ 42  Enye onyụn̄ ọdọhọ enye ete: “Ntem ke Jehovah ọdọhọ ete, ‘Sia afo ayakde owo emi akanade ẹsobo+ ọwọrọ fi ke ubọk ọnyọn̄, ukpọn̄ fo ayaka ke itie ukpọn̄ esie,+ ikọt fo ẹyenyụn̄ ẹka ke itie ikọt esie.’”+ 43  Ntem edidem Israel ọnyọn̄ ufọk esie ke Samaria,+ ke idiọkesịt ye ke mfụhọ.+

Mme Ikọ Idakisọn̄