Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 2;1-46

2  Ekem usen n̄kpa+ David asan̄a ekpere; ndien enye owụk Solomon eyen esie, ete:  “Ami mmọn̄ n̄ka usụn̄ ofụri ererimbot,+ ndien ana afo okop odudu+ onyụn̄ anam n̄kpọ nte erenowo.+  Afo nyụn̄ nam n̄kpọ Jehovah Abasi fo ke ndisan̄a ke usụn̄ esie,+ ke ndinịm mme ewụhọ esie ye mme ibet esie ye mme ubiereikpe+ esie ye mme ikọ ntiense esie, kpa nte ẹwetde ke ibet Moses,+ man afo akpada eti ibuot anam n̄kpọ ke kpukpru se afo anamde ye ke kpukpru ebiet emi afo akade;  man Jehovah akpanam ikọ esie emi enye eketịn̄de aban̄a mi,+ ete, ‘Edieke nditọ+ fo ẹdikpemede usụn̄ mmọ ke ndisan̄a+ ke iso mi ke akpanikọ+ ye ke ofụri esịt+ mmọ, ye ke ofụri ukpọn̄ mmọ, owo idisịbeke owo emi otode ubon fo ifep ke ebekpo Israel.’+  “Afo emetịm ọfiọk se Joab eyen Zeruiah akanamde mi,+ ke se enye akanamde mme etubom udịmekọn̄ Israel iba, Abner+ eyen Ner ye Amasa+ eyen Jether,+ ke ini enye okowotde mmọ onyụn̄ ọduọkde iyịp+ ke ini emem, kpa iyịp oro ẹkpekeduọkde ke ini ekọn̄, onyụn̄ eyetde iyịp ekọn̄ ke ubọpisịn esie ye ke ikpaukot esie.  Ndien da ọniọn̄+ nam n̄kpọ, kûnyụn̄ uyak iwat esie osụhọde ke Udi*+ ke emem.+  “Edi wụt nditọ Barzillai+ owo Gilead ima-mfọnido, nyụn̄ yak mmọ ẹsịne ke otu mbon oro ẹdiade udia ke okpokoro fo;+ koro ntem ke mmọ ẹketiene+ mi ke ini n̄kefehede man mbọhọ Absalom eyenete fo.+  “Ndien sese Shimei+ eyen Gera, owo Benjamin emi otode Bahurim+ mmọdo ye afo, ndien enye ama osụn̄i mi ata idiọk isụn̄i+ ke usen oro n̄kakade Mahanaim;+ enye ama onyụn̄ edi edisobo ye ami ke Jordan,+ ndien mma nda enyịn̄ Jehovah n̄n̄wọn̄ọ nnọ enye nte, ‘Ndiwotke fi ke akan̄kan̄.’+  Ndien, ke emi, kûtre+ ndinọ enye ufen, koro afo edide owo ọniọn̄+ omonyụn̄ ọfiọk se akpanamde enye, afo nyụn̄ nam iwat+ esie osụhọde ke Udi* ye iyịp.”+ 10  Ekem David osụhọde ana ye mme ete ete+ esie ẹnyụn̄ ẹbụk enye ke Obio David.+ 11  Ndien David akakara Israel isua aba.+ Akakara isua itiaba+ ke Hebron+ onyụn̄ akara isua edịp ye duopeta+ ke Jerusalem. 12  Ndien Solomon osụhọde etie ke ebekpo David ete esie;+ ndien itie edidem esie ọsọn̄ọ ada.+ 13  Ekem Adonijah eyen Haggith edi ke ọtọ Bath-sheba,+ eka Solomon. Ndien eka Solomon obụp ete: “Nte afo edi ke emem?”+ Ndien enye ọbọrọ ete: “Ih, ndi ke emem.” 14  Ndien Adonijah ọdọhọ ete: “Enyene se nyomde nditịn̄ ye afo.” Ntre enye ọdọhọ ete: “Tịn̄.”+ 15  Ndien enye ọdọhọ ete: “Afo emetịm ọfiọk ete ke itie edidem ekpekenyene mi, ye nte ke ofụri Israel ẹkewụk enyịn ẹse mi ẹte ndi edidem;+ edi itie edidem ama ọwọn̄ọde ebịne eyenete mi, koro edi Jehovah akanam itie edidem emi akabade edi esie.+ 16  Ndien, ke emi, enyene n̄kpọ kiet emi mben̄ede fi. Kûsịn mi.”+ Ntem enye ọdọhọ enye ete: “Tịn̄.” 17  Ndien enye ọdọhọ ete: “Mbọk, dọhọ Edidem Solomon (koro enye mîdisịnke fi) ete enye emen Abishag+ eyenan̄wan Shunem+ ọnọ mi ndọ.” 18  Ntem Bath-sheba ọdọhọ ete: “Ọfọn! Ami nyeneme ye edidem ke ibuot fo.” 19  Ntre Bath-sheba odụk edi ke ọtọ Edidem Solomon nditịn̄ ikọ ye enye ke ibuot Adonijah.+ Ke ndondo oro, edidem adaha+ ke enyọn̄ okosobo ye enye onyụn̄ onụhọ ọnọ enye.+ Ekem enye osụhọde etie ke ebekpo esie onyụn̄ anam ẹdiọk ebekpo ẹnọ eka esie, man eka esie etie enye ke ubọk nnasia.+ 20  Ndien eka esie ọdọhọ ete: “Enyene ekpri eben̄e emi nyomde ndiben̄e fi. Kûsịn mi.” Ntre edidem ọdọhọ enye ete: “Eka mi, ben̄e; koro mmendisịnke fi.” 21  Ndien enye ọdọhọ ete: “Yak ẹmen Abishag eyenan̄wan Shunem ẹnọ Adonijah eyenete fo ọdọ.” 22  Ntem Edidem Solomon ọbọrọ eka esie ete: “Nso inam afo eben̄ede Abishag eyenan̄wan Shunem kpọt ọnọ Adonijah? Kam ben̄e n̄ko itie edidem+ nọ enye (koro enye edide eyenete mi emi ọsọn̄ọde mi),+ ben̄e nọ enye ye Abiathar+ oku ye Joab+ eyen Zeruiah.”+ 23  Ntem Edidem Solomon ada enyịn̄ Jehovah ọn̄wọn̄ọ ete: “Yak Abasi anam ntem ye ami onyụn̄ ọdọdiọn̄ anam,+ edieke mîdịghe ukpọn̄ esie ke Adonijah esịn oro ke itiendịk ke enye nditịn̄ ikọ emi.+ 24  Ndien, ke emi, ma uwem Jehovah+ emi ọkọsọn̄ọde owụk mi+ onyụn̄ emende mi odori ke ebekpo David ete mi,+ emi okonyụn̄ ọbọpde ufọk+ ọnọ mi kpa nte enye ọkọdọhọde,+ Adonijah ọmọn̄ akpa+ mfịn emi.” 25  Inikiet inikiet Edidem Solomon osio Benaiah+ eyen Jehoiada ọdọn̄; ndien enye aka ekekịm enye owot.+ 26  Ndien edidem ọdọhọ Abiathar+ oku ete: “Nyọn̄ ka in̄wan̄ fo ke Anathoth!+ Koro afo omodot n̄kpa;+ edi ndiwotke fi mfịn emi, koro afo okobiomde ekebe Jehovah+ Akakan Ọbọn̄ Andikara ebem David ete+ mi iso, koro afo okonyụn̄ okụtde ukụt ke ofụri ini oro ete mi okokụtde ukụt.”+ 27  Ntre Solomon osio Abiathar efep ke itie oku Jehovah, man osu ikọ oro Jehovah eketịn̄de aban̄a ufọk Eli+ ke Shiloh.+ 28  Ekem etop edisịm Joab+—koro Joab ọkọwọn̄ọrede etiene Adonijah,+ okposụkedi enye mîketieneke+ Absalom—ndien Joab efehe aka tent+ Jehovah okomụm nnụk itieuwa.+ 29  Ndien ẹsian Edidem Solomon ẹte: “Joab efehe aka tent Jehovah, enye onyụn̄ odu ke mben itieuwa.” Ntre Solomon ọdọn̄ Benaiah eyen Jehoiada, ete: “Ka kekịm enye wot!”+ 30  Ntre Benaiah edi tent Jehovah edidọhọ Joab ete: “Ntem ke edidem ọdọhọ, ‘Wọrọ di!’” Edi enye ọbọrọ ete: “N̄wọrọke! Yak n̄kpa mi.”+ Ntem Benaiah emen ikọ emi eketịn̄ ọnọ edidem ete: “Ntem ke Joab ọdọhọ, ntem ke enye onyụn̄ ọbọrọ mi.” 31  Ndien edidem ọdọhọ enye ete: “Nam kpa nte enye ọdọhọde nyụn̄ kịm enye wot; ndien bụk enye nyụn̄ nam iyịp+ oro Joab ọkọduọkde+ nte mîdotke akabade ọkpọn̄ mi ye ufọk ete mi. 32  Jehovah oyonyụn̄ anam iyịp esie ọkọbọ+ enye, koro enye okowotde iren iba emi ẹkenende ẹnyụn̄ ẹfọnde ẹkan enye,+ enye okonyụn̄ owot mmọ ke akan̄kan̄, ke ini David ete mi mîkọdiọn̄ọke iban̄a,+ oro edi, Abner+ eyen Ner kpa etubom udịmekọn̄ Israel+ ye Amasa+ eyen Jether kpa etubom udịmekọn̄ Judah.+ 33  Iyịp mmọ ọyọkọbọ Joab ye nditọ esie ke nsinsi;+ edi David+ ye nditọ esie ye ufọk esie ẹyenyene emem emi otode Jehovah ke nsinsi.”+ 34  Ndien Benaiah eyen Jehoiada ọdọk+ ekekịm enye owot;+ ndien ẹmen enye ẹkebụk ke ufọk esie ke wilderness. 35  Ekem edidem enịm Benaiah+ eyen Jehoiada ke etubom udịmekọn̄+ ke itie Joab; edidem onyụn̄ enịm Zadok oku ke itie Abiathar.+ 36  Ekem edidem ọdọn̄ ẹkekot Shimei+ onyụn̄ ọdọhọ enye ete: “Bọp ufọk nọ idemfo ke Jerusalem, nyụn̄ dụn̄ do, kûnyụn̄ uto do uwọrọ uka mi m̀mê ko. 37  Ndien ama ekem ke usen eke afo ediwọrọde edinyụn̄ ebede itịghede mmọn̄ Kidron,+ fiọk ete ke afo udutreke ndikpa.+ Iyịp fo ọyọkọbọ+ fi.” 38  Ntre Shimei ọdọhọ edidem ete: “Ikọ emi ọfọn. Asan̄autom fo ayanam kpa nte ọbọn̄ mi edidem ọdọhọde.” Ndien Shimei odụn̄ ke Jerusalem ke ediwak usen. 39  Edikem ke utịt isua ita, ifịn+ Shimei iba ẹfehe ẹka ọtọ Achish+ eyen Maacah edidem Gath;+ ndien mme owo ẹditịn̄ ẹnọ Shimei ẹte: “Sese! Ifịn fo mmọdo ke Gath.” 40  Inikiet inikiet Shimei adaha ke enyọn̄ ọbọp ifịm ke edem ass esie onyụn̄ adaha aka ọtọ Achish ke Gath ndikoyom ifịn esie; ntre ke Shimei aka akada ifịn esie ke Gath ọnyọn̄ edi. 41  Ekem, ẹtịn̄ ẹnọ Solomon ẹte: “Shimei ama ọwọrọ ke Jerusalem aka Gath, onyụn̄ ọnyọn̄ edi.” 42  Ntem edidem ọdọn̄ ẹkekot+ Shimei onyụn̄ ọdọhọ enye ete: “Ndi n̄kanamke fi ada un̄wọn̄ọ ke enyịn̄ Jehovah, ndi n̄konyụn̄ n̄wụkke+ fi nte, ‘Ke usen eke afo ediwọrọde an̄wa edinyụn̄ akade mi m̀mê ko, fiọk ete ke afo udutreke ndikpa,’ ndien ndi afo ukọbọrọke mi ute, ‘Ikọ emi ami n̄kopde ọfọn’?+ 43  Ndien, ntak emi afo mûnamke un̄wọn̄ọ oro ọkọn̄wọn̄ọde ke iso Jehovah+ ye ewụhọ oro n̄kowụkde fi?”+ 44  Ndien edidem ọdọhọ Shimei ete: “Afo emetịm ọfiọk ke esịt fo kpukpru idiọk emi afo akanamde David ete+ mi; ndien Jehovah ayada idiọkido fo odori fi ke ibuot.+ 45  Edi, ẹyediọn̄+ Edidem Solomon, ndien ebekpo David ọyọsọn̄ọ ada ke iso Jehovah ke nsinsi.”+ 46  Ntem edidem owụk Benaiah eyen Jehoiada, ndien enye ọwọrọ ekekịm enye owot.+ Ndien itie ubọn̄ Solomon ọsọn̄ọ ada.+

Mme Ikọ Idakisọn̄

Heb., “Sheol.” Se N̄w. Ik. 5.
Heb., “Sheol.”