Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 19;1-21

19  Ekem Ahab+ emen kpukpru se Elijah akanamde ye nte enye okowotde kpukpru mme prọfet ke akan̄kan̄+ etịn̄ ọnọ Jezebel.+  Ntem Jezebel ọdọn̄ isụn̄utom ọnọ Elijah, ete: “Mme abasi ẹkpekam ẹnam ntem,+ ẹnyụn̄ ẹdọdiọn̄ ẹnam,+ edieke n̄kpọn̄ adan̄aemi ami mmendinamke ukpọn̄ fo etie nte ukpọn̄ mmọ kiet kiet!”  Ndien idem enyek enye. Ntem enye adaha efehe man anyan̄a ukpọn̄+ esiemmọ onyụn̄ edisịm Beer-sheba+ emi enyenede Judah.+ Ndien enye ọkpọn̄ asan̄autom esie do.  Enye onyụn̄ ada usen kiet asan̄a ekesịm wilderness, ekem enye edi edisụhọde etie ke idak eto ndiyan̄+ kiet. Ndien enye eben̄e ete ukpọn̄ imọ akpa onyụn̄ ọdọhọ ete: “Ekem ndien! O Jehovah, bọ mi ukpọn̄+ mi, koro ami mmemfọnke n̄kan mme ete ete mi.”  Ekem enye osụhọde ana ede ke idak eto ndiyan̄+ oro. Ndien, sese! angel+ kiet otụk+ enye. Angel oro onyụn̄ ọdọhọ enye ete: “Daha da, dia udia.”  Ke ini enye esede, enye okụt ekara uyo+ odorode ke ebok ufiop itiat, ye mmọn̄ ke aban̄, ke ebiet emi enye enịmde ibuot. Ndien enye adia n̄kpọ onyụn̄ ọn̄wọn̄ mmọn̄, ekem ọtọn̄ọ ntak osụhọde anana.  Ekem angel+ Jehovah oro afiak edi ọyọhọ utịm ikaba editụk enye onyụn̄ ọdọhọ ete: “Daha da, dia udia, koro usụn̄ isan̄ emi oyomde akan fi.”+  Ntre enye adaha ada, adia udia onyụn̄ ọn̄wọn̄ mmọn̄, enye onyụn̄ ada odudu udia oro asan̄a uwemeyo aba+ ye okoneyo aba, tutu ekesịm Horeb,+ kpa obot ata Abasi.  Ndien enye odụk abaitiat+ man adan̄ do ke okoneyo oro; ndien sese! uyo Jehovah esịm enye do, ete: “Elijah,+ afo anam nso mi?” 10  Ntem enye ọbọrọ ete: “Mmenen̄ede mfịbe ufụp+ etieti nnọ Jehovah Abasi mme udịm; koro nditọ Israel ẹmekpọn̄ ediomi fo,+ mmọ ẹmewụri+ mme itieuwa fo, ẹmenyụn̄ ẹwot mme prọfet fo ke akan̄kan̄,+ ndien ami ikpọn̄ nsụhọ;+ ndien mmọ ke ẹyom ndida ukpọn̄ mi.”+ 11  Edi, enye ọdọhọ ete: “Wọrọ ka kada ke obot ke iso Jehovah.”+ Ndien sese! Jehovah asan̄a ebe,+ ndien ọkpọsọn̄ ofụm asiak mme obot onyụn̄ obom ikpọ itiat ke iso Jehovah.+ (Jehovah ikodụhe ke ofụm oro.) Ndien ke ofụm ofụmede ama, unyekisọn̄+ etịbe. (Jehovah ikodụhe ke unyekisọn̄ oro.) 12  Ndien ke unyekisọn̄ ama ekebe ikan̄+ edi. (Jehovah ikodụhe ke ikan̄ oro.) Ndien ke ikan̄ ebede, ẹkop sụn̄sụn̄ ekpri uyo.+ 13  Edikem ke ndondo oro Elijah okopde uyo emi, enye ọsọsọp ada ọfọn̄+ prọfet esie awan̄ ke iso ọwọrọ akada ke inua abaitiat oro; ndien sese! uyo esịm enye ete: “Elijah, nso idi mbubehe fo mi?”+ 14  Ntem enye ọdọhọ ete: “Mmenen̄ede mfịbe ufụp nnọ Jehovah Abasi mme udịm; koro nditọ Israel ẹmekpọn̄ ediomi+ fo, mmọ ẹmewụri mme itieuwa fo, ẹmenyụn̄ ẹwot mme prọfet fo ke akan̄kan̄, ndien ami ikpọn̄ nsụhọ; ndien mmọ ke ẹyom ndida ukpọn̄ mi.”+ 15  Ndien Jehovah ọdọhọ enye ete: “Fiak san̄a usụn̄ wilderness Damascus;+ ndien dụk da aran keyet+ Hazael+ nte edidem Syria. 16  Afo nyụn̄ yet Jehu+ eyeyen Nimshi+ aran nte edidem Israel; ndien yet Elisha+ eyen Shaphat emi otode Abel-meholah+ aran nte prọfet ndida itie fo.+ 17  Ndien ama ekem Jehu oyowot+ owo eke edifehede ọbọhọ akan̄kan̄+ Hazael; Elisha oyonyụn̄ owot+ owo eke edifehede ọbọhọ akan̄kan̄ Jehu. 18  Ndien mmayak owo tọsịn itiaba ẹsụhọ ke Israel,+ kpa kpukpru ẹdọn̄ emi mîtọn̄ọke inọ Baal,+ ye kpukpru owo eke mîtịmke enye inua.”+ 19  Ntre enye oto do aka okokụt Elisha eyen Shaphat nte osụk ofụn̄de isọn̄,+ nyara enan̄ iba iba ke itie duopeba ẹnyụn̄ ẹbem enye iso, ndien enye asan̄a ye ọyọhọ duopeba. Ntem Elijah ebe ekesịm enye onyụn̄ ada otop ọfọn̄ prọfet+ esie ofụk enye. 20  Ndien enye ọkpọn̄ nyara enan̄ oro onyụn̄ efehe etiene Elijah ọkọdọhọ ete: “Mbọk, yak n̄ka n̄ketịm ete mi ye eka mi inua.+ Ekem nyedi ntiene fi.” Ntem enye ọdọhọ ete: “Ka nyụn̄ fiak di, koro nso ikpanam n̄kpan fi?” 21  Ntre enye etre nditiene enye onyụn̄ aka akada nyara enan̄ iba owot onyụn̄ awa+ mmọ, ndien ada n̄kpọutom+ enan̄ oro abara ikan̄ etem unam emi onyụn̄ ayak ọnọ mme owo, ndien mmọ ẹta. Ekem enye adaha ke enyọn̄ etiene Elijah onyụn̄ ọtọn̄ọ ndisan̄a utom+ nnọ enye.

Mme Ikọ Idakisọn̄