Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 14;1-31

14  Ke ini oro Abijah eyen Jeroboam ọduọ udọn̄ọ.+  Ntre Jeroboam ọdọhọ n̄wan esie ete: “Mbọk, daha ke enyọn̄, kpụhọ idem+ mbak owo edidiọn̄ọ ke afo edi n̄wan Jeroboam, nyụn̄ ka Shiloh. Sese! Prọfet Ahijah+ odu do. Edi enye eketịn̄ ọnọ mi ete ke ami nyakabade ndi edidem mbon emi.+  Ndien kama ebok uyo+ duop ke ubọk ye edisan̄ uyo eke ẹwaride n̄kpọ nyụn̄ kama ekpeme+ aranọkwọk, ndien dụk bịne enye.+ Enye eyetịn̄ ọnọ fi se iditịbede inọ eyen emi.”+  Ndien n̄wan Jeroboam anam kpasụk ntre. Mmọdo enye adaha aka Shiloh+ onyụn̄ ekesịm ufọk Ahijah. Ahijah ikekwe usụn̄ aba sia enyịn ama ekekịm enye ke ntak usọn̄.+  Ndien Jehovah ọdọhọ Ahijah ete: “Sese, n̄wan Jeroboam ọmọn̄ edibụp fi aban̄a eyeneren esie; koro eyeneren esie ọdọdọn̄ọ. Afo edidọhọ enye ntem ye ntem. Ndien ke ndondo oro enye edide edisịm, enye ayanam nte idi owo en̄wen.”+  Edikem ke ndondo oro Ahijah okopde ntịm ikpat esie nte enye asan̄ade edi ke inuaotop, enye ọdọhọ ete: “N̄wan Jeroboam,+ dụk di. Ntak emi afo anamde nte idi owo en̄wen ke adan̄aemi ẹdọn̄de mi ọkpọsọn̄ etop ẹnọ fi?  Ka, kọdọhọ Jeroboam ete, ‘Ntem ke Jehovah Abasi Israel ọdọhọ ete: “Koro n̄kanamde fi adaha ada ke otu ikọt fo, man nnam fi edi andida ikọt mi Israel usụn̄,+  n̄konyụn̄ mbọde+ ufọk David ubọn̄ nnọ fi, ndien afo utiehe nte David asan̄autom mi, emi ekenịmde mme ewụhọ mi okonyụn̄ asan̄ade ye ami ke ofụri esịt ke ndinam sụk se inende mi ke enyịn,+  edi afo anam ọdiọk akan kpukpru mbon oro ẹkebemde fi iso ẹdu, omonyụn̄ aka akanam abasi efen+ ye editara mbiet+ ọnọ idemfo man ayat mi esịt,+ ndien edi ami ke afo osio oro ọduọk ke edem;+ 10  ke ntak oro sese mmọn̄ nda afanikọn̄ ntiene ufọk Jeroboam, ndien nditreke ndisịbe kpukpru irenowo+ mfep ke ufọk Jeroboam ọkọrọ ye usụhọde owo ye ikpîkpu owo ke Israel;+ ndien ami nyọkpọri ufọk Jeroboam+ ofụri ofụri kpa nte owo ọkpọride ifuọ ufene ọduọn̄ọ.+ 11  Mme ebua ẹyeta+ owo ufọk Jeroboam ekededi eke akpade ke obio; mme inuen enyọn̄ ẹyenyụn̄ ẹta+ owo ekededi eke akpade ke ikọt, koro edi Jehovah ọdọhọ.”’ 12  “Daha ke enyọn̄ nyọn̄ ufọk fo. Ke ndondo oro ikpat fo odụkde obio, eyen oro ayakpa. 13  Ndien ofụri Israel ẹyetuan̄a enye+ ẹnyụn̄ ẹmen enye ẹbụk, koro enye edi n̄kukụre owo ke ufọk Jeroboam eke ẹdibụkde ke udi; koro Jehovah Abasi Israel okụtde enye eti n̄kpọ ke esịt ke ufọk Jeroboam.+ 14  Ndien Jehovah ayanam edidem+ adaha ada akara Israel, emi edisịbede ufọk Jeroboam efep kpa ke usen oro, ndien nso edieke enye anamde oro idem idahaemi?+ 15  Ndien Jehovah ayanam Israel ẹduọn̄ọ, kpa nte nnyanyan̄a oro mmọn̄ enyen̄ede;+ enye eyedịbede+ Israel osio ke eti isọn̄+ emi enye ọkọnọde mme ete ete mmọ, enye oyonyụn̄ asuan+ mmọ ebe Akpa+ emi, ke ntak emi mmọ ẹkenamde mme eto utuakibuot,+ ntre ẹyatde+ Jehovah esịt. 16  Ndien enye ayayak Israel ọnọ+ ke ntak idiọkn̄kpọ emi Jeroboam akanamde onyụn̄ esịnde Israel ẹnam.”+ 17  Ntem n̄wan Jeroboam adaha ọnyọn̄ edisịm Tirzah.+ Enye ndisụk ndodori ikpat ke asan̄udọk ufọk, eyen oro akpa. 18  Ntre mmọ ẹbụk enye, ndien ofụri Israel ẹtuan̄a enye, kpa nte Jehovah akadade prọfet Ahijah asan̄autom esie etịn̄. 19  Ndien amaedi mme n̄kpọ en̄wen emi ẹban̄ade Jeroboam, nte enye akan̄wanade ekọn̄+ ye nte enye akakarade, ẹwet mmọ ẹsịn ke n̄wed+ n̄kpọntịbe eyo ndidem Israel. 20  Ndien Jeroboam akara ke isua edịp ye iba, ekem enye osụhọde ana ye mme ete ete esie;+ ndien Nadab+ eyen esie akara ke itie esie. 21  Edi Rehoboam+ eyen Solomon edi edidem ke Judah. Rehoboam ekedi isua aba ye kiet ke ini enye ọtọn̄ọde ndikara, enye onyụn̄ akara isua efịteba ke Jerusalem, kpa obio+ emi Jehovah ekemekde ke otu kpukpru esien+ Israel man enịm enyịn̄ esie do.+ Ndien eka esie ekekere Naamah okonyụn̄ oto Ammon.+ 22  Judah onyụn̄ anam se idiọkde ke enyịn Jehovah+ tutu ẹnam+ enye efịbe ufụp akan nte ekefịbede ke mme idiọkn̄kpọ oro mme ete ete mmọ ẹkenamde.+ 23  Ndien mmọ n̄ko ẹnam mme edikon̄ ebiet+ ye mme adaha utuakibuot+ ye mme eto utuakibuot+ ẹnọ idemmọ ke kpukpru n̄kpri obot+ ye ke idak kpukpru eto eke ẹsehede.+ 24  Ndien iren akpara temple ẹnyụn̄ ẹdu ke isọn̄ oro.+ Mmọ ẹnam kpukpru mbubiam n̄kpọ oro mme idụt oro Jehovah ekebịnde efep ke iso nditọ Israel ẹkesinamde.+ 25  Edikem ke ọyọhọ isua ition emi Edidem Rehoboam akarade, Shishak+ edidem Egypt ọdọk edi ekọn̄ ye Jerusalem. 26  Ndien enye atan̄ mme n̄kpọuto ufọk Jehovah ye mme n̄kpọuto ufọk edidem;+ enye onyụn̄ atan̄+ kpukpru n̄kpọ. Enye onyụn̄ ebe akatan̄ kpukpru otuekọn̄ gold oro Solomon akanamde.+ 27  Ntem Edidem Rehoboam anam mme otuekọn̄ okpoho obon ke itie mmọ, onyụn̄ ayak mmọ esịn mme etubom mbonitọk+ ke ubọk, kpa mme andikpeme inuaotop ufọk edidem.+ 28  Ndien adan̄a nte edidem ededi ufọk Jehovah, mbonitọk ẹyetan̄ mme n̄kpọ emi ẹdi, ẹnyụn̄ ẹfiak ẹtan̄ mmọ ẹkebon ke ubet mbonitọk, kpa ubet mbon ukpeme.+ 29  Amaedi mme n̄kpọ en̄wen emi ẹban̄ade Rehoboam ye kpukpru se enye akanamde, nte owo iwetke mmọ isịn ke n̄wed+ n̄kpọntịbe eyo ndidem Judah? 30  Ndien ekọn̄ odu ke ufọt Rehoboam ye Jeroboam kpukpru ini.+ 31  Ke akpatre, Rehoboam osụhọde ana ye mme ete ete esie, ẹnyụn̄ ẹbụk enye ye mme ete ete esie ke Obio David.+ Eka esie ekekere Naamah okonyụn̄ edi owo Ammon.+ Ndien Abijam+ eyen esie akara ke itie esie.

Mme Ikọ Idakisọn̄