Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 13;1-34

13  Ndien sese, owo+ Abasi kiet oto Judah ke uyo+ Jehovah edi Bethel, ke adan̄aemi Jeroboam osụk adade ke itieuwa+ ndinam nsụn̄ikan̄ uwa ọwọrọ ọdọk.+  Ndien enye ofiori okot itieuwa oro ke uyo Jehovah onyụn̄ ọdọhọ ete: “O itieuwa, itieuwa, ntem ke Jehovah ọdọhọ ete, ‘Sese! Eyeneren emi ekerede Josiah+ ayamana ke ufọk David. Ndien enye ayada mme oku edikon̄ ebiet emi ẹsinamde nsụn̄ikan̄ uwa ọwọrọ ọdọk, awa fi ke esịt, oyonyụn̄ ọfọp mme ọkpọ owo ke esịt fo.’”+  Ndien enye ọnọ idiọn̄ọ+ ke usen oro, onyụn̄ ọdọhọ ete: “Idiọn̄ọ oro Jehovah ọnọde edi emi: Sese! Itieuwa emi ayasiaha, ndien ntọn̄ emi odude ke esịt esie ọyọduọhọ.”  Edikem ke ndondo oro edidem okopde ikọ emi owo ata Abasi oro etịn̄de aban̄a itieuwa oro ke Bethel, inikiet inikiet Jeroboam osio ubọk ke itieuwa anyan, onyụn̄ ọdọhọ ete: “Mbufo ẹmụm enye!”+ Kpa idaha oro ubọk emi enye okosiode anyan akpa, enye inyụn̄ ikemeke ndidụri ubọk aba nda.+  Ndien itieuwa oro asiaha iba, ntọn̄ onyụn̄ oto itieuwa oro ọduọhọ, nte ekemde ye idiọn̄ọ emi owo ata Abasi oro ọkọnọde ke uyo Jehovah.+  Ndien edidem ọdọhọ owo ata Abasi oro ete: “Mbọk, kpe Jehovah Abasi fo ubọk nyụn̄ bọn̄ akam ke ibuot mi man ubọk mi akpafiak ọfọn.”+ Ntem owo ata Abasi oro ekpe Jehovah ubọk,+ ndien ubọk afiak ọfọn edidem, onyụn̄ etie nte eketiede ke akpa.+  Ndien edidem ọdọhọ owo ata Abasi oro ete: “Di ika ufọk man akata uyo,+ man nnyụn̄ nnọ fi enọ.”+  Edi owo ata Abasi oro ọdọhọ edidem ete: “Idem ọkpọkọm afo ọnọ mi ubak ufọk+ fo, nditieneke fi+ n̄kadia udia ndinyụn̄ n̄n̄wọn̄ke mmọn̄ ke ebiet emi.  Koro ntem ke enye okowụk mi ke uyo Jehovah, ete, ‘Kûdia udia+ kûnyụn̄ un̄wọn̄ mmọn̄, kûnyụn̄ usan̄a ke usụn̄ emi akasan̄ade aka unyọn̄.’” 10  Ndien enye asan̄a usụn̄ en̄wen inyụn̄ isan̄ake usụn̄ emi enye akasan̄ade edi Bethel. 11  Ndien akani eren prọfet+ kiet odụn̄ ke Bethel, nditọiren esie ẹdi ẹdibụk ẹnọ enye kpukpru se owo ata Abasi oro akanamde usen oro ke Bethel ye ikọ emi enye eketịn̄de ọnọ edidem, mmọ ẹnyụn̄ ẹmen mme n̄kpọ emi ẹbụk ẹnọ ete mmọ. 12  Ndien ete mmọ obụp mmọ ete: “Ewe usụn̄ ke enye okodụk?” Ntre nditọ esie ẹwụt enye usụn̄ oro owo ata Abasi oro okotode Judah edi okodụkde. 13  Ndien enye ọdọhọ nditọ esie ete: “Ẹtịm ass+ ẹnọ mi.” Ndien mmọ ẹtịm ass ẹnọ enye, enye onyụn̄ awat ke ass emi. 14  Ndien enye ebịne owo ata Abasi oro onyụn̄ okokụt nte enye etiede ke idak akamba eto.+ Ndien enye obụp enye ete: “Ndi afo edi owo ata Abasi oro otode Judah edi?”+ ndien enye ọbọrọ ete: “Ih, ami ndi.” 15  Ndien enye ọdọhọ enye ete: “Di ika ufọk man akadia udia.” 16  Edi enye ọbọrọ enye ete: “N̄kemeke ndisan̄a ye afo mfiak n̄ka m̀mê ndidụk ke ọtọ fo, ndidiaha udia ndinyụn̄ n̄n̄wọn̄ke mmọn̄ ye afo ke ebiet emi.+ 17  Koro uyo Jehovah+ ọkọdọhọ mi ete, ‘Kûdia udia kûnyụn̄ un̄wọn̄ mmọn̄ do. Kûsan̄a usụn̄ emi akasan̄ade aka unyọn̄.’”+ 18  Ntem enye ọbọrọ enye ete: “Ami n̄ko ndi prọfet nte afo, angel+ kiet okonyụn̄ ọdọhọ mi ke uyo Jehovah, ete, ‘Nam enye asan̄a ye afo aka ufọk fo man enye akadia udia onyụn̄ ọn̄wọn̄ mmọn̄’” (Enye akababian̄a enye.)+ 19  Ntre enye etiene enye afiak aka man akadia udia ke ufọk esie onyụn̄ ọn̄wọn̄ mmọn̄.+ 20  Edikem ke adan̄aemi mmọ ẹtiede ke okpokoro, uyo Jehovah+ esịm prọfet emi akadade enye afiak edi; 21  ndien enye okot owo ata Abasi oro otode Judah onyụn̄ ọdọhọ ete: “Ntem ke Jehovah ọdọhọ ete, ‘Sia afo ọsọn̄de ibuot+ abiat ewụhọ Jehovah mûnyụn̄ unịmke ewụhọ oro Jehovah Abasi fo okowụkde fi,+ 22  edi afiakde aka akadia udia onyụn̄ ọn̄wọn̄ mmọn̄ ke ebiet emi enye ọkọdọhọde fi ete: “Kûdia udia, kûnyụn̄ un̄wọn̄ mmọn̄,” okpo fo ididụkke ebiet emi ẹkebụkde mme ete ete fo.’”+ 23  Edikem ke enye ama akadia udia onyụn̄ ọn̄wọn̄ mmọn̄ ama, enye ọsọsọp etịm ass ọnọ enye, oro edi, etịm ọnọ prọfet oro enye akadade afiak edi. 24  Ndien enye adaha ọnyọn̄. Ekem ekpe+ okụt enye ke ọkpọusụn̄ onyụn̄ owot enye,+ okpo esie onyụn̄ ana do ke ọkpọusụn̄. Ndien ass oro ada okpo oro ke n̄kan̄, ekpe oro onyụn̄ ada okpo oro ke n̄kan̄. 25  Ndien mme owo ẹsan̄a ẹbe, ẹnyụn̄ ẹkụt okpo oro anade ke ọkpọusụn̄ ye nte ekpe adade okpo emi ke n̄kan̄. Ndien mmọ ẹdụk ẹketịn̄ n̄kpọ emi ke obio emi akani eren prọfet oro odụn̄de. 26  Ke ini prọfet emi akadade enye afiak edi okopde n̄kpọ emi, enye ọsọsọp ọdọhọ ete: “Emi edi owo ata Abasi emi ọkọsọn̄de ibuot abiat ewụhọ Jehovah;+ ndien Jehovah ayak enye ọnọ ekpe, man anuak enye onyụn̄ owot enye, nte ekemde ye se Jehovah ọkọdọhọde enye.”+ 27  Ndien enye ọdọhọ nditọ esie ete: “Ẹtịm ass ẹnọ mi.” Ntre mmọ ẹtịm ass ẹnọ enye.+ 28  Ekem enye adaha aka okokụt okpo esie emi anade ke ọkpọusụn̄ ye nte ass ye ekpe oro ẹdade okpo oro ke n̄kan̄. Ekpe oro ikataha okpo oro inyụn̄ iwotke ass oro.+ 29  Ndien prọfet oro emen okpo owo ata Abasi oro odori ke ass esie onyụn̄ afiak ọnyọn̄. Ntem akani eren prọfet oro ọnyọn̄ edi obio esie man atua enye onyụn̄ obụk enye. 30  Ndien enye obụk okpo oro ke udi esie; ndien mmọ ẹtua enye ẹte:+ “Mbọm, eyenete mi!” 31  Edikem ke enye ama okobụk enye, enye ọdọhọ nditọ esie ete: “Mma n̄kpa, mbufo ẹbụk mi ke ebiet emi ẹbụkde owo ata Abasi oro. Ẹbụk mme ọkpọ mi ẹdiana mme ọkpọ esie.+ 32  Koro se enye eketịn̄de ke uyo Jehovah aban̄a itieuwa+ emi odude ke Bethel ye kpukpru edikon̄ ebiet+ oro ẹdude ke mme obio Samaria+ mîditreke ndisu.”+ 33  Ke n̄kpọ emi ama ekebe, Jeroboam iwọn̄ọkede ikpọn̄ idiọk usụn̄ esie, edi enye ọtọn̄ọ ntak osio mme owo ke otu mbio obio+ anam ẹdi mme oku ke mme edikon̄ ebiet. Amaedi owo ekededi emi adatde esịt aban̄a emi, enye esịn enye odudu ke ubọk ọyọhọ,+ onyụn̄ ọdọhọ ete: “Yak enye akabade edi kiet ke otu mme oku mme edikon̄ ebiet.” 34  Ndien n̄kpọ emi akabade edi ntak idiọkn̄kpọ ọnọ mbonufọk Jeroboam+ onyụn̄ anam ẹsobo mmọ ẹnyụn̄ ẹsọhi mmọ ẹfep ke iso isọn̄.+

Mme Ikọ Idakisọn̄