Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Ndidem 10;1-29

10  Ekem ọbọn̄ an̄wan Sheba+ okop etop emi Solomon ọwọrọde ke ntak enyịn̄ Jehovah.+ Ntem enye edi man edida mme mbụme*+ emi ẹyan̄ade owo ifiọk odomo enye ese.  Ndien enye asan̄a ye ata akamba udịmowo+ edi Jerusalem, asan̄a ye mme camel+ emi ẹbiomde aran balsam+ ye ata ediwak gold ye mme ọsọn̄urua itiat; ndien enye edi ke ọtọ Solomon onyụn̄ edineme ye enye kpukpru se idude enye ke esịt.+  Solomon onyụn̄ asian enye kpukpru se enye obụpde.+ Ndien idụhe baba n̄kpọ kiet emi edidem mîdiọn̄ọke, mînyụn̄ isianke enye.+  Ke ini ọbọn̄ an̄wan Sheba okụtde kpukpru ọniọn̄ Solomon+ ye ufọk emi enye ọkọbọpde,+  ye udia okpokoro+ esie ye nte mme asan̄autom esie ẹbonode ke okpokoro ye utom oro mme mbet okpokoro esie ẹnamde ye ọfọn̄ mmọ ye edin̄wọn̄ n̄kpọ+ esie ye mme edifọp uwa oro enye esifọpde kpukpru ini ke ufọk Jehovah, ibifịk ọbọhọ enye.+  Ntre enye ọdọhọ edidem ete: “Se n̄ketiede ke idụt nnyịn n̄kop mban̄a fi ye se n̄kokopde mban̄a ọniọn̄+ fo edi akpanikọ.  N̄kenịmke ikọ emi tutu ndi man ndida enyịn mi n̄kụt; ndien sese! owo iketịn̄ke-tịn̄ mbahade iba+ inọ mi. Ọniọn̄ fo ye uforo fo ẹbe se n̄kokopde.+  Ikọt+ fo ẹkop inemesịt+ didie ntem; mme asan̄autom fo emi ẹdade fi ke iso kpukpru ini ẹnyụn̄ ẹkop inemesịt didie ntem, ndikpan̄ utọn̄ n̄kop ọniọn̄ fo!+  Itoro+ enyene Jehovah Abasi fo, emi esịt adatde+ enye aban̄a fi ke ndimen fi ndori ke ebekpo Israel;+ koro Jehovah amade Israel ke nsinsi,+ tutu enye emek fi enịm nte edidem+ ndikpe ikpe+ nnyụn̄ nnam edinen ido.”+ 10  Ndien enye ọnọ+ edidem talent gold+ ikie ye edịp ye ata ediwak aran balsam+ ye mme ọsọn̄urua itiat. Owo ikafiakke inọ aran balsam emi awakde nte enye oro ọbọn̄ an̄wan Sheba ọkọnọde Edidem Solomon. 11  Ndien udịm udịm nsụn̄ikan̄+ Hiram oro ẹkemende gold ke Ophir+ ẹma ẹmen n̄ko ata ediwak eto algum+ ke Ophir ye mme ọsọn̄urua itiat+ ẹdi. 12  Ndien edidem ada mme eto algum oro anam n̄kpọ umụmubọk udịghiukot ufọk Jehovah+ ye eke ufọk edidem, onyụn̄ ada n̄ko anam mme harp+ ye mme ndido urụk+ ọnọ mme ọkwọikwọ. Orụk eto algum emi ikodụkke idi aba, owo inyụn̄ ikwe mmọ tutu esịm mfịn emi. 13  Ndien Edidem Solomon ọnọ ọbọn̄ an̄wan Sheba kpukpru se enye amade emi enye ekeben̄ede, ọkọrọ ye se Edidem Solomon ọkọnọde enye ke ntatubọk.+ Ekem enye ọnyọn̄ aka idụt esiemmọ, enye ye mme asan̄autom esie.+ 14  Ndien udobi gold+ oro ẹkesidade ẹsọk Solomon ke isua kiet ekedi talent gold ikie itiokiet ye ata ye itiokiet,+ 15  owo itịn̄ke-tịn̄ iban̄a se ikotode mbon isan̄ ye udori mme anyamurua ye se kpukpru ndidem+ Arab+ ye mme andikara idụt oro ẹkesidade ẹdi. 16  Ndien Edidem Solomon ada gold+ emi ẹbuakde anam ikpọ otuekọn̄ ikie iba (atara gold shekel ikie itiokiet ofụk ikpọ otuekọn̄ kiet kiet),+ 17  onyụn̄ ada gold emi ẹbuakde anam n̄kpri otuekọn̄ ikie ita (atara mina gold ita ofụk n̄kpri otuekọn̄ kiet kiet).+ Ekem edidem atan̄ mmọ ọkọdọn̄ ke Ufọk Akai Lebanon.+ 18  N̄ko-n̄ko, edidem anam akamba ebekpo+ nnụkenen+ onyụn̄ ada gold+ emi ẹdụhọrede ofụk enye. 19  Udịghiukot itiokiet ẹdu emi ẹsan̄ade ẹdọk ẹsịm ebekpo oro, ekara ekara ufụkenyọn̄ onyụn̄ odu ke edem ebekpo oro, udori-ubọk ẹnyụn̄ ẹdu ke n̄kan̄ emi ye ke n̄kan̄ eken ke ọtọ emi ẹsitiede, ekpe+ iba ẹnyụn̄ ẹda ke n̄kan̄ udori-ubọk+ mbiba. 20  Ndien ekpe duopeba ẹda ke udịghiukot itiokiet oro, ke n̄kan̄ emi ye ke n̄kan̄ eken. Baba obio ubọn̄ kiet ikanamke n̄kpọ eke etiede ntem.+ 21  Ndien ẹkeda gold ẹnam kpukpru n̄kpọ un̄wọn̄ n̄kpọ Edidem Solomon, ẹnyụn̄ ẹda ata gold+ ẹnam kpukpru n̄kpoduoho Ufọk Akai Lebanon.+ Owo idaha silver inam n̄kpọ ndomokiet; koro owo mîkabatke enye ke n̄kpọ ke eyo Solomon. 22  Koro edidem ama enyene udịm udịm nsụn̄ikan̄ Tarshish+ ke inyan̄ ọkọrọ ye udịm udịm nsụn̄ikan̄ Hiram. Ini kiet ke isua ita, udịm udịm nsụn̄ikan̄ Tarshish ẹyebiom gold,+ silver, nnụkenen,+ nsịmbo ẹbọk ye inuen n̄kanda, ẹdi. 23  Ntre Edidem Solomon okpon ke inyene+ ye ke ọniọn̄+ akan kpukpru ndidem eken ke isọn̄. 24  Ndien kpukpru mbon isọn̄ ẹyom iso Solomon man ẹkop ọniọn̄ esie, emi Abasi ekesịnde enye ke esịt.+ 25  Mmọ kiet kiet ẹnyụn̄ ẹsida enọ+ mmọ, kpa mme n̄kpọ silver+ ye mme n̄kpọ gold ye mme ọfọn̄ ye n̄kpọekọn̄+ ye aran balsam, ye mme enan̄-mbakara ye mme mule,+ ẹdi ke isua ke isua.+ 26  Ndien Solomon ọkọ mme chariot ye mme enan̄-mbakara ekọn̄ efen efen; ndien enye enyene chariot tọsịn kiet ikie inan̄ ye enan̄-mbakara ekọn̄ tọsịn duopeba,+ enye onyụn̄ obon mmọ ke mme obio chariot onyụn̄ obon ekpere edidem ke Jerusalem.+ 27  Ndien edidem anam silver awak ke Jerusalem nte itiat,+ enye onyụn̄ anam eto cedar enen̄ede awak+ nte eto sycamore emi ẹdude ke Shephelah. 28  Ndien mme enan̄-mbakara oro Solomon ekenyenede ẹketo Egypt, otu mbonurua edidem ẹkenyụn̄ ẹdep udịm enan̄-mbakara emi.+ 29  Ndien ẹkesidep chariot ẹto Egypt ke mbak silver ikie itiokiet, ẹnyụn̄ ẹdep enan̄-mbakara ke mbak silver ikie ye aba ye duop; ntem ke ekedi ye kpukpru ndidem Hittite+ ye ndidem Syria. Ẹkesibọ mmọ n̄kpọ ẹdep.

Mme Ikọ Idakisọn̄

M̀mê, “n̄ke.”