Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 John 5;1-21

5  Owo ekededi eke enịmde ete Jesus edi Christ, edi Abasi okobon owo oro,+ ndien owo ekededi eke amade enye emi edide andibon ama owo emi enye okobonde.+  Nnyịn ida emi ifiọk ite nnyịn imama+ nditọ Abasi,+ ke ini nnyịn imade Abasi inyụn̄ inịmde ewụhọ esie.+  Koro ndima+ Abasi ọwọrọ ete nnyịn inịm mme ewụhọ esie;+ ndien mme ewụhọ esie idobike owo mbiomo,+  koro kpukpru owo emi Abasi okobonde+ ẹkan ererimbot.+ Ndien nnyịn ida edikan+ emi, oro edi, mbuọtidem+ nnyịn ikan+ ererimbot.  Anie edi enye emi akande+ ererimbot+ ke mîbọhọke owo emi enyenede mbuọtidem+ nte ke Jesus edi Eyen Abasi?+  Emi edi enye emi akasan̄ade ke mmọn̄ ye iyịp edi, oro edi Jesus Christ; isan̄ake ye mmọn̄+ kpọt, edi asan̄a ye mmọn̄ ye iyịp.+ Ndien spirit+ etie ntiense, koro spirit edide akpanikọ.  Koro ntiense ita ẹdu,  spirit+ ye mmọn̄+ ye iyịp,+ ndien mbita emi ekem uyo.+  Edieke nnyịn inyịmede ikọ ntiense oro mme owo ẹnọde,+ ikọ ntiense oro Abasi ọnọde okpon akan, koro emi edi ikọ ntiense oro Abasi ọnọde, nte ke imọ imetie ntiense+ iban̄a Eyen imọ. 10  Owo eke ọbuọtde idem ye Eyen Abasi enyene ikọ ntiense+ oro ẹnọde ẹban̄a enye. Owo eke mînyeneke mbuọtidem ke Abasi anam enye edi osu nsu,+ koro enye mîbuọtke idem ke ikọ ntiense oro ẹnọde,+ emi Abasi ọnọde nte ntiense+ aban̄a Eyen esie. 11  Ndien emi edi ikọ ntiense oro ẹnọde, nte ke Abasi ọkọnọ nnyịn nsinsi uwem,+ ndien uwem emi odu ke Eyen+ esie. 12  Owo eke enyịmede Eyen enyene uwem emi; owo eke mînyịmeke Eyen Abasi inyeneke uwem+ emi. 13  N̄wet mme n̄kpọ emi nnọ mbufo man mbufo ẹfiọk ẹte mbufo ẹmenyene uwem nsinsi,+ kpa mbufo emi ẹbuọtde idem ke enyịn̄ Eyen Abasi.+ 14  Ndien mbuọtidem emi nnyịn inyenede ke enye edi emi,+ ite, se ededi oro nnyịn iben̄ede nte ekemde ye uduak esie, enye ọbiọn̄ utọn̄ ke eben̄e nnyịn.+ 15  N̄ko, edieke nnyịn ifiọkde ite enye ọbiọn̄ utọn̄ ke se ededi oro nnyịn iben̄ede,+ nnyịn imọfiọk ite ke iyọbọ se nnyịn iben̄ede, sia nnyịn iben̄ede enye mme n̄kpọ emi.+ 16  Edieke owo ekededi okụtde eyenete esie anamde idiọkn̄kpọ oro mîdaha n̄kpa idi,+ enye ayanam n̄kpeubọk aban̄a enye, ndien Abasi ọyọnọ enye uwem,+ ih, ọnọ mmọ oro mînamke idiọkn̄kpọ oro adade n̄kpa edi.+ Odu idiọkn̄kpọ oro adade n̄kpa edi. Ndọhọke enye anam n̄kpeubọk aban̄a orụk idiọkn̄kpọ emi.+ 17  Kpukpru ukwan̄ido ẹdi idiọkn̄kpọ;+ ndien odu idiọkn̄kpọ emi mîdaha n̄kpa idi. 18  Nnyịn imọfiọk ite owo ekededi eke Abasi+ obonde ikaha iso ndinam idiọkn̄kpọ, edi Enye*+ emi Abasi obonde ekpeme enye, andidiọk inyụn̄ itụkke enye ubọk.+ 19  Nnyịn imọfiọk ite nnyịn ito Abasi,+ edi ofụri ererimbot esịne ke idak odudu andidiọk.+ 20  Edi nnyịn imọfiọk ite Eyen Abasi ama edi,+ ndien enye ọnọ nnyịn ikike+ man nnyịn ikeme ndifiọk enye emi edide akpanikọ.+ Nnyịn imonyụn̄ ibuana n̄kpọ+ ye enye emi edide akpanikọ, ebe ke Eyen esie Jesus Christ. Emi edi ata+ Abasi ye uwem nsinsi.+ 21  N̄kpri nditọ, ẹkpeme idem ke ndem.*+

Mme Ikọ Idakisọn̄

Emi aban̄a Jesus Christ.
M̀mê, “se owo okponode nte abasi.”