Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 John 4;1-21

4  Ndima, ẹkûnịm kpukpru ikọ odudu spirit+ ke akpanikọ, edi ẹdomo ikọ odudu spirit ẹse man ẹkụt m̀mê enye oto Abasi,+ koro ediwak prọfet nsu ẹmewọn̄ọ ẹdụk ererimbot.+  Mbufo ẹda emi ẹfiọk ikọ odudu spirit emi otode Abasi:+ Ikọ odudu spirit ekededi eke enyịmede ete Jesus Christ ama edi ke obụkidem oto Abasi,+  edi kpukpru ikọ odudu spirit eke mînyịmeke Jesus itoho Abasi.+ N̄ko-n̄ko, emi edi ikọ odudu spirit eke otode andibiọn̄ọ Christ emi mbufo ẹkekopde ke eyedi,+ ndien idahaemi enye ododu ke ererimbot.+  N̄kpri nditọ, mbufo ẹto Abasi, ndien mbufo ẹmekan mbon oro,+ koro enye emi abuanade n̄kpọ+ ye mbufo okponde akan+ enye emi abuanade n̄kpọ ye ererimbot.+  Mmọ ẹto ererimbot;+ ntak edi oro mmọ ẹtịn̄de se itode ererimbot, ererimbot onyụn̄ akpan̄de utọn̄ ọnọ mmọ.+  Nnyịn ito Abasi.+ Owo eke enyenede ifiọk Abasi akpan̄ utọn̄ ọnọ nnyịn;+ owo eke mîtoho Abasi ikpan̄ke utọn̄ inọ nnyịn.+ Emi ke nnyịn ida ifiọk ikọ odudu spirit akpanikọ ye ikọ odudu spirit nsu.+  Ndima, ẹyak nnyịn ika iso ima kiet eken,+ koro ima+ oto Abasi, ndien owo ekededi eke amade ima edi Abasi+ okobon enye, ndien enye ọkọ ifiọk Abasi.+  Owo eke mîmaha ima ifiọkke Abasi, koro Abasi edi ima.+  Ẹkeda emi ẹwụt ima oro Abasi amade nnyịn,+ koro Abasi okosiode ikpọn̄-ikpọn̄ edibon Eyen+ esie ọdọn̄ edi ke ererimbot man nnyịn ikpenyene uwem ebe ke enye.+ 10  Ima odu ke orụk usụn̄ emi, idịghe koro nnyịn ikamade Abasi, edi koro enye akamade nnyịn okonyụn̄ osiode Eyen esie ọdọn̄ nte uwa+ usio-isop+ kaban̄a mme idiọkn̄kpọ nnyịn.+ 11  Ndima, edieke emi edide nte Abasi amade nnyịn, nnyịn nde inyene ndima kiet eken.+ 12  Akananam baba owo kiet ikwe Abasi.+ Edieke nnyịn ikade iso ndima kiet eken, Abasi odu ye nnyịn ẹnyụn̄ ẹnam ima esie ọfọn ama ke esịt nnyịn.+ 13  Nnyịn ida emi ifiọk ite nnyịn imabuana n̄kpọ+ ye enye, enye onyụn̄ abuana n̄kpọ ye nnyịn,+ koro enye ọnọde nnyịn spirit esie.+ 14  N̄ko, nnyịn ima ikụt+ inyụn̄ itie ntiense+ ite ke Ete okosio Eyen esie ọdọn̄ nte Andinyan̄a ererimbot.+ 15  Owo ekededi eke enyịmede ete ke Jesus Christ edi Eyen Abasi,+ Abasi abuana n̄kpọ ye orụk owo oro, enye onyụn̄ abuana n̄kpọ ye Abasi.+ 16  Ndien nnyịn imedifiọk inyụn̄ inịm ite Abasi ama+ nnyịn. Abasi edi ima,+ ndien owo emi akade iso enyene ima+ abuana n̄kpọ ye Abasi ndien Abasi abuana n̄kpọ+ ye enye. 17  Emi edi nte ẹnamde ima ọfọn ama ke esịt nnyịn, man nnyịn ikpenyene ifụre nditịn̄ ikọ+ ke usen ubiereikpe,+ koro, kpa nte edide ye Jesus Christ, kpa ntre ke edi ye nnyịn ke ererimbot emi.+ 18  Ndịk idụhe ke ima,+ edi ima oro ọfọnde ama ebebịn ndịk ọduọk ke an̄wa,+ koro ndịk esịnde ukpan odu. Ndien owo inamke ima owo oro efehede ndịk ọfọn ama.+ 19  Nnyịn ima ima, koro enye ekebemde iso ama nnyịn.+ 20  Edieke owo ekededi ọdọhọde ete: “Mmama Abasi,” edi enye asua eyenete esie, enye edi osu nsu.+ Koro owo eke mîmaha eyenete esie,+ emi enye okụtde ke enyịn, ikemeke ndima Abasi, emi enye mîkwe.+ 21  Ewụhọ emi ke nnyịn ibọ enye,+ nte ke owo emi amade Abasi ekpenyene n̄ko ndima eyenete esie.+

Mme Ikọ Idakisọn̄