Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 John 3;1-24

3  Ẹse orụk ima+ emi Ete amade nnyịn, ke ndinam ẹkot nnyịn nditọ Abasi;+ oro ke nnyịn inyụn̄ idi. Ntak edi oro ererimbot+ mîfiọkke nnyịn, koro ererimbot mîfiọkke enye.+  Ndima, idahaemi nnyịn idi nditọ Abasi,+ edi owo iyarakede kan̄a se nnyịn ididide.+ Nnyịn imọfiọk ite ke adan̄aemi Abasi ediwọrọde owụt idem,+ nnyịn iditie nte enye,+ koro nnyịn iyokụt enye kpa nte enye etiede.+  Ndien kpukpru owo emi ẹnyenede idotenyịn emi ẹnam idem asana+ kpa nte enye oro edide edisana.+  Owo ekededi eke anamde idiọkn̄kpọ+ abiat ibet+ n̄ko, ndien ke ntre idiọkn̄kpọ+ edi edibiat ibet.  Mbufo ẹmefiọk n̄ko ẹte ke ẹkenam enye ọwọrọ owụt idem man enye emen mme idiọkn̄kpọ nnyịn efep,+ idiọkn̄kpọ+ ndomokiet idụhe enye ke idem.  Owo ekededi eke abuanade n̄kpọ+ ye enye ikaha iso inam idiọkn̄kpọ;+ owo baba kiet emi akade iso ndinam idiọkn̄kpọ ikwe enye inyụn̄ ifiọkke enye.+  N̄kpri nditọ, ẹkûyak owo ndomokiet otụn mbufo usụn̄; owo eke akade iso ndinam edinen ido edi edinen, kpa nte Jesus Christ edide edinen.+  Owo emi akade iso ndinam idiọkn̄kpọ oto Devil, koro Devil anamde idiọkn̄kpọ toto ke editọn̄ọ.+ Ẹkenam Eyen Abasi ọwọrọ owụt idem+ kaban̄a uduak emi, oro edi, man abiat utom Devil.+  Owo ekededi eke Abasi obonde ikaha iso ndinam idiọkn̄kpọ,+ koro mfri ubon Esie odude ye utọ owo oro, enye inyụn̄ ikemeke ndika iso nnam idiọkn̄kpọ, koro Abasi obonde enye.+ 10  Ẹda emi ẹyarade ẹfiọk nditọ Abasi ye nditọ Devil: Owo ekededi eke mîkaha iso ndinam edinen ido+ itoho Abasi, kpasụk ntre ye owo eke mîmaha eyenete esie.+ 11  Koro emi edi etop eke mbufo ẹkekopde toto ke editọn̄ọ,+ ẹte nnyịn ikpenyene ndima kiet eken;+ 12  ikûbiet Cain, emi okotode andidiọk onyụn̄ owotde+ eyeneka esie. Ndien ntak owotde enye? Koro utom esie ọdiọkde,+ edi eke eyeneka esie enende.+ 13  Nditọete, ẹkûyak idem akpa mbufo nte ererimbot asuade mbufo.+ 14  Nnyịn imọfiọk ite ke nnyịn ima ito n̄kpa ibe idụk uwem,+ koro nnyịn imade nditọete nnyịn.+ Owo eke mîmaha ima osụk odu ke n̄kpa.+ 15  Owo ekededi eke asuade+ eyenete esie edi owotowo,+ ndien mbufo ẹmefiọk ẹte baba owotowo+ kiet inyeneke nsinsi uwem.+ 16  Emi ke nnyịn ida ifiọk ima,+ koro Jesus Christ ama ayak ukpọn̄ esie ọnọ kaban̄a nnyịn;+ ndien nnyịn inyene ndiyak ukpọn̄ nnyịn nnọ kaban̄a nditọete nnyịn.+ 17  Edi owo ekededi eke enyenede n̄kpọ udu uwem+ ke ererimbot emi onyụn̄ okụtde eyenete esie odude ke unana+ ndien enye eberi usụn̄ mbọm esie abaha enye,+ ke usụn̄ ewe ke ima Abasi odu enye ke esịt?+ 18  N̄kpri nditọ, ẹyak nnyịn ikûma+ ke ikọ inua m̀mê ke edeme,+ edi ẹyak ima ke edinam+ ye ke akpanikọ.+ 19  Nnyịn idida emi ifiọk ite nnyịn idi nditọ akpanikọ,+ nnyịn iyonyụn̄ isọn̄ọ esịt nnyịn ke iso esie 20  ke se ededi oro esịt nnyịn obiomde nnyịn,+ koro Abasi okponde akan esịt nnyịn onyụn̄ ọfiọkde kpukpru n̄kpọ.+ 21  Ndima, edieke esịt mîbiomke nnyịn, nnyịn imenyene ifụre nditịn̄ ikọ ke iso Abasi;+ 22  ndien nnyịn iyọbọ enye se ededi oro nnyịn iben̄ede,+ koro inịmde mme ewụhọ esie inyụn̄ inamde se inemde enye esịt.+ 23  Ndien ewụhọ esie edi ntem, ete, nnyịn ibuọt idem ke enyịn̄ Eyen esie Jesus Christ+ inyụn̄ ima kiet eken,+ kpa nte enye ọkọnọde nnyịn ewụho. 24  Akan oro, owo eke enịmde mme ewụhọ esie abuana n̄kpọ ye enye, enye onyụn̄ abuana n̄kpọ ye owo oro;+ ndien nnyịn ida emi ifiọk ite enye abuana n̄kpọ ye nnyịn,+ ke ntak spirit+ emi enye ọkọnọde nnyịn.

Mme Ikọ Idakisọn̄