Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 John 1;1-10

1  Se ikodude toto ke editọn̄ọ,+ emi nnyịn ikopde,+ inyụn̄ ikụtde ke enyịn nnyịn,+ inyụn̄ itịmde ise,+ inyụn̄ idade ubọk nnyịn itụk,+ kaban̄a ikọ uwem,+  (ih, ẹma ẹyarade uwem emi ẹwụt,+ nnyịn ima inyụn̄ ikụt, ke inyụn̄ itie ntiense+ inyụn̄ isian mbufo iban̄a nsinsi uwem+ emi okodude ye Ete emi ẹkenyụn̄ ẹyararede ẹnọ nnyịn,)  se nnyịn ikokụtde ikonyụn̄ ikopde ke isian mbufo,+ man mbufo n̄ko ẹkpebuana n̄kpọ ye nnyịn.+ N̄ko-n̄ko, nnyịn imabuana n̄kpọ+ ye Ete ye Eyen esie Jesus Christ.+  Mmọdo nnyịn iwet mme n̄kpọ emi man nnyịn inyene idatesịt ọyọhọ ọyọhọ.+  Ndien emi edi etop oro ikokopde ito enye, emi inyụn̄ isiande mbufo,+ ite ke Abasi edi un̄wana+ ndien ekịm baba kiet isan̄ake n̄kpọ ye enye.+  Edieke nnyịn idọhọde ite: “Nnyịn imabuana n̄kpọ ye enye,” edi nnyịn ke isan̄a ke ekịm,+ nnyịn isosu inyụn̄ inamke akpanikọ.+  Nte ededi, edieke nnyịn isan̄ade ke un̄wana kpa nte enye ke idemesie odude ke un̄wana,+ nnyịn imabuana n̄kpọ ye kiet eken,+ ndien iyịp+ Jesus Eyen esie eyet nnyịn isana+ ke kpukpru idiọkn̄kpọ.+  Edieke nnyịn idọhọde ite: “Nnyịn inyeneke idiọkn̄kpọ,”+ nnyịn ibabian̄a idem nnyịn,+ akpanikọ inyụn̄ idụhe nnyịn ke idem.  Edieke nnyịn iyararede mme idiọkn̄kpọ nnyịn,+ enye edi anam-akpanikọ onyụn̄ enen, ntre enye eyefen mme idiọkn̄kpọ nnyịn onyụn̄ eyet nnyịn isana ibọhọ kpukpru ukwan̄ido.+ 10  Edieke nnyịn idọhọde ite: “Nnyịn inamke idiọkn̄kpọ,” nnyịn inam enye edi osu nsu, ndien ikọ esie idụhe nnyịn ke idem.+

Mme Ikọ Idakisọn̄