Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 8;1-13

8  Edi kaban̄a udia eke ẹwade ẹnọ ndem:+ nnyịn imọfiọk ite kpukpru nnyịn imenyene ifiọk.+ Ifiọk ananam owo okohode idem, edi ima ọbọbọp.+  Edieke owo ekededi ekerede ete imọ imenyene ifiọk iban̄a n̄kpọ,+ enye ifiọkke n̄kpọ oro kan̄a nte enye ọkpọfiọkde.+  Edi edieke owo ekededi amade Abasi,+ Abasi ọfiọk owo emi.+  Kaban̄a edidia+ udia eke ẹwade ẹnọ ndem, nnyịn imọfiọk ke ndem idịghe n̄kpọ+ baba kiet ke ererimbot, ye nte ke Abasi kiet kpọt odu.+  Koro okposụkedi se ẹkotde “abasi”+ ẹdude ke heaven+ ye ke isọn̄,+ kpa nte ediwak “abasi” ye ediwak “mbọn̄”+ ẹdude,  nnyịn ke akpanikọ inyene Abasi kiet+ kpa Ete,+ emi kpukpru n̄kpọ ẹwọrọde ẹto, nnyịn inyụn̄ idu uwem inọ enye;+ Ọbọn̄ kiet+ onyụn̄ odu, kpa Jesus Christ,+ emi otode ke enye kpukpru n̄kpọ ẹdu,+ onyụn̄ otode ke enye nnyịn idu.  Edi, idịghe kpukpru owo ẹnyene ifiọk emi;+ edi ndusụk owo, emi ẹmehede ye ndem tutu esịm emi, ẹdia udia nte n̄kpọ eke ẹwade ẹnọ ndem,+ ndien ubieresịt mmọ, sia ememde, akabade edehe.+  Edi udia idinamke nnyịn idot ke iso Abasi;+ edieke nnyịn mîdiaha, nnyịn iduehe, onyụn̄ edieke nnyịn idiade, idianke itoro ndomokiet inọ nnyịn.+  Edi ẹka iso ẹkpeme mbak unen emi mbufo ẹnyenede mi edikabade edi n̄kpọ iduọ ọnọ mbon mmemidem.+ 10  Koro edieke owo okụtde fi emi enyenede ifiọk, nte etiede adia udia ke temple ndem, nte ubieresịt owo oro ememde idisọn̄ke ikesịm udomo eke edinamde enye adia udia eke ẹwade ẹnọ ndem?+ 11  Ntre ifiọk fo anam owo eke ememde atak, kpa eyenete fo emi Christ akakpade ke ibuot esie.+ 12  Edi ke ini mbufo ẹnamde nditọete mbufo idiọk ẹnyụn̄ ẹnọde ubieresịt+ mmọ eke ememde unan, mbufo ẹmenam idiọkn̄kpọ ẹdue Christ. 13  Ke ntre, edieke udia anamde eyenete mi atuak ukot ọduọ,+ nditaha aba unam tutu amama, mbak ndinam eyenete mi atuak ukot ọduọ.+

Mme Ikọ Idakisọn̄