Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 6;1-20

6  Nte owo mbufo ekededi emi enyenede ikọ+ ye kiet eken ekpededei okot enye ikpe ke iso mme idiọkowo,+ utu ke ndika iso ndisana owo?+  M̀mê nte mbufo ifiọkke ite ndisana owo ẹdikpe ikpe+ ẹnọ ererimbot?+ Ndien edieke mbufo ẹdikpede ikpe ẹnọ ererimbot, nte mbufo idotke ndibiere ata n̄kpri+ ikọ?  Nte mbufo ifiọkke ite nnyịn iyekpe ikpe inọ mme angel?+ Ntak, ndien, mîkpehe ke mme n̄kpọ uwem emi?  Edieke mbufo ẹnyenede ikọ ẹban̄a n̄kpọ uwem emi ndibiere,+ nte mbufo ẹda mbon oro esop mîdaha ke n̄kpọ ẹnịm nte mme ebiereikpe?+  Ntịn̄ emi man bụt anam mbufo.+ Nte edi akpanikọ nte ke baba owo ọniọn̄+ kiet idụhe ke otu mbufo emi ekemede ndibiere ikọ ke ufọt nditọete esie,  edi eyenete ada eyenete aka esopikpe, ke iso mmọ eke mînịmke ke akpanikọ?+  Ke akpanikọ, emi ọwọrọ ke mbufo ẹmekpu ofụri ofụri ke emi mbufo ẹkotde kiet eken ikpe.+ Ntak emi mbufo mîkam iyakke ẹnam mbufo idiọk?+ Ntak emi mbufo mîkam iyakke ẹtụk mbufo?+  Edi, mbufo ke ẹnanam nditọete mbufo idiọk ẹnyụn̄ ẹtụk mmọ.+  Kamse! Nte mbufo ifiọkke ite mme anam ukwan̄ido ididaha obio ubọn̄ Abasi inyene?+ Ẹkûyak ẹtụn mbufo usụn̄. Mbon use,+ mme okpono ndem,+ mme esịn efịbe,+ iren oro ẹnịmde ndida nyụhọ oburobụt udọn̄ idan̄,+ irenowo emi ẹdan̄de ye irenowo,+ 10  mme inọ, mbon idiọkitọn̄,+ mme akpammịn,+ mme osụn̄i isụn̄i, ye mbon n̄kanubọk ididaha obio ubọn̄ Abasi inyene.+ 11  Edi ndusụk mbufo ẹketie ntem.+ Edi ẹmeyet mbufo ẹsana,+ ẹmedian̄ade mbufo ẹnịm ẹnọ Abasi,+ ẹmebat mbufo ke edinen+ ke enyịn̄ Ọbọn̄ nnyịn Jesus Christ+ ye ke spirit Abasi nnyịn.+ 12  Kpukpru n̄kpọ ẹnen mi ndinam; edi idịghe kpukpru n̄kpọ ẹnyene ufọn.+ Kpukpru n̄kpọ ẹnen+ mi ndinam; edi ndiyakke n̄kpọ ekededi akara mi.+ 13  Ẹnam udia ẹnọ idịbi, ẹnyụn̄ ẹnam idịbi ẹnọ udia;+ edi Abasi ayanam mbiba ẹwọrọ ikpîkpu.+ Idem mbufo inaha inọ use, edi ana ọnọ Ọbọn̄;+ ẹnyụn̄ ẹnịm Ọbọn̄ ẹnọ idem.+ 14  Edi Abasi ama anam Ọbọn̄+ eset, oyonyụn̄ anam nnyịn iset ke n̄kpa+ ebe ke odudu esie.+ 15  Nte mbufo ifiọkke ite idem mbufo ẹdi ndido+ Christ?+ Nte ami, ndien, ndimen mme ndido Christ nnam mmọ ẹdi mme ndido akpara?+ N̄wan̄ansa-o! 16  Kamse! Nte mbufo ifiọkke ite owo eke adiande idem ye akpara edi idem kiet ye enye? Koro enye ọdọhọ ete: “Mmọ mbiba ẹyekabade ẹdi obụk kiet.”+ 17  Edi owo eke adiande idem ye Ọbọn̄ edi spirit+ kiet+ ye enye. 18  Ẹfehe ẹkpọn̄ use.+ Idiọkn̄kpọ ekededi eke owo anamde ibehe idụk enye idem, edi owo eke akade iso anam use anam idiọkn̄kpọ edue idem esie.+ 19  Kamse! Nte mbufo ifiọkke ite ke idem mbufo edi temple+ edisana spirit emi odude mbufo ke idem,+ emi mbufo ẹnyenede ẹto Abasi? N̄ko, idịghe mbufo ẹnyene idem mbufo,+ 20  koro ẹkedep mbufo ke ekọmurua.+ Ntre ndien, ẹda idem+ mbufo ẹnọ Abasi ubọn̄.+

Mme Ikọ Idakisọn̄