Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 5;1-13

5  Ke akpanikọ, ẹtịn̄ ẹte ke use+ odu ke otu mbufo, kpa orụk use oro mîkam idụhe ke otu mme idụt, ẹte ke owo mbufo kiet akama n̄wan ete esie ọdọ.+  Mbufo ẹmenyụn̄ ẹkohode idem,+ edi nte mbufo ikpakam ifụhọke-fụhọ,+ man ẹkpesio owo eke akanamde utọ n̄kpọ emi ẹfep ke otu mbufo?+  Amaedi ami, okposụkedi mmendụhe do ke obụkidem edi ndude ke spirit, ke akpanikọ mma mbebiere ikpe+ owo emi akanamde utọ n̄kpọ emi, nte n̄kpọ eke ami ndude do,  nte ke enyịn̄ Ọbọn̄ nnyịn Jesus, ke ini mbufo ẹsopde idem ọtọkiet, spirit mi ọkọrọ ye odudu Ọbọn̄ nnyịn Jesus,+  mbufo ẹsana utọ owo oro ẹyak ẹnọ Satan+ ẹte osobo obụkidem, man ẹkpenyan̄a spirit+ ke usen Ọbọn̄.+  Ntak mbụre+ mbufo ifọnke. Nte mbufo ifiọkke ite ekpri leaven ananam ofụri ebok uyo+ ofụt?+  Ẹsio akani leaven ẹduọk, man mbufo ẹkpedi obufa ebok uyo,+ sia mîkpanaha leaven odu mbufo ke esịt. Koro ẹma ẹwawa+ Christ,+ passover+ nnyịn.  Mmọdo ẹyak nnyịn ikûda akani leaven+ inịm usọrọ,+ ikûnyụn̄ ida leaven+ idiọkn̄kpọ ye eke idiọkido+ inịm, edi ida uyo edisana ido ye eke akpanikọ emi leaven mîdụhe inịm.+  Ke leta mi n̄kewet mbufo nte ẹtre ndidụk ndụk ye mbon use, 10  emi iwọrọke ite ẹtre ndidụk ndụk ofụri ofụri ye mbon use+ eke ererimbot+ emi m̀mê mbon idiọkitọn̄ ye mbon n̄kanubọk m̀mê mme okpono ndem. Koro ke ndinam ntre, mbufo ke akpanikọ ẹkpenyene ndiwọrọ n̄kpọn̄ ererimbot.+ 11  Edi ke emi n̄wet mbufo nte ẹtre ndidụk ndụk+ ye owo ekededi emi ẹkotde enye eyenete, emi edide owo use m̀mê owo idiọkitọn̄+ m̀mê okpono ndem m̀mê osụn̄i isụn̄i m̀mê akpammịn+ m̀mê owo n̄kanubọk, ẹkûkam ẹdia n̄kpọ ye utọ owo oro. 12  Koro nsan̄a nso ke edikpe ikpe mbon an̄wa?+ Nte mbufo ikpehe ikpe mbon esịt ufọk,+ 13  ke adan̄aemi Abasi ekpede ikpe mbon an̄wa?+ “Ẹsio idiọkowo oro ke otu mbufo ẹfep.”+

Mme Ikọ Idakisọn̄