Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Corinth 3;1-23

3  Ntre, nditọete, n̄kekemeke nditịn̄ n̄kpọ nnọ mbufo nte mbon oro ẹnyenede spirit Abasi,+ edi nte mbon obụkidem, nte nditọwọn̄+ ke Christ.  N̄kada mmọn̄eba mbọk mbufo, idịghe ata udia,+ koro mbufo ikọsọn̄ke idem ikem adan̄aoro. Ke akpanikọ, mbufo isụk isọn̄ke idem ikem ke emi,+  koro mbufo ẹsụk ẹdi mbon obụkidem.+ Koro adan̄a nte ufụp ye utọk ẹdude ke otu mbufo,+ nte mbufo idịghe mbon obụkidem, nte mbufo inyụn̄ isan̄ake nte mme owo ẹsan̄ade?+  Koro ke ini owo kiet ọdọhọde ete: “Ami nda ye Paul,” edi owo en̄wen ọdọhọ ete: “Ami nda ye Apollos,”+ nte mbufo idịghe sụk mme owo?  Apollos edi nso?+ Paul onyụn̄ edi nso? Mmọ ẹdi mme asan̄autom+ emi otode ke mmọ mbufo ẹkabade ẹdi mme andinịm ke akpanikọ, kpa nte Ọbọn̄ ọkọnọde mmọ kiet kiet.  Ami n̄kọtọ,+ Apollos ọduọk mmọn̄,+ edi Abasi anam enye ọkọri;+  ntre ndien idịghe anditọ edi n̄kpọ,+ inyụn̄ idịghe andiduọk mmọn̄, edi edi Abasi emi anamde enye ọkọri.+  Enye emi ọtọde ye enye emi ọduọkde mmọn̄ ẹdi kiet,+ edi mmọ kiet kiet ẹyebọ utịp mmọ nte ekemde ye utom mmọ.+  Koro nnyịn idi nsan̄autom Abasi.+ Mbufo ẹdi in̄wan̄ emi Abasi ọtọde,+ ufọk eke Abasi ọbọpde.+ 10  Nte ekemde ye mfọnido Abasi oro owo mîdotke+ oro ẹkenọde mi, nte etubom ubọpufọk emi enyenede ọniọn̄, mma nsịn itiat idakisọn̄,+ edi owo en̄wen ke ọbọp odori ke enye. Edi yak owo kiet kiet ekpeme nte enye ọbọpde odori ke enye.+ 11  Koro baba owo kiet ikemeke ndisịn itiat idakisọn̄+ en̄wen mbe se ẹma ẹkesesịn, emi edide Jesus Christ.+ 12  Edi edieke owo ekededi ọbọpde gold, silver, ọsọn̄urua itiat, eto, mbiet, nnyanyan̄a, odori ke itiat idakisọn̄ oro, 13  utom owo kiet kiet ayayarade, koro usen oro oyowụt enye, koro ẹdidade ikan̄ ẹyarade enye;+ ndien ikan̄ oyowụt se orụk utom owo kiet kiet edide. 14  Edieke utom owo ekededi oro owo ọbọpde odori ke enye edisụk akade iso odu,+ owo oro ọyọbọ utịp;+ 15  edieke ikan̄ editade utom owo ekededi, enye oyokụt ntakurua, edi ẹyenyan̄a enye ke idemesie;+ ke edide ntre, editie nte n̄kpọ eke ẹnyan̄ade ẹsio ke ikan̄.+ 16  Nte mbufo ifiọkke ite mbufo ẹdi temple Abasi,+ ye nte ke spirit Abasi odụn̄ mbufo ke esịt?+ 17  Edieke owo ekededi abiatde temple Abasi, Abasi oyosobo enye;+ koro temple Abasi edi edisana,+ mbufo ẹnyụn̄ ẹdi+ temple oro.+ 18  Yak owo ndomokiet okûbian̄a idemesie: Edieke owo ekededi ke otu mbufo ekerede ete imọ imenyene ọniọn̄+ ke editịm n̄kpọ emi, yak enye akabade edi ndisịme, man enye akpakabade enyene ọniọn̄.+ 19  Koro ọniọn̄ ererimbot emi edi ndisịme ke iso Abasi;+ koro ẹwet ẹte: “Enye omụm mbon ọniọn̄ ke n̄kari mmọ.”+ 20  N̄ko: “Jehovah ọmọfiọk ete ekikere mbon ọniọn̄ edi ikpîkpu.”+ 21  Ntem yak baba owo kiet okûbụre mbụre ke owo, koro kpukpru n̄kpọ ẹnyenede mbufo,+ 22  edide Paul m̀mê Apollos+ m̀mê Cephas m̀mê ererimbot m̀mê uwem m̀mê n̄kpa m̀mê mme n̄kpọ eke ẹdude ke emi m̀mê mme n̄kpọ eke ẹdidide,+ kpukpru n̄kpọ ẹnyene mbufo; 23  ndien mbufo ẹnyene Christ;+ Christ onyụn̄ enyene Abasi.+

Mme Ikọ Idakisọn̄