Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Corinth 2;1-16

2  Ndien ami, ke ini n̄kedide ke ọtọ mbufo, nditọete, n̄kadaha akpakịp ikọ+ m̀mê udọnikọ ntan̄a edisana ndịben̄kpọ+ Abasi nnọ mbufo.  Koro mma mbiere nditre ndifiọk n̄kpọ ekededi ke otu mbufo ke mîbọhọke Jesus Christ,+ emi ẹkekọn̄de ke eto.  Ndien n̄kedi ke ọtọ mbufo ke mmemidem ye ke ndịk ye ọkpọsọn̄ nnyekidem;+  ikọ mi ye se n̄kọkwọrọde ikonyụn̄ idịghe ye mbukpek ikọ ọniọn̄ edi ekedi ye ediwụt uyarade spirit ye odudu,+  man mbufo ẹkûbuọt idem ke ọniọn̄ owo,+ edi ẹbuọt ke odudu Abasi.+  Edi nnyịn itịn̄ ọniọn̄ ke otu mbon oro ẹma ẹkekọri ẹsịm ọyọhọ idaha,+ edi idịghe ọniọn̄+ editịm n̄kpọ emi inyụn̄ idịghe eke mme andikara editịm n̄kpọ emi,+ emi edikabarede edi ikpîkpu.+  Edi nnyịn itịn̄ ọniọn̄ Abasi emi odude ke edisana ndịben̄kpọ,+ kpa ọniọn̄ eke ekedịbede, emi Abasi ekebemde iso enịm mbemiso editịm n̄kpọ emi+ ete edi ubọn̄ ọnọ nnyịn.  Ndomokiet ke otu mme andikara+ editịm n̄kpọ emi ikọfiọkke+ ọniọn̄ emi, koro edieke mmọ ẹkpekefiọkde, mmọ ikpọkọkọn̄ke+ Ọbọn̄ emi enyenede ubọn̄ ke eto.  Kpa nte ẹwetde ẹte: “Enyịn ikekwe, utọn̄ ikonyụn̄ ikopke, owo ikonyụn̄ ikereke ke esịt esie iban̄a mme n̄kpọ emi Abasi eketịmde ọnọ mmọ eke ẹmade enye.”+ 10  Koro edi nnyịn ke Abasi akayarade+ mmọ ọnọ ebe ke spirit esie,+ koro spirit+ odụn̄ọrede kpukpru n̄kpọ, kpa mme ntotụn̄ọ+ n̄kpọ Abasi. 11  Koro anie ke otu owo ọfiọk ekikere owo ke mîbọhọke spirit+ oro odude owo ke esịt? Ntre, n̄ko, baba owo kiet ifiọkke ekikere Abasi, ke mîbọhọke spirit+ Abasi. 12  Edi nnyịn ikọbọhọ spirit+ ererimbot, edi ikọbọ spirit+ emi otode Abasi, man nnyịn ikpọfiọk mme n̄kpọ oro Abasi ọnọde nnyịn ke mfọnido.+ 13  Mme n̄kpọ emi ke nnyịn itịn̄ n̄ko, nnyịn idaha ikọ emi ọniọn̄ owo ekpepde itịn̄,+ edi ida ikọ emi spirit ekpepde itịn̄,+ nte nnyịn idade ikọ eke spirit inam mme n̄kpọ eke spirit ẹn̄wan̄a.+ 14  Edi owo eke mînyeneke spirit Abasi* ibọhọ mme n̄kpọ spirit Abasi, koro mmọ ẹdide ndisịme ẹnọ enye; ndien enye ikemeke ndifiọk mmọ,+ koro ẹdade spirit Abasi ẹdụn̄ọde mmọ. 15  Edi, owo eke enyenede spirit+ Abasi odụn̄ọde kpukpru n̄kpọ ese, edi baba owo kiet idụn̄ọkede+ enye. 16  Koro, “anie ọfiọk ekikere Jehovah,+ man ekpeteme Enye?”+ Edi nnyịn imenyene ekikere+ Christ.

Mme Ikọ Idakisọn̄

At. Ed., “owo obụkidem.”