Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 13;1-13

13  Edieke ntịn̄de ikọ ke usem+ mme owo ye eke mme angel edi nnyeneke ima, mmakabade nsioro uyo nte akpan̄kpan̄ nnyụn̄ nnam uyom nte usan n̄kukwak.+  Ndien edieke nnyenede enọ editịn̄ prọfesi+ nnyụn̄ mfiọkde kpukpru ndisana ndịben̄kpọ+ ye kpukpru ifiọk,+ edieke nnyụn̄ nnyenede mbuọtidem n̄kem ndidịbede ikpọ obot mfep,+ edi nnyeneke ima, ndịghe n̄kpọ ndomokiet.+  Ndien edieke nnọde kpukpru inyene mi nte ẹda ẹbọk mbon en̄wen,+ n̄kponyụn̄ nyak idem+ mi nnọ man n̄kpobụre mbụre, edi nnyeneke ima,+ idoroke mi udori ndomokiet.  Ima+ enyenyene anyanime+ onyụn̄ ọfọn ido.+ Ima ifịbeke ufụp,+ inamke inua,+ ikohokede idem,+  inamke ido eke mîdotke,+ iyomke ufọn idemesie,+ isọpke iyatesịt.+ Ibatke idiọk ibon.+  Idarake ukwan̄ido,+ edi adara se idide akpanikọ.+  Enye ememe kpukpru n̄kpọ,+ enenịm kpukpru n̄kpọ ke akpanikọ,+ ododori enyịn ke kpukpru n̄kpọ,+ ọyọyọ kpukpru n̄kpọ.+  Ima idibehe ifep* tutu amama.+ Amaedi enọ editịn̄ prọfesi, enye eyebe ẹfep; amaedi enọ editịn̄ ikọ ke usem, enye eyetre; amaedi ifiọk, enye eyebe efep.+  Koro nnyịn inyene ifiọk ubak ubak+ inyụn̄ itịn̄ prọfesi* ubak ubak;+ 10  edi ke ini se iyọhọde edidide edisịm,+ se idide ubak ubak eyebe efep. 11  Ke ini n̄kedide eyenọwọn̄, n̄kesitịn̄ ikọ nte eyenọwọn̄, n̄kere n̄kpọ nte eyenọwọn̄, n̄kọk ibuot nte eyenọwọn̄; edi ke emi mma n̄kokpon n̄wọrọ owo,+ mmọduọn̄ọ mme ido uyen. 12  Koro idahaemi nnyịn ikụt n̄kpọ mbukpọn̄ mbukpọn̄ ke ukụtiso ukwak,+ edi adan̄aoro edidi iso ye iso.+ Idahaemi ami mfiọk n̄kpọ ubak ubak, edi adan̄aoro nyetịm mfiọk n̄kpọ kpa nte ẹtịmde ẹfiọk mi.+ 13  Edi, mbuọtidem, ye idotenyịn, ye ima, ẹsụk ẹdodu, mbita emi; edi andikpon n̄kan ke otu mmọ edi ima.+

Mme Ikọ Idakisọn̄

M̀mê, “idikpụhu.”
Emi ekeme ndisịne ntịn̄nnịm ikọ, etop eke odudu spirit, ọkọrọ ye uduak Abasi oro ẹyararede m̀mê ẹtan̄ade.