Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 12;1-31

12  Edi kaban̄a mme enọ eke spirit,+ nditọete, nyomke mbufo ẹnana ifiọk.  Mbufo ẹmefiọk ẹte ke ini mbufo ẹkedide mbon idụt,+ ẹma ẹbian̄a mbufo ke nsio nsio usụn̄ ẹnam ẹtiene mme ndem+ eke mîsioroke uyo.+  Ke ntre, nyom ndinam mbufo ẹfiọk ẹte ke baba owo kiet emi adade spirit Abasi etịn̄ ikọ idọhọke ite: “Jesus edi owo eke ẹsụn̄ide!”+ ndien baba owo kiet ikemeke ndidọhọ ete: “Jesus edi Ọbọn̄!” ke mîtoho ke edisana spirit.+  Nsio nsio enọ ẹdu,+ edi spirit edi kiet;+  nsio nsio utom+ ẹnyụn̄ ẹdu, edi Ọbọn̄ edi kiet;+  nsio nsio edinam+ ẹnyụn̄ ẹdu, edi Abasi kiet+ anam kpukpru edinam emi ke idem kpukpru owo.+  Edi ẹnọ owo kiet kiet uyarade spirit man ẹda ẹnam se inyenede ufọn.+  Ke uwụtn̄kpọ, ẹda spirit ẹnọ owo kiet enọ nditịn̄ ikọ ọniọn̄,+ ẹda kpa spirit kiet oro ẹnọ owo en̄wen enọ nditịn̄ ikọ ifiọk,+  ẹda spirit kiet oro ẹnọ owo en̄wen mbuọtidem,+ ẹnọ owo en̄wen enọ ukọkudọn̄ọ+ kpa ke spirit kiet oro, 10  edi ẹnọ owo en̄wen ukeme ndinam mme utom odudu,+ ẹnọ owo en̄wen ukeme nditịn̄ prọfesi,+ ẹnọ owo en̄wen ukeme ndifiọk+ ikọ odudu spirit,+ ẹnọ owo en̄wen ukeme ndisem nsio nsio usem,+ ẹnọ owo en̄wen ukeme ndikabade+ nsio nsio usem. 11  Edi spirit kiet anam kpukpru edinam emi,+ edeme+ ọnọ owo kiet kiet nte enye amade.+ 12  Koro kpa nte idem edide kiet edi enyene ediwak ndido, ndien kpukpru ndido idem oro, okposụkedi ẹwakde, ẹdi idem kiet,+ ntre n̄ko ke edi ye Christ.+ 13  Koro ke akpanikọ ẹkenịm kpukpru nnyịn baptism+ ke spirit kiet oro ẹsịn ke idem kiet, edide mme Jew m̀mê mme Greek,* edide ifịn m̀mê mme amanaisọn̄, ẹma ẹnyụn̄ ẹnam kpukpru nnyịn in̄wọn̄+ spirit kiet oro. 14  Koro, ke akpanikọ, idem idịghe ndido kiet, edi edi ediwak ndido.+ 15  Edieke ukot ọkpọdọhọde ete: “Sia mmendịghe ubọk, ami ndịghe ubak idem,” emi inamke enye okûdi ubak idem.+ 16  Ndien edieke utọn̄ ọkpọdọhọde ete: “Sia mmendịghe enyịn, ami ndịghe ubak idem,” emi inamke enye okûdi ubak idem.+ 17  Edieke ofụri idem ekpedide enyịn, ukeme ukop n̄kpọ okpodu m̀mọ̀n̄? Edieke ofụri idem ekpedide utọn̄, ikpanam didie ikop utebe? 18  Edi Abasi ke emi omobon kpukpru ndido kiet kiet ke idem nte enemde enye esịt.+ 19  Edieke kpukpru mmọ ẹkpedide ndido kiet,+ idem okpodu m̀mọ̀n̄? 20  Edi ke emi ndido ẹwak,+ edi idem edi kiet. 21  Enyịn ikemeke ndidọhọ ubọk ete: “Nyomke fi”; n̄ko, ibuot inyụn̄ ikemeke ndidọhọ ukot ete: “Nyomke mbufo.” 22  Edi utu ke oro, mme ndido idem emi ẹtiede nte mmọ ẹmem ẹkan+ ẹkam ẹnyene ufọn, 23  ndien mme ndido idem emi nnyịn ikerede ke inen̄ekede inyene ukpono, nnyịn imen ukpono eke okponde akan inọ mmọ,+ kpasụk ntre ke inam mme ndido eke mîyehe ẹye ẹkan, 24  edi mme ndido nnyịn eke ẹyede iyomke n̄kpọ ndomokiet. Nte ededi, Abasi akatan̄ idem adian kiet, emen ukpono eke okponde akan ọnọ ndido oro mînyeneke ukpono, 25  mbak ubahade edidu ke idem, edi man mme ndido esie ẹkpekere ẹban̄a kiet eken ukem ukem.+ 26  Ndien edieke ndido kiet okụtde ukụt, kpukpru ndido eken ẹtiene enye ẹkụt ukụt;+ mîdịghe edieke ẹnọde ndido kiet ubọn̄,+ kpukpru ndido eken ẹtiene enye ẹdara.+ 27  Mbufo ẹdi idem Christ, mbufo owo kiet kiet ẹnyụn̄ ẹdi mme ndido esie.+ 28  Ndien Abasi emenịm nsio nsio owo ke esop,+ akpa, mme apostle;+ udiana, mme prọfet;+ ọyọhọ ita, mme andikpep;+ ekem mme utom odudu;+ ekem mme enọ ukọkudọn̄ọ;+ mme utom unọ un̄wam;+ ukeme ndinọ ndausụn̄,+ edisem nsio nsio usem.+ 29  Nte kpukpru owo ẹdi mme apostle? Nte kpukpru owo ẹdi mme prọfet? Nte kpukpru owo ẹdi mme andikpep? Nte kpukpru owo ẹnam mme utom odudu? 30  Nte kpukpru owo ẹnyene enọ ukọkudọn̄ọ? Idịghe kpukpru owo ẹsem nsio nsio usem,+ ndi kpukpru owo ẹsem? Idịghe kpukpru owo ẹdi mme akabadeikọ,+ ndi kpukpru owo ẹdi? 31  Edi ẹka iso ẹsịn ifịk ẹyom enọ eke okponde akan.+ Edi mmowụt mbufo akakan usụn̄.+

Mme Ikọ Idakisọn̄

Eyedi emi aban̄a mbon oro ẹkesemde usem Greek, kpa mbon emi mîkedịghe mme Jew.