Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 11;1-34

11  Ẹkabade ẹdi mme andikpebe mi, kpa nte ami n̄kpebede Christ.+  Mmotoro mbufo koro mbufo ẹmeti mi ke kpukpru n̄kpọ, mbufo ke ẹnyụn̄ ẹsọn̄ọ ẹmụm mme ido oro+ ẹkama kpa nte n̄kayakde nnọ mbufo.  Edi nyom mbufo ẹfiọk ẹte Christ edi ibuot ọnọ kpukpru irenowo;+ erenowo onyụn̄ edi ibuot ọnọ n̄wan;+ Abasi onyụn̄ edi ibuot ọnọ Christ.+  Erenowo ekededi eke ayarade n̄kpọ ke ibuot ọbọn̄ akam m̀mê etịn̄ prọfesi* esuene enye emi edide ibuot ọnọ enye;+  edi n̄wan ekededi eke ọbọn̄de akam m̀mê etịn̄de prọfesi+ ye ibuot in̄wan̄ esuene enye emi edide ibuot ọnọ enye,+ koro etiede ukem ukem nte n̄kpọ eke enye okporode idet.+  Koro edieke n̄wan mîfụhọke n̄kpọ ke ibuot, yak enye afat idet ọkọrọ do; edi edieke edide n̄kpọ bụt n̄wan ndifat m̀mê ndikporo idet,+ yak enye ofụhọ n̄kpọ ke ibuot.+  Koro erenowo inyeneke ndiyara n̄kpọ ke ibuot, koro enye edide mbiet+ ye ubọn̄+ Abasi; edi n̄wan edi ubọn̄ erenowo.+  Koro erenowo ikotoho ke n̄wan iwọrọ, edi n̄wan okoto ke erenowo ọwọrọ;+  n̄ko, Abasi ikobotke erenowo ke ntak n̄wan, edi ẹkebot n̄wan ke ntak erenowo.+ 10  Ntak edi oro n̄wan ekpenyenede idiọn̄ọ nsụkibuot ke ibuot+ esie ke ntak mme angel.+ 11  Edi, ke Ọbọn̄, n̄wan idụhe ke erenowo mîdụhe, erenowo inyụn̄ idụhe ke n̄wan mîdụhe.+ 12  Koro kpa nte n̄wan okotode erenowo ọwọrọ,+ kpasụk ntre n̄ko ke erenowo oto n̄wan;+ edi kpukpru n̄kpọ ẹto Abasi.+ 13  Ẹse ise ke idem mbufo: Nte odot n̄wan ndibọn̄ akam nnọ Abasi ye ibuot in̄wan̄? 14  Nte obot ikpepke mbufo nte ke edieke erenowo enyenede anyan idet, edi n̄kpọ esuene ọnọ enye; 15  edi edieke n̄wan enyenede anyan idet, edi ubọn̄+ ọnọ enye? Koro ẹnọ enye idet esie nte ọfọn̄ ibuot.+ 16  Nte ededi, edieke owo ekededi etiede nte eneneni n̄kpọ emi+ ke ntak ido en̄wen,+ nnyịn inyeneke ido en̄wen, mme esop Abasi inyụn̄ inyeneke. 17  Edi, ke adan̄aemi nnọde mme item emi, ntoroke mbufo koro idịghe ke eti ke mbufo ẹsop idem ọtọkiet,+ edi edi ke idiọk. 18  Akpa kan̄a, ke ini mbufo ẹsopde idem ọtọkiet ke esop, n̄kop nte ubahade odu ke otu mbufo;+ ndien ke ndusụk udomo ami mmenịm emi ke akpanikọ. 19  Koro isio n̄ka+ oyodu ke otu mbufo, man ẹkpeyarade n̄ko ẹfiọk owo emi ẹnyịmede ke otu mbufo.+ 20  Ke ntre, ke ini mbufo ẹsopde idem ọtọkiet, mbufo ikemeke ndidia udia mbubreyo Ọbọn̄ nte odotde.+ 21  Koro, ke ini ẹdiade, owo kiet kiet ebem iso adia udia mbubreyo esie, anam owo kiet okop biọn̄ edi owo en̄wen ọn̄wọn̄ oyụhọ. 22  Mbufo ẹmenyene ufọk eke ẹkpetiede ẹdia n̄kpọ ẹnyụn̄ ẹn̄wọn̄ n̄kpọ, nte inyeneke?+ Mîdịghe nte mbufo ẹsịn esop Abasi ke ndek ẹnyụn̄ ẹnam mbon oro mînyeneke n̄kpọ+ ẹkop bụt? Nso ke n̄kpetịn̄ ye mbufo? Nte n̄kpototoro mbufo? Ntoroke mbufo ke n̄kpọ emi. 23  Koro se n̄kọbọde Ọbọn̄ ke n̄kayak nnọ mbufo, nte ke okoneyo+ oro ẹkeyomde ndiyak enye nnọ, Ọbọn̄ Jesus emen uyo 24  ndien, ke ama ọkọnọ ekọm, enye obụn̄ uyo+ onyụn̄ ọdọhọ ete: “Emi ada aban̄a idem+ mi eke ẹdinọde kaban̄a mbufo. Ẹka iso ẹnam emi nditi+ mi.” 25  Enye anam kpa ntre ye cup+ n̄ko, ke ẹma ẹkedia udia mbubreyo ẹma, ọdọhọ ete: “Cup emi ada aban̄a obufa ediomi+ eke ẹnamde ẹbe ke iyịp mi.+ Ẹka iso ẹnam emi, adan̄a nte mbufo ẹn̄wọn̄wọn̄ enye, ke editi+ mi.” 26  Koro adan̄a+ nte mbufo ẹtata uyo emi ẹnyụn̄ ẹn̄wọn̄ cup emi, mbufo ẹkwọrọ n̄kpa+ Ọbọn̄, tutu enye edisịm.+ 27  Mmọdo owo ekededi eke atade uyo m̀mê ọn̄wọn̄de cup Ọbọn̄ ke usụn̄ eke mîdotke eyenyene ubiomikpe+ aban̄a idem ye iyịp+ Ọbọn̄. 28  Yak owo ebem iso odụn̄ọde+ idem ese m̀mê imodot, ndien ekem yak enye ata uyo onyụn̄ ọn̄wọn̄ cup. 29  Koro owo eke atade onyụn̄ ọn̄wọn̄de, ata onyụn̄ ọn̄wọn̄ ubiomikpe+ odori idemesie edieke enye mîfiọkke idem Ọbọn̄. 30  Ntak edi oro ediwak ke otu mbufo ẹkopde mmemidem ẹnyụn̄ ẹduọde udọn̄ọ, ediwak ẹnyụn̄ ẹdede+ ke n̄kpa. 31  Edi edieke nnyịn ikpọfiọkde se nnyịn idide, owo ikpekpehe ikpe inọ nnyịn.+ 32  Nte ededi, ke ini ẹkpede ikpe ẹnọ nnyịn,+ Jehovah otụnọ nnyịn,+ mbak edibiom nnyịn ikpe+ ye ererimbot.+ 33  Mmọdo, nditọete mi, ke ini mbufo ẹsopde idem ọtọkiet ndidia enye,+ ẹbet kiet eken. 34  Edieke biọn̄ ọdọn̄de owo, yak enye adia n̄kpọ ke ufọk,+ mbak edisop idem mbufo ediwọrọ ubiomikpe ọnọ mbufo.+ Edi amaedi mme n̄kpọ eken oro ẹsụhọde, nyenen̄ede mmọ nnịm ke mma ndisịm do.

Mme Ikọ Idakisọn̄

Emi ekeme ndisịne ntịn̄nnịm ikọ, etop eke odudu spirit, ọkọrọ ye uduak Abasi oro ẹyararede m̀mê ẹtan̄ade.