Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Corinth 1;1-31

1  Ami Paul, emi ẹkekotde ẹte ndidi apostle+ Jesus Christ oto ke uduak Abasi,+ ye Sosthenes+ eyenete nnyịn  inọ n̄wed emi ẹsọk esop Abasi emi odude ke Corinth,+ kpa mbufo emi Abasi adian̄arede enịm+ nte mme anditiene Christ Jesus, emi ẹkotde ẹte ẹdidi ndisana owo,+ ọkọrọ ye kpukpru owo emi ke kpukpru ebiet ẹsemede ẹkot enyịn̄+ Ọbọn̄ nnyịn, Jesus Christ, Ọbọn̄ mmọ ye eke nnyịn:+  Mfọnido oro owo mîdotke+ ye emem+ emi ẹtode Abasi Ete nnyịn ye Ọbọn̄ Jesus Christ ẹkpekam ẹdu ye mbufo.+  Mmesikọm Abasi kpukpru ini mban̄a mbufo ke mfọnido Abasi oro owo mîdotke+ emi ẹnọde mbufo ke Christ Jesus;+  nte ke mbufo ẹmenyene kpukpru n̄kpọ+ ke enye, ke ọyọhọ ukeme nditịn̄ ikọ ye ke ọyọhọ ifiọk,+  idem kpa nte ẹnamde ikọ ntiense oro ẹnọde ẹban̄a Christ+ enyene nsọn̄ọ ke otu mbufo,  ntre mbufo inanake baba enọ+ kiet, ke adan̄aemi mbufo ẹtiede ye ọkpọsọn̄ udọn̄ ẹbet ediyarade+ Ọbọn̄ nnyịn Jesus Christ.  Enye n̄ko ayanam mbufo ẹsọn̄ọ ẹda+ tutu esịm utịt, mbak ẹdinyene se ẹtịn̄de ẹdian mbufo+ ke usen+ Ọbọn̄ nnyịn Jesus Christ.+  Abasi edi anam-akpanikọ,+ emi okokotde mbufo ete ẹdibuana n̄kpọ+ ye Eyen esie Jesus Christ Ọbọn̄ nnyịn. 10  Mmada enyịn̄+ Ọbọn̄ nnyịn Jesus Christ n̄kpe mbufo ubọk,+ nditọete, nte mbufo kpukpru ẹnyene ikọ inua kiet,+ ubahade+ okûnyụn̄ odu ke otu mbufo, edi nte mbufo ẹkpekam ẹdiana kiet ke ekikere ye ke nte ẹkerede n̄kpọ.+ 11  Koro mbonufọk Chloe ẹma ẹditịn̄ ẹnọ+ mi ẹban̄a mbufo, nditọete mi, ẹte utọk odu ke otu mbufo. 12  Se ikọ mi ọwọrọde edi emi, nte ke mbufo owo kiet kiet ẹdọhọ ẹte: “Ami nda ye Paul,” “Edi ami nda ye Apollos,”+ “Edi ami nda ye Cephas,” “Edi ami nda ye Christ.” 13  Christ amabahade.+ Ndi Paul ke ẹkekọn̄ ke eto ẹnọ mbufo? Mîdịghe nte ẹkenịm mbufo baptism+ ke enyịn̄ Paul? 14  Mmọkọm Abasi nte ke n̄kenịmke owo mbufo ndomokiet baptism ibọhọke Crispus+ ye Gaius,+ 15  mbak owo edidọhọ ete ẹkenịm mbufo baptism ke enyịn̄ mi. 16  Ih, mma nnịm mbonufọk Stephanas+ baptism n̄ko. Amaedi mmọ eken, ntịghi m̀mê mma nnịm owo ndomokiet efen baptism. 17  Koro Christ ikosioho mi idọn̄+ ite n̄kenịm owo baptism, edi ọkọdọhọ n̄katan̄a eti mbụk, idịghe ye ifiọk udọnikọ,+ mbak eto ndutụhọ Christ edidi ke ikpîkpu. 18  Koro ikọ emi aban̄ade eto ndutụhọ edi ndisịme+ ọnọ mbon oro ẹtakde,+ edi edi odudu Abasi+ ọnọ nnyịn emi ẹnyan̄ade.+ 19  Koro ẹwet ẹte: “Nyanam ọniọn̄ mbon ọniọn̄ atak,+ nyonyụn̄ mfụmi+ eti ibuot mbon ikike.”+ 20  Enye owo ọniọn̄? Enye ewetn̄wed?+ Enye eneni eneni+ editịm n̄kpọ emi?+ Nte Abasi ikanamke ọniọn̄ ererimbot emi edi ndisịme?+ 21  Sia Abasi ekenịmde ke ọniọn̄ esie ete ererimbot ẹkûda ọniọn̄+ mmọ ẹfiọk Abasi,+ Abasi okụt ete ọfọn ndida ukwọrọikọ emi ẹsede ke ndisịme+ nnyan̄a mmọ emi ẹnịmde ke akpanikọ. 22  Koro mme Jew ẹben̄e mme idiọn̄ọ,+ mme Greek* ẹnyụn̄ ẹyom ọniọn̄;+ 23  edi nnyịn ikwọrọ Christ oro ẹkekọn̄de ke eto,+ emi edide n̄kpọ iduọ+ ọnọ mme Jew onyụn̄ edide ndisịme ọnọ mme idụt;+ 24  edi Christ edi odudu+ Abasi ye ọniọn̄+ Abasi ọnọ mbon oro ẹkotde ye mme Jew ye mme Greek. 25  Koro ndisịme n̄kpọ Abasi enyene ọniọn̄ akan mme owo, ndien mmeme n̄kpọ Abasi okop odudu akan mme owo.+ 26  Koro mbufo ẹmekụt ikot oro enye okotde mbufo, nditọete, ẹte ke enye ikokotke+ ediwak mbon oro mme owo ẹbatde nte mbon ọniọn̄,+ ikokotke ediwak mme okopodudu,+ ikokotke ediwak mbọn̄; 27  edi Abasi ekemek ndisịme n̄kpọ ererimbot,+ man enye ekpesuene mbon ọniọn̄; Abasi okonyụn̄ emek mmeme n̄kpọ ererimbot, man enye ekpesuene n̄kpọsọn̄ n̄kpọ;+ 28  ndien Abasi ekemek mme usụhọde n̄kpọ ererimbot ye mme n̄kpọ oro ẹfụmide, mme n̄kpọ oro mîdụhe,+ man enye akpanam mme n̄kpọ oro ẹdude ẹdi ikpîkpu,+ 29  mbak owo ndomokiet edibụre mbụre+ ke iso Abasi. 30  Edi oto ke enye ke mbufo ẹbuana n̄kpọ ye Christ Jesus, emi akabarede edi ọniọn̄+ emi otode Abasi ọnọ nnyịn, onyụn̄ edide edinen ido+ ye usụn̄ ndinam owo asana*+ onyụn̄ adade ufak osio owo ke ufụn;+ 31  man ekpedi nte ẹwetde ẹte: “Owo eke obụrede mbụre, yak enye obụre ke Jehovah.”+

Mme Ikọ Idakisọn̄

Eyedi emi aban̄a mbon oro ẹkesemde usem Greek, kpa mbon emi mîkedịghe mme Jew.
M̀mê, “edidian̄ade nnịm nnọ Abasi.”