Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Chronicle 5;1-26

5  Nditọ Reuben+ akpan Israel—koro enye ekedide akpan;+ edi sia enye akasabarede bed ete+ esie, ẹma ẹmen unen esie nte akpan ẹnọ nditọ Joseph+ eyen Israel, ntre owo ikesịnke enyịn̄ esie ke n̄wed udịm ubon ndinyene unen itie akpan.  Sia Judah+ okokopde odudu akan ke otu nditọete esie, enye emi edidide adausụn̄ oto enye ọwọrọ;+ edi unen itie akpan ekenyene Joseph+  nditọiren Reuben akpan Israel ẹkedi Hanoch+ ye Pallu,+ Hezron ye Carmi.+  Nditọ Joel ẹkedi Shemaiah eyen esie, Gog eyen esie, Shimei eyen esie,  Micah eyen esie, Reaiah eyen esie, Baal eyen esie,  Beerah eyen esie, emi Tilgath-pilneser+ edidem Assyria akatan̄de aka ntan̄mfep, enye ekedi ọbọn̄ nditọ Reuben.  Ndien nditọete esie, nte mme ubon mmọ ẹdide ke n̄wed udịm ubon,+ nte ekemde ye mme ubon emi mmọ ẹtode ẹkedi Jeiel etubom, ye Zechariah,  ye Bela eyen Azaz eyen Shema eyen Joel+—enye okodụn̄ ke Aroer+ ke n̄kan̄ Nebo+ ye Baal-meon.+  Enye okodụn̄ ke edem usiahautịn ke n̄kan̄ emi ẹsan̄ade ẹdụk wilderness ke n̄kan̄ Akpa Euphrates,+ koro ufene mmọ ẹkewakde ke isọn̄ Gilead.+ 10  Ndien ke eyo Saul mmọ ẹsiak ekọn̄ ye mme Hagrite,+ ẹnyụn̄ ekan mmọ; mmọ ẹnyụn̄ ẹdụn̄ ke tent ke ofụri idụt edem usiahautịn Gilead. 11  Ndien nditọ Gad+ ẹdụn̄ ke iso mmọ, ke isọn̄ Bashan+ tutu esịm Salecah.+ 12  Joel ekedi etubom mmọ, ndien Shapham edi udiana, ye Janai ye Shaphat ke Bashan. 13  Ndien nditọete mmọ emi ẹtode ufọk mme ete ete mmọ ẹkedi Michael ye Meshullam ye Sheba ye Jorai ye Jacan ye Zia ye Eber, owo itiaba. 14  Mmọ emi ẹkedi nditọ Abihail eyen Huri, eyen Jaroah, eyen Gilead, eyen Michael, eyen Jeshishai, eyen Jahdo, eyen Buz; 15  Ahi eyen Abdiel, eyen Guni, etubom ufọk mme ete ete mmọ. 16  Ndien mmọ ẹka iso ẹdụn̄ ke Gilead,+ ke Bashan+ ye ke n̄kpri obio+ esie ye ke kpukpru in̄wan̄ mbiet ufene Sharon tutu esịm utịt obio oro. 17  Ẹma ẹwet enyịn̄ kpukpru mmọ ẹsịn ke n̄wed udịm ubon eyo Jotham+ edidem Judah ye eke eyo Jeroboam+ edidem Israel. 18  Ndien nditọ Reuben ye nditọ Gad ye ubak esien Manasseh; mbon emi ẹkedide mbon uko,+ kpa irenowo emi ẹkekamade otuekọn̄ ye akan̄kan̄ emi ẹkenyụn̄ ẹfiọkde nditop utịgha, ẹnyụn̄ ẹbọde ukpep ekọn̄, ẹkedi owo tọsịn aba ye inan̄ ikie itiaba ye ata, emi ẹkewọrọde ẹka ekọn̄.+ 19  Mmọ ẹnyụn̄ ẹn̄wana ekọn̄ ye mme Hagrite,+ ye Jetur+ ye Naphish+ ye Nodab. 20  Ndien ẹn̄wam mmọ ndin̄wana ye mmọ tutu ẹyak mme Hagrite ye kpukpru mbon emi ẹkedude ye mmọ ẹsịn mmọ ke ubọk, koro mmọ ẹkesemede ẹnọ Abasi ẹyom un̄wam+ ke ekọn̄, enye onyụn̄ okop n̄kpeubọk mmọ koro mmọ ẹkebuọtde idem ye enye.+ 21  Ndien mmọ ẹtan̄ ufene mmọ ẹnyọn̄ọ,+ camel mmọ tọsịn aba ye duop, ye erọn̄ tọsịn ikie iba ye aba ye duop, ye ass tọsịn iba, ye owo* tọsịn ikie.+ 22  Ndien ẹwot ediwak owo, koro edi ata Abasi ekesịn en̄wan oro odu.+ Ndien mmọ ẹdụn̄ ke ebiet mmọ tutu esịm ini ntan̄mfep.+ 23  Amaedi nditọ ubak esien Manasseh,+ mmọ ẹkedụn̄ ke isọn̄ Bashan+ tutu esịm Baal-hermon+ ye Senir+ ye Obot Hermon.+ Mmọ ẹma ẹwak etieti. 24  Mmọ emi ẹkedi mme etubom ufọk mme ete ete mmọ: Epher ye Ishi ye Eliel ye Azriel ye Jeremiah ye Hodaviah ye Jahdiel, iren uko, n̄kpọsọn̄ owo, mbon etop, kpa mme etubom ufọk mme ete ete mmọ. 25  Ndien mmọ ikanamke akpanikọ inọ Abasi mme ete ete mmọ edi ẹma ẹnyene oburobụt ebuana+ ye mme abasi+ mbon emi ẹdụn̄de ke isọn̄ oro, emi Abasi okosobode efep ke iso mmọ. 26  Mmọdo Abasi Israel esịn Pul+ edidem Assyria+ spirit+ ke idem, kpa spirit Tilgath-pilneser+ edidem Assyria, ndien enye atan̄ nditọ Reuben ye nditọ Gad ye ubak esien Manasseh aka ntan̄mfep+ ke Halah+ ye Habor ye Hara ye Akpa Gozan man mmọ ẹdụn̄ do tutu esịm mfịn emi.

Mme Ikọ Idakisọn̄

At. Ed., “ukpọn̄ owo.”