Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Chronicle 18;1-17

18  Ndien edikem David an̄wana ye mbon Philistia+ onyụn̄ akan mmọ onyụn̄ ọbọ Gath+ ye n̄kpri obio esie ke ubọk mbon Philistia.  Ndien enye an̄wana onyụn̄ akan Moab,+ ndien mbon Moab ẹkabade ẹdi mme asan̄autom David emi ẹkpede utomo.+  Ndien David owot Hadadezer+ edidem Zobah+ ke Hamath+ nte enye akade ndisọn̄ọ odudu esie ke Akpa Euphrates.+  N̄ko, David ọbọ enye chariot tọsịn kiet ye mme awat enan̄-mbakara tọsịn itiaba ye owo tọsịn edịp emi ẹsan̄ade ke ukot.+ Ekem David okpok+ akpan esịp ke kpukpru enan̄-mbakara chariot,+ edi enye osụhọ enan̄-mbakara chariot ikie ke otu mmọ.  Ke ini Syria eke Damascus edide ndin̄wam Hadadezer edidem Zobah,+ David owot mbon Syria owo tọsịn edịp ye iba.  Ekem David obon mbonekọn̄ emi ẹdade ẹkpeme ke Syria eke Damascus,+ ndien mbon Syria ẹkabade ẹdi mme asan̄autom David emi ẹkpede utomo.+ Jehovah onyụn̄ anyan̄a David ke ebiet ekededi eke enye akade.+  N̄ko, David atan̄ mme ekara otuekọn̄+ gold oro mme asan̄autom Hadadezer ẹkekamade edi Jerusalem.+  David onyụn̄ atan̄ ata ediwak okpoho ke Tibhath+ ye ke Cun, mme obio Hadadezer. Ndien mme okpoho emi ke Solomon akada anam n̄kpọ udọn̄ mmọn̄ okpoho*+ ye mme adaha+ ye mme n̄kpoduoho okpoho.+  Ke ini Tou edidem Hamath+ okopde ke David ama akan ofụri udịmekọn̄ Hadadezer+ edidem Zobah, 10  enye ọsọsọp osio Hadoram+ eyen esie ọdọn̄ ke ọtọ Edidem David ete okobụp nte n̄kpọ etiede ye enye onyụn̄ ọkọm enye ke ndikan̄wana ye Hadadezer nnyụn̄ n̄wot enye, (koro Hadadezer ọkọbọde ukpep ekọn̄ man an̄wana ye Tou,) enye onyụn̄ asan̄a ye kpukpru orụk n̄kpọ gold ye silver+ ye okpoho. 11  Edidem David onyụn̄ anam mme n̄kpọ emi n̄ko ẹdi ndisana+ n̄kpọ ọnọ Jehovah ọkọrọ ye silver ye gold emi enye akatan̄de ke kpukpru mme idụt+ Edom ye Moab+ ye ke otu nditọ Ammon+ ye ke otu mbon Philistia+ ye ke Amalek.+ 12  Ndien Abishai+ eyen Zeruiah+ owot mbon Edom ke Itịghede Inụn̄,+ owo tọsịn efịteta. 13  Enye onyụn̄ obon mbonekọn̄ emi ẹdade ẹkpeme ke Edom, ndien ofụri mbon Edom ẹkabade ẹdi mme asan̄autom David.+ Jehovah onyụn̄ anyan̄a David ke ebiet ekededi eke enye akaka.+ 14  Ndien David akara ke ofụri Israel,+ enye onyụn̄ ekpe edinen ikpe ọnọ kpukpru ikọt esie.+ 15  Ndien Joab eyen Zeruiah ekedi etubom udịmekọn̄,+ Jehoshaphat+ eyen Ahilud onyụn̄ edi andiwet n̄kpọ nnịm. 16  Ndien Zadok+ eyen Ahitub ye Ahimelech+ eyen Abiathar ẹkedi mme oku, Shavsha+ onyụn̄ edi ewetn̄wed. 17  Benaiah+ eyen Jehoiada+ ekedi etubom mme Cherethite+ ye mme Pelethite;+ nditọ David ẹnyụn̄ ẹdi akpa ke otu mmọ emi ẹdude edidem ke n̄kan̄.+

Mme Ikọ Idakisọn̄

M̀mê, “inyan̄ okpoho.”