Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Chronicle 16;1-43

16  Ntem mmọ ẹmen ekebe ata Abasi ẹdụk ẹdi+ ẹdinịm ke esịt tent oro David okowụkde ọnọ enye;+ mmọ ẹnyụn̄ ẹwa edifọp uwa ye uwa ebuana ke iso ata Abasi.+  Ke ini David okụrede ndiwa edifọp uwa+ ye uwa ebuana,+ enye ada enyịn̄ Jehovah+ ọdiọn̄+ mme owo.  N̄ko-n̄ko, enye edeme+ ekara uyo ye uyo emi ẹdade date ẹnam ye ebok edisat grape ọnọ kpukpru nditọ Israel kiet kiet, iren ye iban.  Ekem enye enịm ndusụk nditọ Levi+ ke iso ekebe Jehovah nte mme asan̄autom,+ man mmọ ẹnam mme owo ẹti+ mme edinam Abasi ẹnyụn̄ ẹkọm+ ẹnyụn̄ ẹtoro+ Jehovah Abasi Israel,  Asaph+ ekedi etubom, udiana esie onyụn̄ edi Zechariah, ye Jeiel ye Shemiramoth ye Jehiel+ ye Mattithiah ye Eliab ye Benaiah ye Obed-edom ye Jeiel, mmọ ẹnyụn̄ ẹkama mme ndido urụk ye mme harp,+ ndien Asaph+ akama usan n̄kukwak ẹnyụn̄ ẹbre uyo ọsọn̄,+  ndien Benaiah ye Jahaziel kpa mme oku ẹfri obukpon̄+ kpukpru ini ke iso ekebe ediomi ata Abasi.  Usen oro ekedi akpa ini emi David ọkọnọde Asaph+ ye nditọete esie ikwọ*+ ndida n̄kọm+ Jehovah, ete:   “Mbufo ẹkọm Jehovah;+ ẹseme ẹkot enyịn̄ esie,+ Ẹnam ẹdiọn̄ọ mme edinam esie ke otu mme idụt!+   Ẹkwọ+ ẹnọ enye, ẹkwọ edinem ikwọ ẹnọ enye,+ Ẹkere ẹban̄a kpukpru mme utịbe edinam esie.+ 10  Mbufo ẹda edisana+ enyịn̄ esie ẹbụre mbụre,+ Yak esịt adat mmọ eke ẹyomde Jehovah.+ 11  Ẹyom Jehovah ye odudu esie,+ Ẹyom iso esie kpukpru ini.+ 12  Ẹti mme utịbe edinam emi enye anamde,+ Mme utịben̄kpọ esie ye mme ubiereikpe inua esie,+ 13  O eyen Israel kpa asan̄autom esie,+ Mbufo nditọ Jacob, ndimek ikọt esie.+ 14  Enye edi Jehovah Abasi nnyịn;+ mme ubiereikpe esie ẹmeyọhọ ofụri isọn̄.+ 15  Ẹti ediomi esie ke nsinsi,+ Ye ikọ ewụhọ esie, ke tọsịn emana,+ 16  Kpa ediomi emi enye akanamde ye Abraham,+ Ye un̄wọn̄ọ emi enye ọkọn̄wọn̄ọde ọnọ Isaac.+ 17  Kpa ikọ emi enye eketịn̄de ọnọ Jacob nte ewụhọ,+ Ọnọ Israel nte nsinsi ediomi,+ 18  Ọdọhọ ete, ‘Nyọnọ mbufo isọn̄ Canaan,+ Nte udeme eke ẹbaharede ẹnọ mbufo.’+ 19  Emi ekedi ke ini mbufo ẹkedide esisịt ke ibat,+ Ih, ata esisịt, ẹkenyụn̄ ẹdide isenowo ke esịt.+ 20  Ndien mmọ ẹyo ẹto ke idụt kiet ẹsịm idụt efen,+ Ẹto obio edidem kiet ẹsịm obio efen.+ 21  Enye ikayakke owo ekededi anam mmọ n̄kpọ ke utụk,+ Edi asua ọnọ ndidem ke ntak mmọ,+ 22  Ọdọhọ ete, ‘Mbufo ẹkûtụk mmọ emi nyetde aran, Ẹkûnyụn̄ ẹnam mme prọfet mi idiọkn̄kpọ ndomokiet.’+ 23  Kpukpru mbufo mbio isọn̄ ẹkwọ ikwọ ẹnọ Jehovah!+ Ke usen ke usen mbufo ẹtan̄a edinyan̄a emi enye ọnọde!+ 24  Ẹbụk ubọn̄ esie ke otu mme idụt, Ye mme utịbe edinam esie ke otu mbio obio. 25  Koro Jehovah okponde onyụn̄ enen̄erede odot se ẹtorode,+ Enye onyụn̄ odot se ẹbakde ẹkan kpukpru mme abasi eken.+ 26  Koro kpukpru mme abasi mme idụt ẹdi mme abasi eke mînyeneke ufọn.+ Amaedi Jehovah, edi enye akanam enyọn̄.+ 27  Uku ye ubọn̄ ẹdu enye ke iso,+ Odudu ye idatesịt ẹnyụn̄ ẹdu ke ebiet esie.+ 28  O Mbufo ubon mme idụt, ẹnọ Jehovah, Ẹnọ Jehovah ubọn̄ ẹnyụn̄ ẹtan̄a odudu esie.+ 29  Ẹnọ Jehovah ubọn̄ enyịn̄ esie,+ Ẹda enọ ẹdụk ẹdi enye ke iso.+ Ẹsịne edisana edisịnen̄kpọ ẹtuak ibuot ẹnọ Jehovah.+ 30  Mbufo kpukpru mbio isọn̄, ẹdu ke ọkpọsọn̄ ubiak ke ntak esie! N̄ko, ẹmesọn̄ọ ẹwụk isọn̄: Enye idisehekede tutu amama.+ 31  Yak mme heaven ẹdat esịt, yak isọn̄ onyụn̄ adara,+ Yak mmọ ẹnyụn̄ ẹdọhọ ke otu mme idụt ẹte, ‘Jehovah amakabade edi edidem!’+ 32  Yak inyan̄ okpot ye kpukpru se iyọhọde ke esịt,+ Yak in̄wan̄ adara ye kpukpru se idude ke esịt.+ 33  Yak mme eto akai ẹnyụn̄ ẹsio n̄kpo idara ẹnọ Jehovah,+ Koro enye emedi ndikpe ikpe nnọ isọn̄.+ 34  Mbufo ẹkọm Jehovah, koro enye ọfọnde,+ Koro ima-mfọnido esie odude ke nsinsi.+ 35  Mbufo ẹnyụn̄ ẹdọhọ ẹte, ‘Nyan̄a nnyịn, O Abasi edinyan̄a nnyịn,+ Nyụn̄ nyan̄a nnyịn sio ke otu mme idụt+ bon ọtọkiet, Man ikọm edisana enyịn̄ fo,+ inyụn̄ itan̄a itoro+ fo idara idara. 36  Yak itoro enyene Jehovah Abasi Israel ke nsinsi nsinsi.’”+ Ndien kpukpru owo ẹbọrọ ẹte, “Amen!” ẹnyụn̄ ẹtoro Jehovah.+ 37  Ekem enye ọkpọn̄ Asaph+ ye nditọete esie ke iso ekebe ediomi Jehovah man ẹsan̄a utom+ ke iso Ekebe oro kpukpru ini, nte ẹkeyomde ẹnam ke usen ke usen;+ 38  ye Obed-edom ye nditọete esie, owo ata ye itiaita; ye Obed-edom eyen Jeduthun ye Hosah nte mme ekpeme-inuaotop; 39  ye Zadok+ oku ye nditọete esie kpa mme oku ke iso tent utuakibuot Jehovah ke edikon̄ ebiet oro odude ke Gibeon,+ 40  man ẹwa edifọp uwa enọ Jehovah ke itieuwa emi ẹsiwade edifọp uwa kpukpru ini ke usenubọk ye mbubreyo ẹnyụn̄ ẹnam kpukpru se ẹwetde ke ibet Jehovah oro enye okowụkde Israel;+ 41  Heman+ ye Jeduthun ẹnyụn̄ ẹdu ye mmọ ọkọrọ ye mbon eken oro ẹkemekde emi ẹkesiakde+ mmọ enyịn̄ ndikọm Jehovah,+ koro “ima-mfọnido esie odude ke nsinsi”;+ 42  ndien Heman+ ye Jeduthun+ ẹdiana ye mmọ ẹfri obukpon̄+ ẹnyụn̄ ẹkwak usan n̄kukwak ẹnyụn̄ ẹbre mme n̄kpọ ubre ikwọ ẹnọ ata Abasi; nditọ+ Jeduthun ẹnyụn̄ ẹda ke inuaotop. 43  Ndien kpukpru owo ẹnyọn̄ọ ẹka ufọk mmọ kiet kiet. Ndien David ọwọn̄ọde ọkọdiọn̄ ufọk esie.+

Mme Ikọ Idakisọn̄

M̀mê, “etịbe.”