Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Chronicle 13;1-14

13  Ndien David osop ibuot ye mme etubom mme tọsịn ye etubom mme ikie ye kpukpru mme adausụn̄;+  David onyụn̄ ọdọhọ ofụri esop Israel ete: “Edieke ọfọnde mbufo ke enyịn, edieke Jehovah Abasi nnyịn onyụn̄ enyịmede, ẹyak nnyịn idọn̄ utom inọ nditọete nnyịn emi ẹsụhọde ke ofụri isọn̄ Israel+ ọkọrọ ye mme oku+ ye nditọ Levi+ emi ẹdude ke mme obio+ mmọ ye mme in̄wan̄ mbiet ufene mmọ, man mmọ ẹsop idem ọtọkiet ẹdi ẹbịne nnyịn.  Ndien ẹyak nnyịn imen ekebe+ Abasi nnyịn iwọn̄ọde idinịm ikpere idem nnyịn.” Koro mmọ mîkesehe iban̄a enye ke eyo Saul.+  Ntre ofụri esop ẹdọhọ yak ẹnam ntre, koro n̄kpọ emi ọfọnde kpukpru owo ke enyịn.+  Ntem David osop+ ofụri Israel ọtọkiet ọtọn̄ọde ke Akpa Egypt+ tutu esịm ebiet emi ẹtode ẹdụk Hamath,+ man ẹkemen ekebe+ ata Abasi ke Kiriath-jearim.+  Ndien David ye ofụri Israel ẹdọk ẹka Baalah,+ ẹkesịm Kiriath-jearim, emi enyenede Judah, man ẹkemen ekebe ata Abasi, Jehovah, emi etiede ke mme cherub,+ emi ẹkotde enyịn̄ esie ẹdian.  Ndien mmọ ẹmen ekebe ata Abasi oro ke ufọk Abinadab ẹdori ke obufa ukpatn̄kpọ,+ ndien Uzzah ye Ahio+ ẹda ukpatn̄kpọ oro usụn̄.  Ndien David ye ofụri Israel ẹdara+ ke iso ata Abasi ke ofụri ukeme mmọ, ẹkwọ ikwọ+ ẹnyụn̄ ẹbre harp+ ye ndido urụk+ ye ekọmọ+ ye usan n̄kukwak ẹnyụn̄ ẹfri obukpon̄.+  Ndien mmọ ẹsan̄a tutu ẹdisịm ọtọ udịghi wheat Chidon,+ ndien Uzzah osio ubọk man omụm Ekebe+ oro, koro nyara enan̄ oro ẹma ẹkpere ndinam enye odorode ọduọ. 10  Ntem Jehovah ayat esịt etieti ye Uzzah, onyụn̄ ọtọ enye ọduọk ke isọn̄ koro enye okosiode ubọk omụm Ekebe+ oro, ndien enye akpa ana do ke iso Abasi.+ 11  Ndien David ayat esịt+ koro Jehovah okobụmerede owot Uzzah; ndien ẹkot ebiet oro Perez-uzzah tutu esịm mfịn emi. 12  Ndien ndịk ata Abasi anam David ke usen oro,+ enye onyụn̄ ọdọhọ ete: “Ndisan̄a didie mmen ekebe ata Abasi emi nnyọn̄ ọtọ mi?”+ 13  David inyụn̄ imenke Ekebe oro inyọn̄ Obio David, edi emen enye awaha ekenịm ke ufọk Obed-edom+ owo Gath.+ 14  Ndien ekebe ata Abasi odu ye mbonufọk Obed-edom, ke ufọk+ esie ke ọfiọn̄ ita; ndien Jehovah ọdiọn̄+ mbonufọk Obed-edom ye kpukpru se enye enyenede.

Mme Ikọ Idakisọn̄