Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Chronicle 12;1-40

12  Ndien mmọ emi ẹkedi ẹbịne David ke Ziklag+ ke ini enye mîkenyeneke ifụre ndiwọrọ nsan̄a ke ntak Saul+ eyen Kish; ndien mmọ ẹkedu ke otu n̄kpọsọn̄ irenowo,+ kpa mbon emi ẹken̄wamde ke ndin̄wana ekọn̄,  emi ẹkamade utịgha, ẹnyụn̄ ẹkemede ndida ubọk nnasia ye ubọk ufien+ ntop itiat+ m̀mê ndida ntop idan̄+ ke utịgha.+ Mmọ ẹkedi nditọete Saul, mbon Benjamin.  Ndien mme etubom ẹkedi Ahiezer ye Joash nditọ Shemaah owo Gibeah,+ ye Jeziel ye Pelet nditọ Azmaveth,+ ye Beracah ye Jehu owo Anathoth,+  ye Ishmaiah owo Gibeon,+ ọkpọsọn̄ owo ke otu owo edịp ye duop+ emi onyụn̄ edide etubom owo edịp ye duop oro; ye Jeremiah ye Jahaziel ye Johanan ye Jozabad owo Gederah,+  Eluzai ye Jerimoth ye Bealiah ye Shemariah ye Shephatiah owo Hariph,  Elkanah ye Isshiah ye Azarel ye Joezer ye Jashobeam, kpa nditọ Korah,+  ye Joelah ye Zebadiah nditọ Jeroham eke Gedor.  Ndien ama odu ndusụk nditọ Gad emi ẹkedian̄arede ẹtiene David ke ebiet emi ọsọn̄de owo ndisịm ke wilderness,+ kpa n̄kpọsọn̄ iren uko, mbonekọn̄, emi ẹtịmde akwa otuekọn̄ ye eduat ẹnịm ẹben̄e ekọn̄,+ iso mmọ ẹbiet iso ekpe,+ mmọ ẹnyụn̄ ẹsọp usọp+ nte akan̄ ke mme enyọn̄ obot.  Ezer ekedi etubom, Obadiah edi udiana, Eliab edi ọyọhọ ita, 10  Mishmannah edi ọyọhọ inan̄, Jeremiah ọyọhọ ition, 11  Attai ọyọhọ itiokiet, Eliel ọyọhọ itiaba, 12  Johanan ọyọhọ itiaita, Elzabad ọyọhọ usụkkiet, 13  Jeremiah ọyọhọ duop, Machbannai ọyọhọ duopekiet. 14  Mmọ emi ẹketo ubon nditọ Gad,+ kpa mme etubom udịmekọn̄. Andikpri n̄kan ama ekem ubọk en̄wan ye owo ikie, andikpon n̄kan onyụn̄ ekem ubọk en̄wan ye owo tọsịn.+ 15  Mmọ emi ẹkesan̄a ẹbe Jordan+ ke akpa ọfiọn̄ ke ini mmọn̄ ọtọde ọyọhọ ofụri mben+ esie, ndien mmọ ẹbịn kpukpru mbon oro ẹkedude ke unaisọn̄ itịghede ẹdọn̄ ke edem usiahautịn ye ke edem usoputịn. 16  Ndien ndusụk nditọ Benjamin ye nditọ Judah ẹdi ẹtiene David ke ebiet emi ọsọn̄de owo ndisịm.+ 17  Ndien David ọwọrọ etiene mmọ onyụn̄ ọkọdọhọ mmọ ete: “Edieke edide mbufo ẹdi ke emem+ man ẹdin̄wam mi, esịt mi ye esịt mbufo ẹyedi kiet.+ Edi edieke edide mbufo ẹdi man ẹdida mi ẹnọ mme asua mi ke ini ubọk mi edide afia,+ yak Abasi+ mme ete ete nnyịn okụt onyụn̄ ekpe.”+ 18  Ndien spirit+ edidoro Amasai ke idem, kpa etubom owo edịp ye duop oro, ndien enye ọdọhọ ete: “Nnyịn idi okwo, O David, nnyịn inyụn̄ ida ye afo,+ O eyen Jesse.  Emem, emem akpakam odu ye afo, emem onyụn̄ odu ye enye emi an̄wamde fi,  Koro Abasi fo aman̄wam fi.”+ Ntre David adara mmọ onyụn̄ ada mmọ esịn ke otu mme etubom udịmekọn̄.+ 19  Ndien ama odu ndusụk mbon esien Manasseh emi ẹkedian̄arede ẹtiene David ke ini enye akasan̄ade ye mbon Philistia+ edi ndin̄wana ekọn̄ ye Saul; edi enye ikan̄wamke mmọ, koro mbọn̄+ Philistia emi ẹdianade kiet ẹkebịnde enye ẹkenyụn̄ ẹdọhọde ẹte: “Enye ayada nnyịn ibuot ọnọ onyụn̄ efehe ebịne ọbọn̄ esie Saul.”+ 20  Ke ini enye esịmde Ziklag+ mme owo ẹto esien Manasseh ẹdian̄ade ẹtiene enye, oro edi, Adnah ye Jozabad ye Jediael ye Michael ye Jozabad ye Elihu ye Zillethai, kpa mme etubom+ mme tọsịn oro ẹkedide mbon esien Manasseh. 21  Ndien mmọ ẹn̄wam David ndin̄wana ye otu mbon n̄wo,+ koro kpukpru mmọ ẹkedide n̄kpọsọn̄+ iren uko, mmọ ẹnyụn̄ ẹkabade ẹdi mme etubom ekọn̄; 22  koro mme owo ẹkedide ẹtiene+ David ke usen ke usen ndin̄wam enye, tutu mmọ ẹkabade ẹdi akwa+ udịmekọn̄, nte udịmekọn̄ Abasi.+ 23  Ndien emi ekedi ibat mme etubom emi ẹketịmde idem ẹnọ ekọn̄, kpa mbon emi ẹketienede David ke Hebron+ ndimen itie edidem+ Saul nnọ enye kpa nte Jehovah okowụkde.+ 24  Nditọ Judah emi ẹketịmde idem ẹnọ ekọn̄, emi ẹkenyụn̄ ẹkamade akwa otuekọn̄ ye eduat ẹkedi owo tọsịn itiokiet ikie itiaita. 25  Ke otu nditọ Simeon, n̄kpọsọn̄ mbon uko ke udịmekọn̄ ẹkedi owo tọsịn itiaba ikie kiet. 26  Ke otu nditọ Levi, owo tọsịn inan̄ ikie itiokiet. 27  Ndien Jehoiada+ ekedi etubom ke otu nditọ Aaron,+ owo tọsịn ita ikie itiaba ẹnyụn̄ ẹdu ye enye. 28  N̄ko Zadok+ akparawa kiet, kpa ọkpọsọn̄ owo uko, ye ufọk mme ete ete esie, ẹkedi mme etubom, owo edịp ye iba. 29  Ndien nditọ Benjamin,+ kpa nditọete Saul,+ ẹkedi owo tọsịn ita, tutu esịm ini oro ata ediwak mmọ ke ẹketịn̄ enyịn ẹkpeme ufọk Saul. 30  Ndien nditọ Ephraim ẹkedi owo tọsịn edịp ikie itiaita, n̄kpọsọn̄+ iren uko, mbon etop, ke ufọk mme ete ete mmọ. 31  Ndien ke ubak esien Manasseh,+ ẹma ẹsiak enyịn̄ owo tọsịn efịteta ndika n̄kenịm David ke edidem. 32  Ndien ke otu nditọ Issachar,+ mme etubom emi ẹkenyenede ifiọk ndidiọn̄ọ mme ini+ nnyụn̄ mfiọk se Israel ẹkpenamde,+ ẹkedi owo ikie iba ndien kpukpru nditọete mmọ ẹkenam uyo mmọ. 33  Ndien mbon emi ẹkewọrọde ẹka ekọn̄ ke esien Zebulun,+ emi ẹkedude ke udịmekọn̄ ẹnyụn̄ ẹkamade kpukpru n̄kpọekọn̄ ẹkedi owo tọsịn aba ye duop, ndien mmọ ẹbụn̄ọ ẹtiene David ye esịt kiet. 34  Ndien ke esien Naphtali+ mme etubom ẹkedi owo tọsịn kiet, mmọ emi ẹkedude ye mmọ, ẹkenyụn̄ ẹkamade akwa otuekọn̄ ye eduat ẹkedi owo tọsịn edịp ye efịteba. 35  Ndien ke esien Dan mbon emi ẹketịmde idem ẹnọ ekọn̄ ẹkedi owo tọsịn edịp ye itiaita ikie itiokiet. 36  Ndien ke esien Asher+ mbon oro ẹkewọrọde ẹka nditịm idem nnọ ekọn̄ ẹkedi owo tọsịn aba. 37  Ndien ke edem Jordan+ oko, esien nditọ Reuben ye esien nditọ Gad ye ubak esien Manasseh, mbon emi ẹkekamade kpukpru n̄kpọekọn̄ udịmekọn̄ oro ẹkedi owo tọsịn ikie ye edịp. 38  Kpukpru owo emi ẹkedi mbonekọn̄, emi ẹdade ọtọkiet ke udịmekọn̄; ndien mmọ ẹdi Hebron ke ofụri esịt+ ndinịm David ke edidem nnọ ofụri Israel; n̄ko mbon Israel emi ẹkesụhọde ẹkenyene esịt kiet ndinịm David ke edidem.+ 39  Mmọ ẹnyụn̄ ẹka iso ẹdu ye David ke usen ita, ẹdia n̄kpọ ẹnyụn̄ ẹn̄wọn̄ n̄kpọ,+ koro nditọete mmọ ẹma ẹnam n̄kpọ ẹben̄e mmọ. 40  Ndien n̄ko mbon oro ẹdude ẹkpere mmọ, tutu esịm Issachar+ ye Zebulun+ ye Naphtali,+ ẹda ass+ ye camel ye mule ye enan̄ ẹbiom ata ediwak udia ye mme udia emi ẹdade ndomuyo+ ẹnam ye ebok fig+ ye ebok edisat grape*+ ye wine+ ye aran+ ye enan̄+ ye erọn̄+ ẹdi, koro idatesịt+ okodude ke Israel.

Mme Ikọ Idakisọn̄

“Mfri vine.”