Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Chronicle 11;1-47

11  Ekem kpukpru nditọ Israel+ ẹsop idem ọtọkiet ke ọtọ David ke Hebron,+ ẹnyụn̄ ẹdọhọ ẹte: “Sese! Nnyịn idi ọkpọ fo ye obụk fo.+  N̄kpọn̄ emi ekebede ye mbemiso oro, idem ke adan̄aemi Saul ekedide edidem, afo ekesida Israel ọwọrọ onyụn̄ ada odụk;+ ndien Jehovah Abasi fo ama ọdọhọ fi ete, ‘Afo eyekpeme+ ikọt mi Israel, afo oyonyụn̄ akabade edi adausụn̄+ ọnọ ikọt mi Israel.’”  Mmọdo kpukpru mbiowo Israel ẹdi ẹbịne edidem ke Hebron, ndien David anam ediomi ye mmọ ke Hebron ke iso Jehovah; ekem mmọ ẹyet David aran+ nte edidem Israel, nte ekemde ye ikọ+ emi Jehovah eketịn̄de ebe ke Samuel.+  Ekem David ye ofụri Israel ẹka Jerusalem,+ oro edi isọn̄ Jebus,+ emi mbon Jebus+ ẹdụn̄de.  Ndien mme andidụn̄ Jebus ẹdọhọ David ẹte: “Afo ududụkke mi.”+ Edi, David ada ọkpọsọn̄ ebiet Zion,+ oro edi, Obio David,+ enyene.  Ntre David ọdọhọ ete: “Owo ekededi eke edibemde iso akan̄wana+ ye mbon Jebus, enye ayakabade edi etubom ye ọbọn̄.” Ndien Joab+ eyen Zeruiah ebem iso ọdọk aka, onyụn̄ akabade edi etubom.  Ndien David aka okodụn̄ ke ebiet emi ọsọn̄de owo ndisịm.+ Ntak edi oro ẹkotde ebiet oro Obio David.+  Ndien enye ọtọn̄ọ ndibọp n̄kpọ n̄kanade obio oro, ọtọn̄ọde ke Edikon̄ Ebiet tutu esịm mme ikpehe emi ẹkande ẹkụk, ndien Joab ọdiọn̄+ mme ikpehe eken ke obio.  Ndien David ọdọdiọn̄ okpon,+ koro Jehovah mme udịm odude ye enye.+ 10  Ndien mmọ emi ẹdi mme etubom n̄kpọsọn̄+ owo emi David ekenyenede, emi ẹkesọn̄ọde ẹda ye enye ye ofụri Israel ke itie edidem esie, ke ndinam enye edidem nte ekemde ye ikọ+ emi Jehovah eketịn̄de aban̄a Israel. 11  Ndien enyịn̄ n̄kpọsọn̄ owo emi David ekenyenede ẹdi emi: Jashobeam+ eyen Hachmoni, emi edide etubom ọnọ owo ita oro. Enye akada eduat esie owot se ibede owo ikie ita ini kiet.+ 12  Ndien owo en̄wen ekedi Eleazar+ eyen Dodo owo ubon Ahohi.+ Enye ama esịne ke otu n̄kpọsọn̄ owo ita oro.+ 13  Enye okodu ye David ke Pasdammim,+ ke ebiet emi mbon Philistia ẹkesopde idem ndin̄wana ekọn̄. Ndien in̄wan̄ kiet ama odu emi ẹketọde barley ẹyọhọ, mme owo ẹnyụn̄ ẹfen̄e ke ntak mbon Philistia.+ 14  Edi enye atuak ada ke ufọt in̄wan̄ oro onyụn̄ afiak ọbọ enye, ndien owot mbon Philistia tutu Jehovah ọnọ+ mmọ akwa edinyan̄a.+ 15  Ndien owo ita ke otu mme etubom edịp ye duop+ oro ẹsụhọde ẹka akwa itiat, ẹtiene David ke abaitiat Adullam,+ ke adan̄aemi udịmekọn̄ Philistia ẹnamde nna ke unaisọn̄ itịghede Rephaim.+ 16  Adan̄aoro, David okodu ke ebiet emi ọsọn̄de ndisịm;+ ndien mbon ukpeme Philistia+ ẹkedu ini oro ke Bethlehem. 17  Ekem David etịn̄ se enye oyomde ete: “Ubaha nte n̄kpokụtde mmọn̄ emi otode obube udọn̄ mmọn̄ Bethlehem,+ emi odude ke inuaotop, n̄n̄wọn̄!”+ 18  Ntem owo ita oro ẹsiak itienna mbon Philistia ẹdụk ẹkekoi mmọn̄ ke obube udọn̄ mmọn̄ Bethlehem oro odude ke inuaotop, ẹda ẹsọk David.+ Ndien David inyịmeke ndin̄wọn̄, edi an̄wan̄a enye ọduọk ọnọ Jehovah.+ 19  Enye onyụn̄ ọdọhọ ete: “Nsa mi-o, ndinamke utọ n̄kpọ emi ke ntak Abasi mi! Nte ndin̄wọn̄ iyịp+ mbon emi ẹkesịnde ukpọn̄ mmọ ke itiendịk? Koro mmọ ẹkesịnde ukpọn̄ mmọ ke itiendịk ndikada enye ndi.” Ndien enye inyịmeke ndin̄wọn̄ mmọn̄ oro.+ Mme n̄kpọ emi ke n̄kpọsọn̄ iren ita oro ẹkenam. 20  Amaedi Abishai+ eyeneka Joab,+ enye ekedi etubom owo ita emi; enye akada eduat esie owot se iwakde ibe owo ikie ita, enye ama onyụn̄ ọwọrọ etop nte owo mbita oko. 21  Enye ama ọwọrọ etop akan owo iba eken, onyụn̄ akabade edi etubom mmọ; edi enye ikemenke udomo+ ye akpa owo ita oko. 22  Amaedi Benaiah+ eyen Jehoiada,+ kpa eyen owo uko emi akanamde ediwak n̄kpọ ke Kabzeel,+ enye okowot nditọiren Ariel iba, kpa owo Moab; enye okonyụn̄ osụhọde okowot ekpe+ ke esịt obube mmọn̄ ke usen emi snow ekedepde. 23  Edi enye okonyụn̄ owot owo Egypt, ata anyan owo emi ọkọniọn̄de cubit ition.+ Owo Egypt oro akakama eduat+ oro ebietde eto mme ọdọk-ọfọn̄; edi enye akama eto osụhọde ebịne enye onyụn̄ akawabade owo Egypt oro eduat ke ubọk ọbọ onyụn̄ ada eduat esie owot enye.+ 24  Mme n̄kpọ emi ke Benaiah eyen Jehoiada akanam, enye ama onyụn̄ ọwọrọ etop ke otu n̄kpọsọn̄ iren ita oro. 25  Okposụkedi enye ọkọwọrọde etop akan ke otu owo edịp ye duop eken, enye ikemenke udomo ye akpa owo ita oko.+ Nte ededi, David anam enye edi etubom mbon ukpeme esie.+ 26  Ndien n̄kpọsọn̄ iren emi ẹkesịnede ke udịmekọn̄ oro ẹkedi Asahel+ eyeneka Joab, Elhanan+ eyen Dodo ke Bethlehem, 27  Shammoth+ owo Harorite, Helez owo Pelonite,+ 28  Ira+ eyen Ikkesh owo Tekoa, Abi-ezer owo Anathoth,+ 29  Sibbecai+ owo Hushah, Ilai owo ubon Ahohi,+ 30  Maharai+ owo Netophah,+ Heled+ eyen Baanah owo Netophah, 31  Ithai eyen Ribai+ ke Gibeah+ eke nditọ Benjamin,+ Benaiah owo Pirathon,+ 32  Hurai emi otode itịghede mmọn̄ Gaash,+ Abiel owo Beth-arabah, 33  Azmaveth owo Bahurim,+ Eliahba owo Shaalbim, 34  nditọ Hashem owo Gimzo, Jonathan+ eyen Shagee owo Hararite, 35  Ahiam eyen Sacar+ owo Hararite, Eliphal+ eyen Ur, 36  Hepher owo Mecherah, Ahijah owo Pelonite, 37  Hezro owo Carmel,+ Naarai eyen Ezbai, 38  Joel eyenete Nathan,+ Mibhar eyen Hagri, 39  Zelek owo Ammon, Naharai owo Beeroth, akama-n̄kpọekọn̄ Joab eyen Zeruiah, 40  Ira owo Ithrite, Gareb+ owo Ithrite, 41  Uriah+ owo Hittite,+ Zabad eyen Ahlai, 42  Adina eyen Shiza owo Reuben, etubom nditọ Reuben, owo edịp ye duop ẹdu ye enye; 43  Hanan eyen Maacah, ye Joshaphat owo Mithnite, 44  Uzzia owo Ashterathite, Shama ye Jeiel, nditọ Hotham owo Aroer, 45  Jediael eyen Shimri, ye Joha owo Tizite eyenete esie, 46  Eliel owo Mahavite, ye Jeribai ye Joshaviah nditọ Elnaam, ye Ithmah owo Moab. 47  Eliel ye Obed ye Jaasiel owo Mezobaite.

Mme Ikọ Idakisọn̄