Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Chronicle 10;1-14

10  Ekem mbon Philistia+ ẹn̄wana ekọn̄ ye Israel; ndien mbon Israel ẹfen̄e ke iso mbon Philistia ẹnyụn̄ ẹkpan̄a afai ke Obot Gilboa.+  Ndien mbon Philistia ẹta ẹdiana Saul ye nditọiren esie; mbon Philistia ẹnyụn̄ ẹwot Jonathan+ ye Abinadab+ ye Malchi-shua,+ nditọiren Saul.+  Ndien ekọn̄ ọsọn̄ akan Saul; ke akpatre mbon utịgha ẹkụt enye, ẹnyụn̄ ẹtịgha enye ẹnọ unan.+  Ndien Saul ọdọhọ akama-n̄kpọekọn̄+ esie ete: “Sio akan̄kan̄+ fo kịm mi wot, mbak mbon edụt+ emi ẹdidi ẹdisuene mi.”+ Edi akama-n̄kpọekọn̄ esie inyịmeke,+ koro ndịk anamde enye etieti. Ntre Saul osio akan̄kan̄ esie ọduọ ke esịt akpa.+  Ke ini akama-n̄kpọekọn̄ Saul okụtde ke enye akpa, enye n̄ko ọduọ ke akan̄kan̄ akpa.+  Ntem ke Saul ye nditọiren esie ita ẹkpan̄a,+ ndien ofụri mbonufọk esie ẹkpan̄a ọtọkiet.  Ke ini nditọ Israel emi ẹkedude ke unaisọn̄ itịghede ẹkụtde ke mbon Israel ẹfen̄e ye nte ke Saul ye nditọiren esie ẹkpan̄a, mmọ ẹwọn̄ọ ẹkpọn̄ mme obio mmọ ẹfen̄e;+ ekem mbon Philistia ẹdi ẹdidụn̄ ke esịt.  Ndien ke ndan̄nsiere ke ini mbon Philistia ẹdide ndision̄o+ mbon oro ẹkewotde se mmọ ẹkesịnede, mmọ ẹkụt Saul ye nditọiren esie ẹduọn̄ọde ẹkpan̄a ke Obot Gilboa.+  Ntre mmọ ẹsion̄o enye se enye ekesịnede, ẹbịghi enye ibuot+ ẹnyụn̄ ẹmen n̄kpọekọn̄ esie, ndien ẹdọn̄ ẹka ofụri isọn̄ Philistia man ẹketọt+ ndem+ mmọ ye mbio obio. 10  Ke akpatre mmọ ẹmen n̄kpọekọn̄ esie ẹkenịm ke ufọk abasi+ mmọ, ẹnyụn̄ ẹkọn̄ n̄kpọkpọrọ esie ẹdian ke ufọk Dagon.+ 11  Ndien kpukpru mbon Jabesh+ ke Gilead ẹkop ofụri se mbon Philistia ẹkenamde Saul.+ 12  Ntre kpukpru mbon uko ẹdaha ke enyọn̄ ẹkekọn̄ọde okpo Saul ye okpo nditọiren esie ẹda ẹdi Jabesh ẹdibụk ọkpọ mmọ ke idak akamba eto+ kiet ke Jabesh;+ mmọ ẹnyụn̄ ẹtre udia+ usen itiaba. 13  Ntem Saul akpa ke ntak unana edinam akpanikọ esie koro enye mîkọbuọtke+ idem ye Jehovah ke nditre ndinịm ikọ Jehovah okonyụn̄ akade okobụp obụp ekpo.+ 14  Enye ikonyụn̄ ibụpke uyo Jehovah.+ Mmọdo enye owot enye onyụn̄ ayak itie edidem ọnọ David eyen Jesse.+

Mme Ikọ Idakisọn̄