Ke mbono ofụri isua Watch Tower Bible and Tract Society of Pennsylvania, ke October 6, 2018, ẹma ẹsio mbufa n̄wed iba. Kiet ekere Pure Worship of Jehovah​Restored At Last!, onyụn̄ aban̄a se idude ke n̄wed Ezekiel. Enye eken edi ekpri ediye n̄wed emi ẹkotde Sịn Idem Kpep Ndikot N̄wed Nnọ Owo Nnyụn̄ N̄kpep Owo N̄kpọ. Ẹsio enye man an̄wam Mme Ntiense Jehovah ẹnen̄ede ẹdiọn̄ọ ndikot n̄wed ye ndikpep owo n̄kpọ.

N̄wed Pure Worship oro odu ke Ikọmbakara, edi n̄wed Sịn Idem Kpep Ndikot N̄wed Nnọ Owo Nnyụn̄ N̄kpep Owo N̄kpọ odu ke ediwak usem. Emekeme ndikụt mmọ mbiba ke jw.org ye ke JW Library. Nte ini akade, n̄wed Pure Worship oyodu ke nsio nsio usem n̄ko.

Ẹma ẹtịn̄ ke mbono oro ke Otu Emi Ẹsede Ẹban̄a Utom Mme Jehovah ẹnọ unyịme ẹte ẹnen̄ede ẹdiọn̄ mme ikpehe Intanet ye mme application nnyịn. Ẹyekpụhọ n̄kpọ ke jw.org man se idude ke edinam TV Mme Ntiense Jehovah ye ke Watchtower EKE INTANET ẹkeme ndidu do n̄ko. Ẹyenyụn̄ ẹnam JW Library n̄ko ekeme ndidọn̄ọ n̄kpọ Watchtower Library ye n̄kpọ jw.org. Obufa jw.org emi ye obufa JW Library emi ẹdika nditie ata ukem ukem; oyonyụn̄ emem utom owo ndisọp n̄kụt se enye oyomde. Ke uwụtn̄kpọ, ẹnam ediwak n̄kpọ okûwak n̄kukọhọ man emem utom owo ndikụt se enye oyoyom. Ẹma ẹtọtọn̄ọ utom ke esịt mmọ sia idịghe ekpri utom ke edi. Ọyọtọn̄ọ ndikụt ukpụhọde ẹnamde ke ufan̄ ọfiọn̄ ifan̄.