Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ikọn̄ Iwakke Aba, Usem Awak

Ikọn̄ Iwakke Aba, Usem Awak

Ọtọn̄ọde ke January 2013, nsiondi Enyọn̄-Ukpeme eke ofụri owo edidi page 16 utu ke page 32, ndien Edemede! emi itọn̄ọde eke Ikọ Efịk ọfiọn̄ emi edinyụn̄ idi page 16.

Sia enye oro imịn̄de-mịn̄ mîdiwakke ikọn̄ aba nte ekesiwakde, iyekeme ndikabade enye ke ata ediwak usem idahaemi. Idahaemi ẹmịn̄ Ẹdemede! ke usem 84 ẹnyụn̄ ẹmịn̄ Enyọn̄-Ukpeme ke usem 195.

Edi nsiondi Enyọn̄-Ukpeme eke ukpepn̄kpọ edisụk idi page 32.

Enye Oro Imịn̄de-Mịn̄ Iwakke Ikọn̄, Eke Intanet Awak

Ukpụhọde emi inamde mi eyenen̄ede otụk se idọn̄de ke ikpehe Intanet www.jw.org/efi. Yak itịn̄ usụn̄ iba emi edide ntre.

  1. Ndusụk ibuotikọ emi ikesimịn̄de-mịn̄ ẹdidu idahaemi ke ikpehe Intanet emi kpọt. Ke uwụtn̄kpọ, “Eke N̄kparawa Owo,” “Ukpepn̄kpọ N̄kpri Nditọ,” ye edinam ukụre ukpep Gilead emi ikesimịn̄de ke nsiondi Enyọn̄-Ukpeme eke ofụri owo ẹdidu idahaemi ke Intanet. “Se Ubon Ẹkpenemede” ye “N̄kparawa Owo Ẹbụp Ẹte . . .” emi ẹkesidude ke Ẹdemede! edidu idahaemi ke Intanet.

  2. Iyanam ẹkeme ndikụbọde Enyọn̄-Ukpeme ye Ẹdemede! ke nsio nsio usụn̄ ke Intanet. Ke ediwak isua idahaemi, ẹkesida PDF ẹkụbọde Enyọn̄-Ukpeme ye Ẹdemede! ke ikpehe Intanet www.jw.org. Idahaemi iyanam ẹkeme ndikụbọde Enyọn̄-Ukpeme ye Ẹdemede! ke HTML man emem fi utom ndida kọmputa m̀mê mme n̄kpọ eken n̄kụbọde nnyụn̄ n̄kot mmọ. Afo eyekeme ndida emi n̄ko n̄kụbọde mme n̄wed nnyịn eken emi ẹdude ke Intanet ke se ibede usem 430.