Be ka se isịnede

Be ka udiana n̄kpọ

Mme Ntiense Jehovah

Efịk

Mmemmem Nsiondi Enyọn̄-Ukpeme

Mmemmem Nsiondi Enyọn̄-Ukpeme

Ẹma ẹsio Enyọn̄-Ukpeme ke mmemmem nsiondi eke Ikọmbakara nte ndomonse ke isua kiet, ọtọn̄ọde ke nsiondi eke July 2011. Ini ndomonse oro ebe, ndien imebiere ndika iso nsio mmemmem nsiondi ke Ikọmbakara.

Mmemmem nsiondi oyodu ke French, Portugese, ye Spanish ọtọn̄ọde ke January 2013.

Ẹkenam mmemmem nsiondi ndin̄wam mbon emi ẹsidụkde mbono esop ke Ikọmbakara edi emi Ikọmbakara mîdịghe usem emana mmọ.

Mme owo ẹnọ ediwak leta ekọm ẹdi tọn̄ọ ke ata akpa nsiondi esie. Leta ekọm kiet okoto Rebecca emi edide isua 64, emi odụn̄de ke Liberia edi emi akanam mîkaha n̄wed. Enye ekewet ete: “Ke n̄kpep ndikot n̄wed. Ndusụk ini nyokot Enyọn̄-Ukpeme edi in̄wan̄ake mi. Mmama mmemmem nsiondi emi. Enye esin̄wan̄a mi.

Ediwak ete ye eka ẹda mmemmem nsiondi emi ẹn̄wam nditọ mmọ ẹtịm idem ẹnọ Ukpepn̄kpọ Enyọn̄-Ukpeme emi edide kiet ke otu n̄kpọ emi Mme Ntiense Jehovah ẹsinamde ke mbono esop mmọ.

Rosemary emi ọbọkde nditọ nditọ ita ewet ete: “Ikesimemke utom ndikpep Enyọn̄-Ukpeme ye nditọ emi. Ima isida n̄wed ukabadeikọ ise se ediwak ikọ ẹwọrọde. Ima isibiat ini iyom se ikọ ọwọrọde tutu mmọ ẹfre akpan n̄kpọ emi ẹkpepde. Idahaemi ida ini oro idụn̄ọde Ikọ Abasi inyụn̄ ise nte enye enyenede ebuana ye se ẹnemede.