Be ka se isịnede

Be ka udiana n̄kpọ

Mme Ntiense Jehovah

Efịk

Utom ke Wallkill ye Warwick ke Aka Iso

Utom ke Wallkill ye Warwick ke Aka Iso

Ke ẹbọp n̄kpọ ke mbufa itie iba emi Mme Ntiense Jehovah ẹnyenede ke United States. Mme Ntiense ke idụt oro ke ẹn̄wam ẹnam utom oro ke mfọn.

Wallkill, New York: Mme Ntiense 1,600 ẹdụn̄ do, kpa do ke Mme Ntiense Jehovah ke United States ẹsimịn̄ mme n̄wed ido ukpono mmọ. Mbon emi ẹn̄wamde ẹbọp n̄kpọ do ẹwak etieti ẹnyụn̄ ẹnam emi ke mfọn. Mmọ ke ẹbọp obufa ọfis emi edide enyọn̄ iba, ẹbọp itie unịm moto, ye ufọk emi edide enyọn̄ iba emi mme owo ẹdidụn̄de. Mbemiso 2012 okokụrede, ẹma ẹbọbọp ufọk emi ẹbonde mme n̄kpọutom ẹnyụn̄ ẹtat ubet udia man ekem owo 200 efen efen.

Mme Ntiense Jehovah ẹnyene mme ọfis emi ẹkotde n̄kọk itieutom ke ediwak idụt. Mmọ ẹnyene ke Brazil, Germany, ye Mexico. Mme Ntiense Jehovah ẹnyene ufọkn̄wed ke Patterson ke New York, ẹnyụn̄ ẹnyene mme ọfis en̄wen ke Brooklyn ke New York. Ẹma ẹkụre se ẹbọpde ke Wallkill, enye oro edidi n̄kponn̄kan ọfis Mme Ntiense Jehovah ke ofụri ererimbot.

Warwick, New York: Ọfis emi edidi obufa ibuot itieutom Mme Ntiense Jehovah. Ẹwụri n̄kani ufọk emi ẹkedude ke isọn̄ oro. Mme Ntiense ẹdep isọn̄ ke Tuxedo ke New York man ẹda ẹbon mme n̄kpọ emi mmọ ẹdidade ẹbọp ufọk ke Warwick. To ke Tuxedo sịm Warwick edi kilomita 10. Imowụt mbon ukara ke Warwick se iduakde ndibọp. Ndondo emi mmọ ẹdọhọde ke imama se iduakde ndibọp, iyesịn n̄wed ibọ leta emi ediyakde itọn̄ọ utom ke itie oro. Ibuot itieutom Mme Ntiense Jehovah edisụk odu ke Brooklyn ke New York tutu ẹkụre se ẹbọpde do.