Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Ndise Warwick 3 (Eke January Esịm April 2015)

Ndise Warwick 3 (Eke January Esịm April 2015)

Se ndise emi man okụt se ẹnamde ke obufa ibuot itieutom Mme Ntiense Jehovah oro ẹsụk ẹbọpde ke ubọk, ọtọn̄ọde ke January esịm April 2015.

Warwick editie ntem ẹma ẹbop ẹma. Ẹto enyọn̄ enyọn̄ ufien ẹka nnasia:

  1. Itie Udiọn̄ N̄kpọisan̄

  2. Itie Ubon Moto Isenowo

  3. Itie Udiọn̄ N̄kpọ/Itie Ubon Moto Mbon Bethel

  4. Ufọkidụn̄ B

  5. Ufọkidụn̄ D

  6. Ufọkidụn̄ C

  7. Ufọkidụn̄ A

  8. Ọfis/Ufọk Emi Ediwak Itieutom Ẹdidude

January 2, 2015—Itie Udiọn̄ N̄kpọisan̄

Harold Corkern, emi edide andin̄wam Kọmiti Oro Esede Aban̄a Usio N̄wed ọnọ utịn̄ikọ emi: “Nam Kpukpru Se Ekemede Nọ Jehovah.” Mme owo ẹsiwak ndidi Warwick ndinọ utịn̄ikọ man ẹsọn̄ọ nditọete emi ẹnamde utom do idem.

January 14, 2015—Ọfis/Ufọk Emi Ediwak Itieutom Ẹdidude

Afia ndodobi ọkpọ emi ẹfụkde mi an̄wam mbonutom ẹkeme ndinam utom ke ini etuep. Mi ke ufọk udia, itie usọbọidem, itie utem udia, ye itie uyetọfọn̄ ẹdidu.

January 16, 2015—Ufọkidụn̄ D

Mme esịn ikan̄ ilektrik ẹmọn̄ ẹtọn̄ọ ndidọn̄ wire ke ufọk. Ẹduri kan̄a urụk ikan̄ emi ọniọn̄de ebe ikpat 40,000 ẹsịm ufọkidụn̄ mbinan̄. Ẹketọn̄ọ ndidọn̄ ikan̄ ke Warwick esisịt ini ke ẹma ẹkedep itie emi, ndien ẹyeka iso ndinam emi tutu esịm ini emi ẹdikụrede utom do.

January 16, 2015—Ufọkidụn̄ A

Ete emi oyom ndiyet n̄kpọ emi ẹkotde polymethyl methacrylate ke etehe ufọk emi, enye idiyakke mmọn̄ m̀mê edịm odụk etehe emi. Ntre enye ebem iso ada tape adian ke ebiet emi enye mîyomke n̄kpọ emi esịm.

January 23, 2015—Ufọkidụn̄ A

Ete ye eyen ke ẹsịn waya emi ẹdidade idụri ikan̄ isịn ke ufọkidụn̄ mbinan̄ oro.

February 6, 2015—Itie Udiọn̄ N̄kpọisan̄

Nditọete ke ẹdia udia ke itie udia. Kpukpru usen, ẹsitem udia ẹnọ se iwakde ibe owo 2,000 kpukpru uwemeyo.

February 12, 2015—Itie Udiọn̄ N̄kpọ/Itie Ubon Moto Mbon Bethel

Ke ẹdọn̄ ikpọ ukwak ke isọn̄ ufọk emi ẹdisidiọn̄de n̄kpọ.

February 12, 2015—Ufọkidụn̄ C

N̄kpri nditọ ẹsiwet leta ẹda ẹkọm mme anamutom ke nti utom mmọ. Ediwak owo ẹsika ẹkenam utom do ke ibio ini. N̄kpọ nte mbufa owo 500 ẹsidi utom do kpukpru urua. Ke February, n̄kpọ nte owo 2,500 ẹkesinam utom ke Warwick kpukpru usen.

February 24, 2015—Warwick

Ẹnam utom emi ẹbe mbahade iba idahaemi. Etisịm April 2015, ẹma ẹkụre ndusụk n̄kpọ oro ẹketọn̄ọde ke January, utọ nte ndibọp ndinyụn̄ ndori ọkọm ufọkidụn̄; ẹma ẹkụre n̄ko ndidọn̄ ukwak ke mme itieutom eken ke Ọfis/Ufọk Emi Ediwak Itieutom Ẹdidude. Ke ini oro, mbon utom ẹma ẹtọn̄ọ ndidọn̄ mme ibibene ufọk ke Ufọk Udiọn̄ N̄kpọ ẹnyụn̄ ẹnam itie emi ẹditode Ufọkidụn̄ kiet ika en̄wen. Mmọ ẹma ẹnyụn̄ ẹdiọn̄ n̄kpọ mmọn̄ emi odude ke Blue Lake.

February 25, 2015—Ọfis/Ufọk Emi Ediwak Itieutom Ẹdidude

Ẹda ke isọn̄ ẹsio ndise itie udịghiukot emi. Mbonutom oro ẹkpede okụk ẹkenam ukwak ufọk oro okụtde mi, ndien Mme Ntiense ẹkedi ẹdidọn̄ itiat emi ẹdade ẹbọp.

February 26, 2015—Itie Udiọn̄ N̄kpọ/Itie Ubon Moto Mbon Bethel

Mme anamutom ẹma ẹdọn̄ ukwak ke isọn̄ ufọk ke usen emi tuep ekenen̄erede odu. Snow ama odu etieti ke Warwick ọtọn̄ọde ke January tutu esịm March. Ndusụk owo ẹma ẹsikwat snow ẹsion̄o ke itieutom ndien mbonutom ẹma ẹsika ẹkedụk n̄kpri ubet emi ẹbarade ikan̄ man ẹnam idem atara mmọ.

March 12, 2015—Itie Ubon Moto Isenowo

Ẹma ẹdori tian ke ọkọm ufọk emi. Etisịm utịt April, ẹma ẹkọn̄ ata ediwak ke otu ndiye ọkọm ufọkidụn̄ ke Warwick. Anaedi ẹyekụre kpukpru n̄kpọ ke ọkọm Ufọkidụn̄ B ke ufọt ọfiọn̄ June.

March 18, 2015—Itie Udiọn̄ N̄kpọ/Itie Ubon Moto Mbon Bethel

Ẹdoro ke enyọn̄ crane ẹsio ndise Ufọkidụn̄ B.

March 18, 2015—Itie Udiọn̄ N̄kpọ/Itie Ubon Moto Mbon Bethel

Mbon emi ẹsidọn̄de esan̄ mmọn̄ ke ẹda ke Itie Ubon Moto Mbon Bethel ẹse mbuwed ufọk emi. Ama oyom se ibede mbuwed 3,400 ke utom Warwick emi.

March 23, 2015—Ọfis/Ufọk Emi Ediwak Itieutom Ẹdidude

Mme owo ẹdoro ke boom lift ẹdian n̄kpọ ke ibibene man n̄kpọ idinam ufọk oro. Ẹsinọ mme owo ediwak orụk ukpep man kpukpru owo ẹdiọn̄ọ nte ẹkpenamde utom edi owo idaha unan. Ẹsinọ mme owo ukpep ke nte ẹkpewatde nsio nsio masịn̄ emi ẹsimende owo ọdọk enyọn̄, ẹkpep se ẹkpenamde mbak owo ididuọ, se ẹkpedade ẹkot ibifịk, nsio nsio idiọn̄ọ emi odude ke itieutom, ye mme ukpep eken.

March 30, 2015—Warwick

Ẹda ke edem usoputịn ẹsio mme ndise ufọkidụn̄ emi. Mbemiso ọfiọn̄ April okụre, ẹma ẹnen̄ede ẹsịn ifịk ẹnam n̄kpọ eban̄a ikan̄ ilektrik ye mme n̄kpọ eken ke Ufọkidụn̄ A, B, ye D, oro ikụtde ke ndise emi. Ẹma ẹtọn̄ọ ndinam ibibene, ẹdian tile ẹnyụn̄ ẹyọn̄ọ ndom mbakara ke Ufọkidụn̄ C (ufọkidụn̄ emi idụhe ke ndise emi).

April 15, 2015—Ufọkidụn̄ B

Owo iba ẹdoro ke boom lift ẹyet n̄kpọ ke ibibene ufọk mbak n̄kpọ idinam ibibene oro. Ẹsida n̄kpọ nte ọfiọn̄ iba ẹyet n̄kpọ emi ke Ufọkidụn̄ kiet.

April 27, 2015—Ọfis/Ufọk Emi Ediwak Itieutom Ẹdidude

Mme ọbọpufọk ke ẹda granite ẹbọp ibibene. Mi ke ẹdisida ision̄o mme n̄kpọ oro odụkde edi, ẹyenyụn̄ ẹnam nsio nsio utom en̄wen n̄ko.

April 30, 2015—Warwick

Ẹma ẹkpe owo emi esinịmde enịm ẹte odụk mmọn̄ Blue Lake emi ọkọdiọn̄ n̄kpọ oro ẹdisidade inam mmọn̄ oro osụhọde. Ẹkeme nditie ke ọfis ẹfịk n̄kpọ kiet ẹnam mmọn̄ osụhọde man mmọn̄ iditọ idụk ufọk ke ini oyobio adahade.

Kpep N̄kpọ En̄wen

Mmọ Ẹma Ẹnọ Idemmọ Unyịme Unyịme—Ke New York

Nso ikpanam ebe ye n̄wan emi ẹkenyenede akamba ediye ufọk ẹwọrọ ẹkedụn̄ ke ubet ufọk kiet?